Saltar navegación.


Presentación   |   Horarios   |   Oferta educativa   |   Secretaría   |   Contacto

Biblioteca

8 MARZO DÍA INTERNACIONAL DA MULLER

O pasado 8 de marzo celebramos no centro o Día Internacional da Muller. Este ano quixemos reflexionar sobre as desigualdades que existen entre mulleres e homes en canto a postos de traballo de relevancia en empresas, outros postos donde se toman grandes decisións e o tempo adicado para os coidados e as labores domésticas.

Dende o equipo de mestras que formamos parte do PFPP de centro e dentro do contrato programa igualaT, propuxemos ao resto de claustro e ao alumnado uns datos para a súa análise e reflexión e a realización de diferentes talleres nos que se pretende reflectir a importancia das actividades diarias que homes e mulleres deberían compartir igualitariamente.

 

 

Maleta sostibilidade

Durante o mes de xaneiro desfrutamos na aula de 5º de educación infantil do marabilloso contido da maleta de sostibilidade que crearon para nós dende o equipo de biblioteca. Nela atopamos moitísima información sobre o PDI que estamos a desenvolver durante este curso; encantáronnos tanto os libros informativos coma os contos e aprendimos moitísimo con eles.

Contos compartidos

Nova edición de contos compartidos na que Ariadna e Daniela Garrote viñeron a contarnos El nuevo nido de los pequeños marsupilamis, unha historia moi graciosa na que a familia de marsupilamis busca un novo fogar para vivir, na súa búsqueda terán que resolver diferentes situacións que implican a outros animais. Grazas compañeiras por vir a ler á nosa clase.

Contos compartidos

Unha das cousas que mais lle gusta ao alumnado é a interacción entre os diferentes cursos, esta vez Ariadna e Irea viñeron a ler un conto que lles encantou ás nenas e nenos de 5º de educación infantil; contaron ¿Hay algo más aburrido que ser una princesa rosa?. As nenas e nenos da clase prestaron moitísima atención e estiveron dacordo en que ser unha princesa rosa é moi pero que moi aburrido. Grazas compañeiras por vir a ler!

Actividades na biblioteca

Durante o primeiro trimestre de curso todos os xoves o alumnado visitou a biblioteca non só para realizar empréstitos de libros senón tamén para desfrutrar das diferentes actividades que se presentan na mesma.

RECOMENDACIÓNS LECTORAS DE NADAL

Deixámosvos unhas propostas de lectura para este Nadal. 

Agardamos sexan do voso interese e que gocedes con elas.  

gO equipo de biblioteca.

MES DA CIENCIA EN GALEGO NAS BIBLIOTECAS

Este mes de Novembro foi o Mes da Ciencia en Galego nas Bibliotecas polo que nos momentos semanais de biblio tivemos preparadas diferentes propostas concretas relacionadas con esta temática para que os nenos e nenas puideran realizar: coloreado de diferentes plantillas científicas que unha vez escaneadas coa tablet cobraban vida, empregando para isto a realidade aumentada, creación de chapas co nome do noso proxecto de centro, retos de construción diversos e tamén a posibilidade de empregar as nosas gafas de realidade virtual onde nos mergullamos no fondo do océano para ollar diferentes especies mariñas entre outras cousas.

 

 

 

BIBLIOTECA DE CENTRO

Este curso temos á nosa disposición todos os recursos da biblioteca de centro os xoves, éste será o día no que o alumnado levará un conto emprestado e tamén á mochila viaxeira.

Xogamos co alumnado de E. Infantil

A semana pasada celebramos o Día das Bibliotecas Escolares, unha das actividades propostas foi que o alumnado de 3º ciclo aprendera nas súas clases  diferentes xogos de mesa axeitados ao resto de cursos do cole. O obxectivo era ensinarlles a xogar aos máis novos e desfrutar dunha xornada divertida. Compartimos con vós algunhas fotiños do venres no que o alumnado de 5º de E. Primaria compartiu o seu tempo co alumnado de 5º e 6º de E. Infantil. 

Día das Escritoras

Hoxe, luns 16 de outubro, conmemoramos o Día das Escritoras. Esta data vense conmemorando dende outubro do 2016  para recuperar o legado das mulleres escritoras, facer visible o traballo das mulleres na literatura e combater a discriminación que sufriron ao longo da historia. Este luns traballamos  o poema de Gloria Fuertes "Poema al No". Pasamos o poema ao galego, o escribimos entre todos e todas e fixemos un pequeño mural para decorar a porta da nosa aula.

 

 

 

Distribuir contido