En Galego

O 16 de maio celebramos no colexio o día das Letras Galegas cun festival repleto de actuacións. Levouse a cabo en dous pases; no primeiro contamos coa participación do alumnado de Infantil, 1º, 2º e 3º de Primaria e no segundo pase coa participación das nenas e dos nenos de 4º, 5º e 6º.

A continuación enumeramos as actuacións da primeira parte:

• A canción "O galo canta" (1ºB)
• A canción "Pirimpimpín" (1ºA)
• O conto "Lolo anda en bicicleta" de Carlos Casares (2ºA)
• A canción "O tren" (2ºB)
• A obra de teatro "A galiña azul" de Carlos Casares (2ºC)
• A canción "Corre, corre cabaciña" de Eva Mejuto e André Letria (1ºC)
• A canción "Meu o mundo é" de Paco Nogueiras (3º)
• Actuación de nenas pandereteiras de diferentes cursos.

Parabéns a todas e todos polo traballo levado a cabo. Hai que felicitar tamén ao marabilloso público de Infantil que nos deu unha lección a todas e todos.

Xa están listos os vídeos desta parte. Premede na imaxe para acceder ao canal de youtube.

Nuns días estarán á vosa disposición as gravacións da segunta parte.

A continuación podedes acceder aos materiais do Samaín para Infantil e Primaria; materiais elaborados polos Equipos de Dinamización da Lingua Galega do colexio Galán e do colexio Eusebio da Guarda e polo Equipo de Actividades Complementarias e Extraescolares do colexio Galán:

Xa tedes á vosa disposición na web do Seminario Galán numerosa información sobre o autor homenaxeado no Día das Letras Galegas, 2015, Manuel María, así como diferente material didáctico, en PDF e en rede para todos os cursos de educación primaria e educación infantil. Ás actividades en liña tamén se pode acceder directamente dende esta páxina web (barra lateral dereita).

Tamén podedes atopar este mesmo material, xunto con outros achegados por outros centros educativos, na páxina da coordinadora de ENDLG.    

O pasado xoves, 4 de febreiro, visitounos no colexio un felo de Maceda. O protagonista desta visita era Jorge Fernández Carballo, membro da Asociación Felos da Corga da Serra e antigo alumno de Galán, que viña co traxe de felo da súa terra natal.

Jorge explicoulle ao alumnado de infantil, primeiro e segundo as características da súa indumentaria e das costumes e tradicións que arredor desta figura se manteñen vivas polas terras de Maceda.

Someteuse ás preguntas do alumnado e deulles un recital de chocas. Unha auténtica marabilla!

Máis fotos na Galería.