Educación física

Os encontros están organizados polo departamento de Educación Física do centro. Os xogos nos que participará alumnado e profesorado son: Datchball, Volei e Ultimate.

Educación Infantil

Celebrou un encontro deportivo entre as mestras e o alumnado o mércores día 20 nas dúas primeiras sesións da mañá.

Educación Primaria

No caso de Educación Primaria, os xogos son o xoves día 21 de 9:30 a 11:45 horas aprox.

Nestes xogos participará activamente o alumnado dos diferentes niveis de sexto (A,B,C), mentres que o resto do alumnado de Educación Primaria, acudirá en turnos rotativos ao pavillón para visualizar e animar nos diferentes encontros que se realicen no turno indicado.

Fotos da actividade na Galería, podedes acceder na ligazón:

 http://www.edu.xunta.gal/centros/ceipgalan/galeria/thumbnails.php?album=150

Por fin chegou o día da carreira en Carballo, e inda que clima non foi o desexado, o venres 24  disfrutamos moito con esta nova experiencia.

Primeiro foron os nenos de categoría infantil masculina os que correron a distancia de 1200 metros e poideron comprobar o que significa correr unha proba de resistencia. Seguro que na vindeira ocasión cambiamos a estratexia para dosificarnos mellor e chegar todos máis frescos á meta. Pese a todo, todos finalizaron e principalmente pasárono ben.

Máis tarde, foron as nenas de categoría infantil femenina as que correron a distancia de 1000 metros. Fixeron un gran esforzo e tivemos en certos momentos da carreira nenas moi preto da cabeza. O importante é que acabaron contentas trala proba e con ganas de repetir.

Estamos á espera das clasificacións, pero o obxectivo de pasalo ben foi conseguido con creces. Na GALERÍA hai máis fotos.

O pasado venres 16 de decembro o alumnado de 6º de Primaria participamos nun proxecto de sensibilización que achega o deporte adaptado como medio de integración e que se está a traballar dende o Concello de Arteixo, Repsol e a Fundación Abrente: "O PROXECTO ENKI". Gustaríanos compartir a nosa experiencia.

A xornada tivo unha duración aproximada dunha hora e media e levouse a cabo no pavillón do noso colexio. A actividade desenvolveuse en tres fases, coa participación de deportistas con diversidade funcional de recoñecido prestixio: Ángel López Fernández e Iván Montero Ferreiro.

• Fase de apertura da xornada: explicación e presentación sobre a diversidade funcional e como o deporte actúa como medio de integración social. Coñecemos o deporte adaptado?
• Fase de actividades deportivas e circuítos "Ponte no seu lugar":aprendemos a empatizar coas persoas con diversidade funcional, comprobando por nós mesmos/as as dificultades que poden existir de accesibilidade no medio. Realizáronse rotacións duns vinte minutos polas diferentes actividades: circuíto en cadeira de rodas, handbikes de competición e paseo, fútbol a cegas e  baloncesto en cadeira.
• Fase de historias de superación: a xornada rematou cunha recollida de impresións conxunta sobre as dificultades observadas, o goce da xornada e a concienciación e recolleita de valores.

Queríamos mandar un saúdo a todo o equipo que visitou o noso centro e que nos regalou esta marabillosa experiencia. Moitas grazas, en especial, aos dous deportistas Iván e Iago; grazas pola vosa colaboración pero sobre todo, grazas por deixarnos coñecer máis sobre as vosas historias persoais e de superación, sodes un exemplo a seguir.

Hai máis fotos na galería.

Dende o noso centro contribuiremos á conservación e recuperación de actividades lúdicas tradicionais.

Dende a clase de Educación Física realizaranse xogos e actividades con peóns.

Á hora do recreo as nenas e nenos do colexio poderán practicar e demostrar as súas habilidades co peón.

Arquivo de actividades aportado por Brinquedia ( Rede Galega de Xogo Tradicional)