O Consello de Ministros aprobou a fin da obrigatoriedade do uso da máscara en espazos interiores, con carácter xeral, a partir de hoxe, 20 de abril (Real Decreto 286/2022, de 19 de abril). No que ten que ver co ensino, é preciso sinalar:
- é obrigatorio en medios de transporte, xa que non se dá a distancia de separación de 1,50m.
- recoméndase o seu uso ao profesorado e alumnado con algún factor de vulnerabilidade.
- recoménase o uso da máscara no interior do centro no caso de estar en contacto con outras persoas a unha distancia inferior a 1,50m.
- recoméndase un uso responsable da máscara nos espazos pechados de uso público nos que as persoas transitan ou permanecen un tempo prolongrado.
En relación a esta orde, a Consellería de Educación da Xunta de Galicia publicou as seguintes Directrices sobre o uso de máscaras no ámbito educativo (21-04-2022), que indican:
USO OBRIGATORIO
• Transporte escolar
USO RECOMENDADO
• Persoal traballador do centro educativo.
• Alumnado do centro educativo.
• Centros de Educación Especial que dispoñen de servizo de residencia.
◦ Persoas traballadoras.
◦ Visitas cando estean en zonas compartidas.
• Casos sospeitosos e confirmados de COVID-19 e contactos estreitos de casos.
O Protocolo vixente no centro establece unhas distancias de 1,20m entre o alumnado nas aulas, polo que non podemos garantir a distancia referida de 1,50m. Por isto, o Equipo COVID do centro recomenda o uso da máscara.
Tamén aproveitamos para lembrar a importancia de circular pola dereita nos corredores e manter as distancias en todo o recinto escolar.