Campo a través en Carballo

O pasado venres 29 de Novembro tivo lugar, en Carballo, no Campo de Fútbol de As Eiroas, a xornada de campo a través comarcal á

que acudiron as nenas e nenos de quinto e sexto de primaria.

Saímos as 9.30 do cole para chegar sobre as 10.15 ao percorrido, xusto para recoller os dorsais, poñelos e facer un pequeno

quecemento antes da primeira carreira na que participabamos o Equipo Infantil Masculino.

Posteriormente, sobre as 11, as que tiñan que enfundarse a roupa deportiva foron as nenas do Equipo Infantil Feminino, facendo un

gran papel na proba, chegando a liderala ao comezo da mesma.

A partir das 11.15, foi o momento do Equipo Alevín Masculino. Neste caso, pola gran cantidade de nenos participantes a proba dividiuse

en dúas tandas. Na primera delas foi onde obtivemos os mellores resultados tendo en conta que fomos quen de clasificarnos como

segundo mellor equipo para a proba Intercomarcal que se celebrará o día 18 de Xaneiro nos Menhires de A Coruña. Pero os da segunda

tanda fixeron unha gran carreira, copando parte dos primeiros postos ao comezo.

Finalmente, sobre as 11.30, foron as nenas de quinto, do Equipo Alevín Feminino, as que participaron na proba pechando andaina do

noso cole no campo a través. Saíron especialmente motivadas, algunhas un pouquiño nerviosas, pero cunhas ganas tremendas de

rematar a carreira da mellor forma posible, pasándoo ben e desfrutando desta nova experiencia.

Cando deron as 12.15 collemos de novo os buses para regresar ao cole, chegando as 13 horas para, como premio ao noso esforzo, ter

a clase de última hora da que taaaaantas gañas tiñamos...

Valoramos esta experiencia como moi positiva, querendo repetir para o ano que vén e desexando moita sorte aos nosos

compañeiros clasificados para o Intercomarcal.

PARABÉNS!

ATLETAS CLASIFICADOS NA CATEGORÍA ALEVÍN MASCULINO

EQUIPO CLASIFICADO NA CATEGORÍA ALEVÍN MASCULINO