Saltar navegación.


Presentación   |   Horarios   |   Oferta educativa   |   Secretaría   |   Contacto

Primaria

As rapazas e rapaces de 5º e 6º teñen moito que dicir

Escoitade ás nosas rapazas e rapaces de 5º e 6º e pasade polo segundo andar da escola para desfrutar das súas marabillosas creacións.

Os maiores da escola teñen moito que dicir e as súas mestras podemos asegurar que son unhas e uns artistas, porque mirade que traballos tan espectaculares fixeron o primeiro día de escola deste curso para celebrar a volta ao cole. Quedaron preciosos, enchen de cor o corredor das nosas aulas e, o que é mellor de todo, axúdannos a coñecernos mellor, porque contan cousas sobre cada un e cada unha.

Noraboa, rapaces e rapazas, fixestes un fantástico traballo!

CREAMOS O XOGO DO TRES EN RAIA

O noso proxecto documental integrado deste curso tivo un dobre produto final, por unha banda, como xa sabedes, celebramos a II edición do Centifest no que amosamos todo o aprendido neste curso, por outra, o alumnado de 1º e 2º tamén fixemos os nosos propios tres en raia.

Primeiro de todo, cosimos unha bolsiña onde gardaríamos as pezas, despois, modelamos as pezas e pintámolas e por último marcamos na propia bolsiña o taboleiro de xogo.   

Cada neno e cada nena fixo o seu propio tres en raia mais tamén fixemos un a maiores para doar a aula hospitalaria.

 

XOGOS DO MUNDO

 Un dos traballos que presentamos o alumnado de 1º e de 2º de Educación Primaria á nosa feira de xogo foi un mapamundi no que incorporamos códigos QR que nos dirixían a vídeos onde os nenos e nenas explicaban oralmente as instrucións de xogos de diferentes partes do mundo: África, América…

Para facer este traballo previamente fixemos unha búsqueda de información e tamén gravamos os vídeos no noso croma.

 Ao final quedounos así! 

 

 

Para favorecer a difusión tamén fixemos uns trípticos enlazando a ditos códigos QR. 

Recibimos a visita de Pere Tobaruela

O pasado xoves recibimos a visita de Pere Tobaruela, autor do libro “Mariña e o balón” que limos o alumnado de 1º e 2º de Educación Primaria.

 

 

Primeiro, entre todos e todas recordamos o conto facendo un breve resumo e reflexionando sobre algúns aspectos que acontecían nel como a pouca presenza das nenas en xogos como o fútbol

Despois tivemos un tempo de preguntas e aí pescudamos que Pere ademais de escritor é adestrador de fútbol feminino algo que sen dúbida o levou a escribir este conto.

 

Para rematar asinou os nosos libros!

Grazas Pere por este ratiño tan agradable e por facernos rir tanto.

 

VISITA MUSEO DE HISTORIA NATURAL

O pasado martes día 14 de marzo o alumnado de 1º e 2º fomos de excursión ao Museo de Historia Natural de Ferrol.  Alí Berta guiounos e explicounos cousas interesantísimas sobre os exemplares de animais que tiñan alí: insectos, moluscos, crustáceos… Fixemos moitas preguntas e aprendimos un montón!

 

O que máis nos chamou  a atención foi, por suposto, o enorme esqueleto de balea común.

Logo desta visita, aproveitando que non chovía merendamos e xogamos un pouquiño no parque.

Foi unha mañá moi entretida e chea de aprendizaxe.

NAUTILUS

O xoves 16 de marzo de 2023  o alumnado de 3º e 4º de EP acudiu á sede da Afundación Abanca ver a obra de teatro "NAUTILUS".

O capitán Nemo aprecia o mar máis que a súa propia vida. Nemo vive a bordo do Nautilus, un submarino segredo que percorre os océanos de todo o mundo, lonxe de todo e de todos. Pero desde hai un tempo, o capitán observa que os bancos de coral estanse a converter en montañas de lixo, os peixes en bolsas de plástico, e as pradarías de posidonia en vertedoiros acuáticos. A vida mariña está en perigo e Nemo propúxose evitalo, pero non pode facelo el só. Por iso recluta ao profesor Aronax, a quen levará a unha viaxe de 20.000 leguas submariñas para amosarlle os segredos dese mundo fascinante ameazado pola contaminación humana.

Nautilus é unha versión da clásica novela de aventuras “20.000 leguas de viaxe submariño” cunha lectura actual, comprometida e ecoloxista. A historia que contaría Julio Verne hoxe en día.

                      

                     

A MAXIA DO XOGO EN 1º E 2º

Neste trimestre, dentro do noso proxecto documental integrado o alumnado de 1º e de 2º estamos a afondar nos xogos do mundo.

Para iso coa axuda das familias fixemos unha búsqueda de información distrubuindo ao alumnado por continentes, cada neno e cada nena buscou un xogo típico do continente que lle tocou e coa información, elaborou un texto instrutivo que están a expoñer na clase para que todos e todas poidamos xogar na sesión semanal que lle estamos a adicar.

Para abrir o trimestre, tivemos unha visita moi especial, o pai de Elsa, o cal nos ensinou un xogo típico de África, o awalé, un xogo ancestral e que, segundo algunhas fontes pode considerarse o primeiro xogo de mesa da historia. Para xogar só necesitamos sementes e unhas oveiras.

Algo que nos encantou deste xogo é que é un xogo solidario, sendo unha das súas normas a imposibilidade de eliminar ao adversario, e outra, que non se pode deixar pasar fame ao outro xogador ou xogadora, é dicir non podemos deixalo sen sementes, se queda sen elas, teremos que cederlle parte das nosas para que poida seguir xogando.

Animámosvos a que o probedes na casa xa que con el traballamos o razoamento estratéxico, o conteo e o pensamento global, non só temos que buscar a victoria senón que hai que respetar que o contrincante non perda.

O alumnado de terceiro ciclo asiste á obra What Monster!

O alumnado de 5º e 6º de primaria realizou unha saída para ver unha obra de teatro en inglés. Foi moi divertida e as nosas rapazas e rapaces demostraron as súas dotes como actrices e actores e o seu dominio da lingua inglesa. Look!

 

 

 

VISITA DE ANDREA MACEIRAS

VISITA DE ANDREA MACEIRAS 

O pasado 28 de febreiro veu ao cole Andrea Maceiras autora do libro "Alma de elefante" que limos o alumnado de 3º e 4º EP.

Antes de comezar  fixémoslle entrega dun pequeno agasallo preparado por todos nós: un elefante de "fieltro" e un libro cun pequeno texto e debuxos feitos por nós sobre o libro.

                                                          

Logo pasou a explicarnos as "orixes" do libro cunha presentación dinámica: a historia naceu a partir dunha viaxe que ela fixo por Asia e está dedicada ao neno ou á nena que perdeu un debuxo e que ela atopou preto de Banteay Srei (templo de Angkor, en Camboia). Cando o visitou había un grupo de nenos e nenas correndo polos arredores, alí foi onde atopou unha pequena folla cun debuxo no que aparecía a imaxe do que ela estaba a ver dende o mirador.

                                 

Despois da explicación pediunos que pecharamos os ollos, que  nos relaxaramos e nos viramos sendo auga, terra, aire ou pedra... Unha vez relaxados, leunos con voz mainiña un relato da velliña Champey no que nos pedía que imaxinaramos de que animal tiñamos a nosa alma, coma Suy que tiña alma de bolboreta e Lawen que tiña alma de elefante.

Conseguiu a nosa relaxación e, pouco a pouco, cada un de nós foi dicindo de que animal era a nosa alma: peixe laranxa, puma, serpe... Non vos podedes imaxinar a cantidade de animais que eran as nosas almas!!!

                                 

Respondeu a todas as nosas preguntas e escoitou moi atenta as interpretacións que iamos facendo sobre uen pensabamos que eran Suy e Lawen partindo do debux da cuberta do libro.

Para rematar  asinou os nosos libros facéndoos únicos co noso nome e o da alma do animal que cada un de nós imaxinou.

            

             

 Sóubonos a pouco o tempo que estivemos con ela.

Grazas Andrea Maceiras por compartir con nós un anaquiño do teu tempo.

       

 

MOCHILAS DO XOGO EN 1º E 2º DE PRIMARIA

Que acontece no xogo cando na miña quenda teño que tirar o dado, mover unha figura, coller unha carta e facer unha acción? Estamos traballando sen dúbida a planificación.

E cando penso: que carta tiro ou que movementos fago? A toma de decisións.

Son moitos os beneficios do xogo: xestión emocional, traballo das funcións executivas (razoamento, velocidade de procesamento, fixación de metas...).

É por isto, polo que este ano dende o centro o noso proxecto documental integrado versa sobre o xogo e neste trimestre decidimos elaborar as mochilas viaxeiras de xogo con varias propostas para gozar e aprender en familia. Cantas chapas eres capaz de coller coa cabeza? Como eres de rápido ou rápida para facer coincidir tres cartes atendo a diversos criterios? Eliximos un xogo de imáns e o xogo comercializado "Tripolo", un xogo de rapidez e velocidade de procesamento. 

Antes de que chegaran ás casas estivemos a practicar para poder formar adecuadamente ás familias!

 

 

 

Distribuir contido