Skip to Content

Complementarias

ESCOLA DE NAIS E PAIS: Educación dixital - Antonio Rial

Mar, 07/05/2019 - 20:29 — CEIP Plurilingü...

Un ano máis realizamos no centro a Escola de Nais e Pais.

Esta iniciativa nace debido á participación do profesorado en Plans de Formación Permanente do Profesorado (PFPP), por segundo curso consecutivo, e á existencia de tres Grupos de Traballo do profesorado no centro. Estes grupos de traballo están vinculados a tres proxectos levados a cabo durante este presente curso escolar 2018-2019: “Edulingüe: centro Plurinfantil e Plurilingüe”, “EDIXGAL: educación dixital” e “Introdución á robótica educativa na educación primaria”.

No centro somos conscientes da importancia da actualización e continua formación do profesorado para poder acadar os obxectivos que nos propoñemos en cada proxecto levado a cabo no centro. Do mesmo xeito, consideramos que é importante a formación das familias paralelamente en asuntos de grande interese, tanto no ámbito da escola como fóra dela, para a educación e desenvolvemento persoal e social dos/as vosos/as fillos/as.

A orixe do cine e da animación

Xov, 10/01/2019 - 01:00 — CEIP Plurilingü...

LUCES...CÁMARA...ACCIÓN!!

Comezamos a por en marcha actividades enmarcadas no proxecto "Nós tamén creamos".

Este proxecto, no que participará o alumnado de 1º,2º,3º e 4º de educación primaria, versará sobre o mundo do cine e da animación, proxecto no que realizarán un STOP MOTION dun libro de literatura galega que elas/es memas/os escollan entre unha colección deles. 

Pero este amor polo cinema será extendido a todo o alumnado do centro, dende a Educación Infantil ata os cursos máis altos da Educación Primaria, polo que todo o centro se mergullará no mundo do cine e da animación empregando diferentes estilos, técnicas e diferentes recursos.

Para saltar dentro deste proxecto, decidimos comezar dende o principio, polo que no centro realizamos un taller de animación e orixe do cine.

Primeiramente o alumnado expuxo as súas ideas previas sobre o cine, os seus gustos e como pensan que comezou este arte e cando (case o adiviñan).

Visita ao PARLAMENTO e MUPEGA

Xov, 29/11/2018 - 01:00 — CEIP Plurilingü...

O CEIP Plurilingüe de Lousada realizamos hoxe unha saída cultural a Santiago de Compostela. A primeira parada do día foi o Parlamento Galego.

O alumnado de 4º, 5º e 6º estivo durante a semana pasada coñecendo máis sobre a organización social e política do noso país, polo que puideron expandir os seus coñecementos sobre esta institución e sobre o que implica o poder lexislativo e a representación política.

O alumnado de infantil e os primeiros cursos de educación primaria tamén participaron nesta xornada, e mediante a visualización dun video sobre o libro titulado “Os Bolechas van o parlamento”entenderon dunha maneira máis sinxela cal é a función desta institución. Preme na imaxe para acceder ao video e a contido sobre este tema.

Resultado de imaxes para os bolechas van o parlamento

 

Durante a visita viron como e onde se reunen as/os 75 deputadas/os que compoñen o parlamento galego, recoñeceron algunhas persoaxes políticas, descubriron as diferentes instancias das que consta o edificio e para que serve cada unha delas, cantos parlamentos hai en Europa e realizamos unha análise do papel da muller neste eido.

Excursión Sarria-Monforte

Mar, 15/05/2018 - 21:58 — CEIP Plurilingü...

Comezamos a xornada saíndo pola mañán dirección Sarria, para acudir a unha exhibición de medios de diferentes especialidades pertencentes ao corpo da Garda Civil.

Puidemos coñecer de primeira man traballos máis específicos que realiza este corpo de seguridade. Algúns deles foron ver os materiais e modos de traballo do Seprona, Policía Xudicial, actividades de rescate subacuáticas ou o corpo de artificieiros, o cal impresionou moito as nenas e nenos polo tipo de ferramentas coas que teñen que traballar nesta especialidade, na que teñen que manexarse con explosivos. 

Vimos unha recreación de como funciona un equipo de rescate en zonas de dificil acceso, como unha montaña, e fomos conscientes da dificultade que pode haber nun rescate neste tipo de situacións. 

Con esta experiencia desfrutamos manexando e vendo as distintas ferramentas que empregan, puidemos montar e coñecer as motos e coches cos que traballan e escoitamos todas as curiosidades que nos tiñan que contar, así como valorar o importantes que son moitas das actuacións que levan a cabo. 

Por outro lado, tamén puidemos traballar co alumnado unha visión  crítica sobre perigos dos que temos falado na aula, sobre a nosa seguridade e a forma que temos de movernos e comportarnos no noso entorno, sendo conscientes dos perigos que nos rodean moitas veces, e que parecen invisibles. 

 

I Congreso Aliméntate Ben - Santiago

Sáb, 05/05/2018 - 13:35 — CEIP Plurilingü...

Como xa viñemos anunciando, fomos un dos 10 colexios de primaria que participaron este ano no "I Congreso Aliméntate Ben", celebrado o pasado Xoves, 3 de Maio, en Santiago de Compostela. 

Ata alá nos desprazamos moi cedo pola mañán: alumnado, profesorado e familias collemos todos os materiais que íamos ensinar e saímos no bus para comezar unha gran xornada. 

 

Chegamos a Santiago e o primeiro foi montar o noso stand. Naquel pequeno recuncho intentamos reflexar todo o que estivemos a realizar durante este curso no eido do plan proxecta "Aliméntate Ben": o noso horto e invernadoiro, obradoiro de pan, obradoiro de queixo, gráficas das nosas investigacións sobre os alimentos que consumimos e os nosos hábitos saudables e non tan saudables, comparativa do noso menú con un menú escolar de Gales, as nosas batidoras para dar a probar os batidos tan saudables que estivemos a facer, mostras das nosas plantas para regalar e unha morea de cousas máis! 

 

Distribuir contido


by Dr. Radut