En Galego

Na web do Seminario Galan podedes atopar información varia sobre Roberto Vidal Bolaño así como material didáctico para os diferentes ciclos.

Os pasados días 11 e 14 de maio celebráronse no colexio diversos festivais por mor da celebración do Día das Letras Galegas.

Os festivais consistiron nun contacontos, unha obra de teatro e unha actuación musical a cargo de Víctor e Óscar, con zanfoña, acordeón e gaita. Interpretaron diversas cancións populares co acompañamento do alumnado que previamente ensaiara as cancións na clase de música.

Ademais, para o alumnado de terceiro ciclo, a profesora de PT do centro, Lidia, interpretou o conto "Titiritesa". É  a historia dunha princesa que lle gusta comer terróns de azucre e saltar nas pozas, unha princesa que soñaba con explorar o mundo nun cabalo azul, unha princesa que se namora doutra princesa..

A obra de teatro, interpretada por alumnos e alumnas de sexto, levaba o título "Benvido a Fantasía" e trataba sobre o mundo das fadas, trasnos e zombies.

O contacontos para os máis pequenos (Infantil, primeiro e segundo ciclo) foi interpretado por alumnas de 5ºC e tiña por título "O home do saco".

Hai fotos na Galería.