Skip to Content

Educación Infantil

XII Semana Europea de prevención de residuos

Mér, 22/12/2021 - 18:01 — mppa

Pola XII Semana Europea de prevención de residuos, do 20 ao 28 de Novembro, o alumnado de infantil, andivo a recoller o lixo que atopaba dentro do recinto escolar. Ibamos ben preparados para este traballo.

 

 

 

O asombrados que quedamos ao ver a cantidade de variedade de material que había (calcetíns, latas, plásticos, trozos de macetas, envoltorios...)

Axudamos a recoller o que está fora de sitio, para manter as nosas zonas limpas.

 

PERO NON É MÁIS LIMPO O QUE MÁIS LIMPA, SENÓN O QUE MENOS ENSUCIA. (Robert Baden-Powell)

 

A raíz da economía circular das 9 R (repensar, redeseñar, refabricar, reparar, redistribuir, reducir, reutilizar, reciclar, recuperar) fíxose un obradoiro con material de refugallo, uns barquiños con diferente material, que os propios nenos decoraron, en sintonía co Proxecto Documental Integrado que se está a levar no colexio.

 

A PRIMEIRA PLANTACIÓN DO CURSO COS MÁIS PEQUENOS.

Mér, 22/12/2021 - 15:13 — mppa

Cos máis pequenos de Infantil de 3 anos, imos plantar na aula (a ver si así medran máis rápido!) Cos demáis, facémolo en terreo  que temos no exterior ao aire libre e no invernadoiro.

Así que poñemos un pouco de todo que se planta neste tempo.

GRELOS

COLIFLOR

CHÍCHAROS

ACELGAS

REPOLO

LEITUGA (xa que era no interior) porque non lle gusta moito o frío.

Non esquecerse de regala verdura de vez en cando, para que medre. 

 

Agora a que medren!

Pero polo tempo que vai, a verdura tarda moito máis en medrar.

Agardamos impacientes!

 

Tamén puxemos unhas flores, como xacintos de diferente cor.

No exterior.

E no interior, puxemos os xacintos en tarros de cristal, para ver como medran as súas raíces.

 

 

A COLLEITA

Mér, 22/12/2021 - 00:01 — mppa

Cando chegamos das vacacións de verán, recollemos o que se deixou plantado o curso pasado.

Temos unhas fermosas flores de alhelíes e pensamentos.

Aproveitamos a collerlle a semente para poñer máis, exercitando así a psicomotricidade fina dos máis pequenos.

Esta é toda a semente que recollemos!

As cabazas para o Samaín, éstas son algunhas das que puxemos con outros produtos no recuncho do outono.

Recollemos algo de perexil, que sempre está medrando ¡que non falte na comida!

Os tomates medraron moito, e houbo para levar a proba para casa.

Estes son os derradeiros que collemos e que tiveron que madurar na aula.

Tamén plantaramos unhas tomateiras de cherry, que levaron para casa, e unha familia despois do verán tróuxoa moi medrada, e con tempo, recollemos o seu froito maduro.

 

 

Programa eTwinning en Educación Infantil.

Mar, 15/06/2021 - 23:04 — mppa

Este curso, en Educación Infantil, probaron a participar nun novo programa chamado eTwinning, que propón como idea principal, contactar centros educativos europeos e traballar de forma colaborativa, compartindo experiencias, culturas, tradicións, e sobre todo, coñecer outros mestres e alumnado interesados en ampliar coñecementos no tema que se elixa entre ambos ou máis centros educativos.

Polo que este ano, atoparon unhas mestras de Bistrita (Rumanía), interesadas en facer un proxecto xuntas. O proxecto trata o Patrimonio de ambas cidades. Velaquí unha reseña que fai o xornal.

 

O XARDÍN DE JUANITA CELEBRA O WORLD CREATIVITY DAY

Mér, 21/04/2021 - 16:15 — marsantiago

 

Hoxe e mañá, 21 e 22 de abril, celébrase o Día Mundial da Creatividade (WCD) e dende as escolas preguntámonos se os nenos e nenas o son.

 

Angélica Sátiro, experta en creatividade e creadora do proxecto “El jardín de Juanita”, di que é un “xeito de vivir, convivir, socializar, pensar, coñecer, producir e aprender”. Por iso, o noso xardín forma tamén parte destas celebracións.

https://www.prensaescuela.es/jugando-a-pensar-con-juanita/

 

https://play.cadenaser.com/audio/1619008802_322606/

MAR Santiago Arca, 21 abril 2021

 

 

Preparando o Nadal

Mér, 09/12/2020 - 22:15 — admin

O Nadal xa está aquí, vai ser un Nadal diferente pero non imos perder a ilusión destas datas.

Por iso, o pasado xoves 3 visitounos un Elfo, estivo no cole de E. Infantil, tivo moito traballo porque foi por cada clase e claro, o primeiro que fixo foi recordar todo o que hai que facer para que sexa un Nadal seguro.

Logo contounos o conto de Martiño no que estivemos moi atentos.

Por certo, se queres saber como se chama, preme na seguinte imaxe

 

 

 

DEREITOS DOS NENOS E NENAS

Dom, 22/11/2020 - 19:11 — admin

20 DE NOVEMBRO

DÍA INTERNACIONAL DOS DEREITOS DOS NENOS E NENAS

 

Traballo feito polo alumnado de Educación Infantil do noso cole (preme na imaxe para velo)

ESTE É O NOSO COLE!

Ven, 03/07/2020 - 20:35 — admin

Agora chegaron as vacacións, imos descansar para volver con moitas ganas en setembro.

Estamos desexando coñecer aos peques novos e que veñades a pasalo moi ben connosco.

Mentres, deixámosvos esta pequena presentación para que poidades ir coñecendo o que será o voso cole.

 

 

CEIP EMILIA PARDO BAZÁN Equipo E. Infantil

FELIZ VERÁN E BOAS VACACIÓNS!!!

Xov, 04/06/2020 - 11:22 — afconde

Hoxe tócanos despedir o proxecto un curso máis. Foi un curso atípico e tamén complicado para tod@s, porén soubemos como sacarlle partido dende a casa grazas ás ferramentas informáticas.

Antes de acabar gustaríanos darvos as grazas a vós, ás familias, por participar e colaborar en todo o que vos propoñemos sempre, desta maneira é moito máis agradable e motivador para tod@s.

Hoxe ímosvos deixar unhas ideas de actividades moi chulas que crearon @s nos@s compañeir@s de "Aulas Galegas", que levan facendo un traballo incrible desde que deixamos de ir o cole.

Neste link, https://aulasgalegas.org/sabes-o-nome-das-froitas/, podedes acceder a unha sección de actividades para practicar o nome das froitas.

Neste outro link, https://aulasgalegas.org/espetada-de-froitas/, tendes unha receita con froita moi apetecible, animádevos a probala!

E para rematar, GRAZAS aos nosos alumnos/as, ás familias e a todas as mestras que participamos neste proxecto tan enriquecedor!

NON ESQUEZADES COMER MOITA FROITA, XA SABEDES TODAS A COUSAS BOAS QUE NOS APORTAN!

VOLVEREMOS O VINDEIRO CURSO CARGAD@S DE ENERXÍA E IDEAS NOVAS!!!!

FELIZ VERÁN!!! 

RECEITAS CON SANDÍA

Ven, 08/05/2020 - 12:12 — afconde

Hoxe traémosvos unhas ideas para comer sandía. Ás veces limitámonos a comer a froita tal como ben, pero tendo tempo e querendo consumir máis sen aburrirnos podemos tomar nota das seguintes ideas, que por outra banda, pódense aplicar a outras moitas froitas.

Esperamos que vos gusten!!! 

anterior     posterior

Distribuir contido


by Dr. Radut