Xa está dispoñible a listaxe provisional de solicitudes admitidas e excluídas no Fondo Libros para o curso 2020-2021. Pódese consultar a través de:
- Quen fixera a solicitude telematicamente, debe acceder á aplicación Fondo Libros da Consellería de Educación usando o certificado dixital ou a Chave 365.
- Quen entregara a solicitude no centro, pode consultar a listaxe no instituto (a Lei de Protección de Datos impide publicar a listaxe nominal na web e no taboleiro de información).
Así mesmo, o Concello de Soutomaior vén de convocar as axudas para a adquisición de material escolar. As persoas interesadas en solicitar estas axudas poderán facelo ata o 10 de agosto no departamento de Servizos Sociais na Casa do Concello.
