CEIP Emilia Pardo Bazán

O pasado mércores, 30 de outubro, impartironse nas tres aulas de sexto do noso centro escolar unha charlas co título de "Como cambian os tempos" .
Estas charlas están patrocinadas pola Asociación Cultural Tempo Novo de Elviña-Castro e pola Mesa pola Normalización do Idioma Galego. O ponente é Carlos García Casás, profesor de primaria e vocal de Tempo Novo.
Nestas charlas, cunha duración de cincuenta minutos, proxectouse un vídeo con imaxes da Galiza dos anos 60 e con poemas galegos de Curros, Celso Emilio e Cabanillas,  musicados polo propio Carlos García, e na que se deu unha visión de como era a vida nas aldeas galegas, a escola, o idioma, a alimentación, os costumes...
A intervención rematou cun coloquio co alumnado e co profesorado-titor.

LENDAS DE SAMAÍN 2019

Estimadas familias:

Entre as actividades que imos organizar no Centro para celebrar o Samaín, hai unha na que resulta imprescindible a vosa colaboración. A idea é levar a cabo unha recompilación oral de lendas populares e poñelas a disposición de toda a comunidade educativa a través da web do noso cole. 

Explicámosvos polo miúdo en que consiste a actividade e cal é a forma de colaboración que vos solicitamos.

Paso 1: Axudade aos vosos fillos e fillas a buscar unha persoa (da familia ou dos coñecidos) que saiba algunha lenda e se preste a contala.

Paso 2: Colaborade con eles para facer a gravación dixital dese relato (cun teléfono móbil, por exemplo).

Paso 3: Entrade na páxina web do CEIP Emilia Pardo Bazán e seguide as instrucións para enviarnos o arquivo da gravación. Para estes efectos, acabamos de habilitar unha ligazón na seguinte imaxe que vos leva a wetransfer.com onde deberedes poñer enviar email a: lendasdoemilia@gmx.es Lembrade poñer o autor no campo da mensaxe.

NOTA: Nesta ligazón (https://galiciaencantada.com/) podedes acceder a un bo número de lendas populares galegas. Estes textos dan idea do tipo de narracións que estamos a pedir que busquedes en colaboración cos vosos fillos.

Grazas pola vosa colaboración e feliz Samaín 2019.

EDLG e Extraescolares

   A primeira promoción de Educación Infantil vinculada ao proxecto “El jardín de Juanita”, xa está en E. Primaria.

   O pasado 10 de xuño contábanlle á creadora do proxecto, Angélica Sátiro, como foran quen de crear accións medio ambientais neste espazo do colexio: “La primera vez que lo vimos estaba todo lleno de tierra; no había flores, parecía un poco de desierto con cosas tiradas. Lo teníamos que plantar nosotros, y … cuanto más crecían las flores, más crecíamos nosotros. No al mismo tiempo, pero un poquito todos”.

   Falaban tamén do seu desexo de seguir colaborando no proxecto polo que tentaremos de que, dalgún xeito, as súas suxestións podan ser unha realidade durante o tempo do recreo.

   Na páxina do xardín (https://www.facebook.com/eljardindejuanita/) narraremos o desenvolvemento dos pensamentos da nova promoción. Pero para entender que non se trata de facer xardinería senón de darlle ás infancias a oportunidade de crear as súas propias accións, nada mellor que un resumo do que fixeron na promoción anterior e que foi explicado na inauguración da exposición “El jardín de Juanita” e na presentación do libro “Ciudadanía creativa” na Fundación Luís Seoane a finais do curso pasado.

   El jardín de Juanita na Fundación  Luis Seoane:

http://www.crtvg.es/rg/destacados/diario-cultural-diario-cultural-do-dia-10-06-2019-4135942?t=1&fbclid=IwAR16HPmzcX_o9tNEqVVb6UIleNeW_p1kWlBOGJ6W9B_ZuVdQ8OYJQ25ox18

MAR Santiago Arca, setembro 2019