Presentación | Horarios | Oferta educativa | Secretaría | Contacto
Primaria
DÍA DA LINGUA DE SIGNOS
E se deixamos de falar de inclusión e empezamos a falar de convivencia?
Pouquiño a pouco imos dando pasos... para isto, o pasado venres 14 de xuño conmemoramos o Día Nacional da Lingua de Signos.
Nas aulas de 1º e 2º falamos do alfabeto dactilolóxico, da lingua de signos... e tamén elaboramos unhas chapas cos nosos nomes así como fixemos un agasallo para cada mestra!
Traballo do terceiro ciclo sobre os ODS
Entrade en cada obxectivo para ver o vídeo correspondente do alumnado de 5º e 6º de primaria. Agardamos que os desfrutedes e aprendades sobre os obxectivos de desenvolvemento sostible cos nosos nenos e nenas.
CONTACONTOS: Morto de fame
O pasado xoves 9 de maio o alumndo de 1º e 2º recibimos a visita de David Rodríguez, deseñador gráfico, activista político e escritor de contos de adultos e tamén infantís como o de "Superavoa".
David fixo unha pequena homenaxe ao "Hematocrítico" contándonos o seu conto de "Morto de fame" e para rematar interpretou coa súa guitarra unha canción moi pegadiza sobre o propio conto.
Coñecendo a Jean-Michel Basquiat
O alumnado de terceiro ciclo comezou a traballar en Arts sobre o artista Jean-Michel Basquiat.
Traballamos sobre Georgia O’Keeffe en Arts
O alumnado de primaria estivo aprendendo moito sobre a vida e a obra da artista Georgia O'Keeffe en Arts.
Ademais, preparamos unha instalación artística de flores feitas con papel de xornais vellos, reutilizando este material de refugallo e dándolle unha segunda vida para decorar a planta baixa da escola. Deste xeito, esta actividade, ademais de achegar a figura de Georgia O'Keeffe ao alumnado e de desenvolver a súa creatividade, enmárcase no PDI do centro.
Xogos en familia do terceiro ciclo en abril
O martes 9 de abril volvemos desfrutar dunha nova xornada de xogos en familia, esta vez grazas á colaboración de Carla, Paula, Marisa, Jose e Diego. Moitas grazas por participar connosco e por facernos pasar este anaco tan divertido!
PLANTAMOS NO 1º CICLO
Esta semana as nenas e nenos de 1º e 2º decidimos plantar no patio as sementes coas que nos agasallou a ANPA polo Nadal e outras sementes de caravel indio. Para iso, reutilizamos unhas botellas de auga, que trouxemos xa preparadas da casa.
O primeiro que fixemos foi encher as botellas de terra, para logo botar as sementes enriba.
Despois, cubrimos as sementes cun pouco máis de terra e botámoslles un chisco de auga. Por último, colgámolas nunha das vallas do patio.
Agora só queda agardar para ver como van nacendo e medrando as flores e que o noso patio quede máis bonito!!
GRUPOS INTERACTIVOS COAS FAMILIAS MARZO 2024
Esta mañá desfrutamos dunha nova xornada de grupos interactivos coas familias. Nesta ocasión estiveron con nós Ledicia, Marta, Mariana, Rebeca, Laura e Mari.
Hoxe Laura, a nai de Martín, sorprendeunos cuns xogos fantásticos creados por ela sobre a temática do noso PDI "Pegadas verdes".
Os seus xogos tiñan uns nomes moi ben pensados:
ECOCIRARQ: ECOnomia CIRcular en ARQuitectura.
CAMICASOS: Camiño cara a unha casa sostible cheo de atallos e trampas.
DOMINOCASOS: Efecto dominó na casa sostible.
E tamén xogamos a Find the word, o exitoso Picto Rush e Patchwork Doodle. Moitas gracias ás familias por ser partícipes desta iniciativa que tan bos momentos nos está dando.
