CEIP de Galán

No segundo trimestre comezaremos as visitas, con novas aventuras para todo o alumnado do centro. Coñecerán da man de Xabier Maceiras petróglifos, castros, lendas, pazos,  persoeiros como Manuel Murguía, torres vixías...Un forma divertida de descubrir o patrimonio cultural e natural da súa zona.

30 de xaneiro, Día Escolar pola Paz e a Non Violencia

NO HAY CAMINO PARA LA PAZ, LA PAZ ES EL CAMINO

Mahadma Gandhi

Estas son as actividades do mes de xaneiro:

1. Confección dun atrapa sonos, para o hall da entrada, onde cada clase poderá escribir nunha cartolina en forma de pluma, palabras, frases... sobre construír a paz e a convivencia: abrazos, diálogo, respecto...

2. Baile "coreografía" da canción de Xuxa Park , Nuestro canto de Paz. Farase no recreo do día 30 todos e todas, alumnado e profes, no patio exterior. A coreografía ensinarana polas aulas, membros da comisión, entre eles Ana, Amelia, Loli C, Clara e María.
Para esta actividade terán que traer  unha camiseta de cor, a que teñan, cores variados para o baile.
Ese día o recreo posporase 15 minutos máis.

A At. das familias de 6º de Educación Primaria,

ante as dúbidas que presentastes no centro pola presentación do Anexo I, informarvos que o Anexo I, reserva de praza no centro adscrito, é no centro de orixe, ou sexa no noso centro, no CEIP de Galán.

Calquera outra dúbida aclarámola.

Moitas grazas,

A Concellaría de Cultura, a través das bibliotecas municipais ven de convocar o Certame de poesía homenaxe a Rosalía de Castro cos seguintes puntos :

1.- As persoas participantes serán alumnos e alumnas dos niveis 4º, 5º e 6º de Educación Primaria.

2.- O tema da poesía será libre e a extensión dun máximo de 20 versos. O idioma poderá ser galego ou castelán.

3.- Haberá tres premios por nivel.

4.- Establécese un premio global que, elIxido entre os tres primeiros, consistirá nunha tablet. O resto dos premios serán lotes de libros.. 5.- Os traballos presentaranse do seguinte xeito : a poesía debe levar o título da mesma e un pseudónimo da persoa autora. Logo, nun sobre pequeno, deben aparecer os datos da persoa participante : nome e apelidos, nº teléfono. Neste sobre, na parte externa, debe constar o pseudónimo.Poesía e sobre pequeno deberán incluirse nun sobre de maior tamaño para a entrega. Os colexios que decidan participar, poderán enviar os traballos de xeito conxunto de participantes do colexio en sobres por niveis e unha listaxe de pseudónimos cos datos solicitados.

6.- A data máxima de entrega de traballos será o día 8 de febreiro, ate as 19:30, na Biblioteca Central no Centro Cívico Cultural de Arteixo, no paseo fluvial.

7.- As persoas finalistas serán avisadas, presentaranse o sábado día 17 de febreiro, na Biblioteca Central ás 11:30 e procederán a declamar as poesías para que o xurado decida os premios definitivos que entregaranse ao remate do acto.

CONTARÁN COA PRESENCIA DE YOLANDA CASTAÑO PARA O 17 DE FEBREIRO