Hoxe, martes 1 de xuño, a Xefatura Territorial de Educación comunicou ao centro que se vai proceder a realizar un novo cribado masivo no instituto (alumnado, profesorado e persoal non docente) este vindeiro venres 4 de xuño. O obxectivo é detectar posibles asintomáticos e evitar calquera repunta nos contaxios logo de detectar un caso positivo no noso centro e dous casos positivos no CPI Manuel Padín Truiteiro, centro co que partillamos as liñas de autobuses.
Por todo isto, solicitamos a colaboración das familias e titores/as legais do alumnado para facer o cribado e solicitamoslles de forma urxente que envíen asinada esta autorización a través do/a alumno/a para que a entregue ao seu titor ou titora antes desta data. Deste modo, incluirase na listaxe para realizar a proba.
A autorización en papel chegará hoxe mesmo ás casas de man do alumnado. Tamén se pode descargar premendo nas seguintes imaxes.