Prezadas familias:
Con esta circular queremos informarvos de temas de interese.
- Finalización do curso, entrega de boletíns de notas e listaxe libros de texto: mércores día 21 de xuño. Por Abalar as familias accededes ás cualificacións.
- Reclamacións ás cualificacións, dous días lectivos, ou se é o caso, hábiles desde o día seguinte á comunicación.
- Horario de atención ao público en Secretaría durante o mes de xullo, mentres o centro permaneza aberto: 9.30h a 12.30 h
- Fondo solidario de libros e vales para a adquisición de material.
Recollida de VALES das axudas libros e material. Os vales só se entregarán á persoa solicitante. Se esta non puidese recollelos poderá autorizar a outra persoa que deberá traer autorización escrita e as fotocopias do DNI das dúas persoas ( solicitante e autorizado/a). Modelo de autorización no adxunto.
10 e 11 de xullo, entrega ás familias de 1º, 2º e 3º de Primaria
12 e 13 de xullo, entrega ás familias de 4º, 5º e 6º de Primaria
Entrega de libros do Fondo Solidario. Estableceranse datas no mes de setembro para a entrega dos libros adxudicados no fondo así como dos vales ás familias que non puidesen recoller en xullo. As datas de entrega serán publicadas na páxina web do centro e a través da aplicación Abalar.
29 e 30 de xuño: Recollida de Historiais Académicos polas familias de 6º .A entrega farase á nai, pai ou persoa titoral legal.
4 de xullo: Publicación das listaxes provisionais do fondo de libros no taboleiro do centro.
5 e 6 de xullo: Reclamacións ( 2 días hábiles)
10 de xullo: Publicación das listaxes definitivas do fondo de libros no taboleiro do centro.
- Servizo de mañanceiros e actividades extraescolares, as familias interesadas nestes servizos deben solicitar información nas Concellerías de Deportes e Educación do Concello de Arteixo. Desde o centro facilítanse circulares do concello.
- A Orde do calendario escolar para o curso 2023-2024 establece o inicio do curso o día 11 de setembro.
- Libros de texto. A relación de libros de texto para o próximo curso está exposta no taboleiro da entrada e na páxina web do centro.
- As familias de 4º de Educación Infantil terán unha reunión de inicio de curso o día 6 de setembro.
- As familias de 5º de Educación Primaria terán tamén unha reunión en setembro para informalas do Proxecto E-Dixgal.
- No blog BiblioGalan, da biblioteca, están unhas recomendacións lectoras para o verán.
Chegado o final de curso queremos agradecer a vosa colaboración.
Desexamos que no vindeiro curso podamos continuar cos nosos proxectos e outras iniciativas.
Os nosos mellores desexos ao alumnado de 6º de Primaria nesta etapa nova que comeza para eles e elas!
Que pasedes un FELIZ VERÁN!
Oseiro, 19 de xuño de 2023
O Equipo Directivo