Secretaría

Ante a aparición dos primeiros casos positivos no centro educativo, é preciso aclarar o seu procedemento de comunicación ás familias:

1. Sanidade carga na aplicación EduCovid o resultado dun positivo indicándonos de quen se trata (alumnado, profesorado ou persoal non docente).
2. Desde o centro educativo cargamos nesa aplicación os datos dos contactos da persoa positiva, tanto nas aulas como no transporte escolar, nun radio de 2 metros e por máis de 10 minutos.
3. Cando Sanidade nos confirma un positivo, tamén enviamos un aviso por AbalarMóbil ás familias do alumnado da clase ou clases que entraron en contacto con esa persoa (sen identificar os datos desa persoa conforme á Lei de Protección de Datos Persoais). As autoridades sanitarias poderán chamar a estes contactos para solicitar información ou para dar indicacións de como deben actuar.
4. En caso de non recibir ningunha chamada esas persoas seguirán coa súa vida normal, pois será que non foron consideradas contactos estreitos.

Así mesmo, dende o centro aclararamos  dúbidas a respecto do Protocolo COVID-19 que nos fixeron chegar algunhas familias:

• É a Consellería de Sanidade quen ten a potestade de ditar illamentos, corentenas, ou solicitar PCR.
• Os centros educativos temos o deber de comunicar todos os contactos con positivos e  vixiar para que se tomen as medidas de prevención no  ámbito escolar.
• Ainda que teñamos información dun caso positivo por outras fontes (familia, amizades…), non poderemos realizar comunicacións de contactos ou facelo oficial ata que Sanidade nos confirme ese caso.
• É responsabilidade de todos e de todas tomar as medidas de protección e seguir os protocolos de uso de máscara, distanciamento social, hixiene de mans… para evitar contaxios.
• Ante algún síntoma compatible co COVID-19, é conveniente quedar na casa ata descartar a enfermidade.
• Estas faltas de asistencia poderanse xustificar cun simple comunicado dos responsables legais ao centro (a través das titorías) e non precisarán de ningún xustificante médico.

Agradecemos a vosa comprensión e a colaboración que estades a realizar para que entre todos e todas poidamos minimizar os riscos, sempre conforme ás instrucions que nos achegan as autoridades sanitarias. 

O aumento da matrícula para o presente curso 2020-2021 no IES de Soutomaior, que supera os 400 alumnos e alumnas, motivou un incremento do número de usuarios/as do transporte escolar.

Na solicitude deste servizo para o alumnado da ESO incluída na matrícula ordinaria (mes de xullo), aclarábase que os usuarios excepcionais, que son aqueles que teñen o domicilio a menos de 2 km do centro, cursan unha ensinanza non obrigatoria (Bacharelato) ou están fóra da área de escolarización (Concello), poderían ter acceso a este servizo de houbese prazas vacantes neste servizo que oferta a Consellería de Educación.

Con todo, e en previsión desta problemática, o centro solicitou unha ampliación de prazas á Inspección de Recursos Educativo Complementarios, que respondeu aludindo á normativa vixente (Instrución 1/2020 da Secretaría Xeral Técnica da Consellería de Educación, Universidade e Formación Profesional do 8 de xuño sobre a xestión do Servizo de Transporte Escolar no Curso 2020-2021).

Ante esta situación, o centro e a empresa adxudicataria intentamos xestionar todas as opcións posibles para darlle o servizo ao maior número de solicitudes. Así, o autobús procedente de Vilaboa reforzará as paradas de Arcade máis afastadas (Peirao-Feira-Cruceiro) e os dous microautobuses da Pontesampaio recollerá, na parada do Cruce de Pierres, o alumnado para vir ao centro (entradas), pero non se pode garantir para todos o servizo no regreso (saídas).

Debido ao protocolo de adaptación ao contexto da COVID-19, a Consellería de Educación e Ordenación Universitaria fixou unha incorporación gradual do alumnado para o presente curso.  O calendario de presentacións do alumnado é o seguinte:

•  O acceso ao recinto farase pola entrada principal. O alumnado só poderá entrar ao recinto 15 minutos antes da hora asignada para a presentación do seu curso.
• O alumnado confirmará o seu grupo nas listaxes que atopará na zona do aparcadoiro e seguirá as indicación do profesorado para dirixirse cara á aula correspondente.
• A presentación durará entre 1h e 1h30 e, da man do/a titor/a, o alumnado coñecerá as normas principais do protocolo relacionado coa adaptación do ensino á Covid-19 e as instalacións do centro. A continuación, o alumnado abandonará o centro.
• As clases con todos os grupos comezarán a partir do luns 28 de setembro seguindo as pautas explicadas na presentación e conforme ao horario habitual (mañás, de 09:10 a 14:35; e tarde do martes de 16:30 a 18:10).

• As familias coñecerán o grupo ao que está asignado o seu fillo ou filla a través de AbalarMóbil ou chamando ao número 886 15 98 01 en horario de mañá (Lei Orgánica de Protección de Datos 3/2018).
• A reunión terá lugar no ximnasio do IES, ao que se accederá pola porta exterior que se atopa nas escaleiras do acceso principal.
• Para evitar aglomeracións e en cumprimento das indicacións sanitarias:
• Só pode asistir un membro da familia por cada alumno/a.
• Prégase acceder de maneira gradual nos momentos previos ás horas marcadas.
• Temas a tratar:
• Acollida.
• Inicio de curso.
• Medidas recollidas no Plan de Adaptación ao Protocolo Covid-19.

Informamos que, segundo foi aprobado no Plan Xeral Anual, o horario de atención ao público durante a segunda quincena do mes de xullo será o seguinte:

De luns a venres de 09:00 a 12:00 horas

Calendario de matrícula

Instrucións para formalizar a matrícula (prema no curso correspondente)

Impresos da matrícula (prema no curso correspondente)

Impresos comúns

• Autorización para o uso do correo electrónico
• Autorización para a recollida do alumnado en horario escolar
• Autorización para as saídas escolares no Concello
• Servizo de transporte escolar (só para o alumnado da ESO)
• Autorización do udo da imaxe de menores para actividades educativas