Secretaría

Unha vez rematado o proceso de presentación de solicitudes, a listaxe provisional de admisión de alumnado para o curso 2020-2021 pode consultarse no Taboleiro de Anuncios do centro ou chamando por teléfono ao 886159802. 

Ademais, xa están dispoñibles os impresos de pre-matrícula para o alumnado:

- Prazo: do 20 ao 29 de maio.

- Instrucións:

• Descargar o impreso correspondente ao nivel no que vaia matricularse o/a alumno/a no Curso 2020-2021.
• 2º ESO.
• 3º ESO.
• 4º ESO.
• 1º BACH.
• 2º BACH.
• Cubrir o impreso. 
• Gardar unha copia (ou fotografía). Esta solicitude será vinculante á hora de formalizar a matrícula no mes de xullo.
• Devolver o impreso cuberto ao centro enviándoo ao seguinte correo: ies.soutomaior.arcade@gmail.com

*Se algunha familia non pode envialo por este medio, poderá deixalo no centro, en horario de 9:00 a 14:00h (en administración: Paz), tomando as medidas oportunas.

*Para facer a escolla de materias e itinerarios, é recomendable que consultes os cadernos de ORIENTACIÓN ACADÉMICA publicados para cada curso (agás 1º ESO):

• 2º ESO.
• 3º ESO.
• 4º ESO.
• Caderno de materias de 1º e 2º de Bacharelato.
• Orientación académica para 1º e 2º de Bacharelato.
• 2º Bacharelato: actualización ABAU e especial Que queres estudar despois?

Se tes dúbidas, podes poñerte en contacto coa Orientadora e a Xefatura de Estudos.

Restablécese o prazo para a presentación das solicitudes de admisión (RESOLUCIÓN 5 de maio 2020, DOG 6 de maio), polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 deste mesmo mes.O impreso de solicitude pode descargarse aquí.

Por motivos de seguridade, procuraremos establecer quendas para a entrega da documentación, co fin de non concentrar as familias no centro. Por esta razón, pedimos que chamedes ao 886159802 a partir do luns 11 para acordar día e hora, e así poder ser atendidos con maior seguridade sanitaria.

1. Novos prazos do procedemento.

De conformidade co artigo 33 da Lei 39/2015, do 1 de outubro, do procedemento administrativo común das administracións públicas, os demais prazos do procedemento de admisión reduciranse á metade.

2. Novos prazos do proceso:

• Presentación da documentación acreditativa dos criterios de baremo: ata o día 26 de maio de 2020.
• Publicación das listaxes provisionais do alumnado admitido e non admitido: antes do 9 de xuño de 2020.
• Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
• Publicación das listaxes definitivas do alumnado admitido e non admitido: ata o 26 de xuño de 2020.
• Formalización da matrícula ordinaria en educación secundaria obrigatoria e bacharelato: do 1 ao 10 xullo. Prazo extraordinario: do 1 ao 10 de setembro de 2020.

3. Adxudicación subsidiaria de postos escolares.

Con carácter excepcional, non se constituirán as comisións de escolarización. Todas as funcións para a adxudicación subsidiaria de postos escolares que se atribúen ao dito órgano do proceso de admisión serán asumidas e desenvolvidas polos servizos territoriais de Inspección educativa de cada unha das xefaturas territoriais da Consellería.

O Concello de Soutomaior pon en marcha o servizo de impresión das tarefas escolares para as familias que o precisen.

Deberán enviar a documentación ao email educación@soutomaior.com, indicando o nome, enderezo e número de teléfono de contacto para a entrega.

Tras o anuncio da Xunta de Galicia, queda suspendida a actividade lectiva e extraescolar do centro a partir do luns 16 de marzo e durante 14 días de forma oficial e a partir de mañá, venres 13, de forma recomendada.

Seguiremos informando puntualmente a través da páxina web e de abalarMóbil das actuacións que acorde o centro seguindo as instrucións da Consellaría de Educación.

Así mesmo, recomendamos seguir as pautas dadas polas autoridades en relación á alerta sanitaria.

Detectouse no centro un caso de parotidite (ou papeiras), que é unha enfermidade contaxiosa que provoca inflamación nas glándulas salivares con febre e dor. Detectouse un único caso mais avisamos ás familias para que vixiedes posibles síntomas xa que o periodo de incubación se dá entre os 12 e os 25 días. 

Síntomas:

• Febre
• Dor de gorxa.
• Dor de cabeza.
• Inflamación das glándulas parótidas (entre o oído e a mandíbula).
• Dor facial.
• Inflamación facial.

Non hai un tratamento específico para as papeiras, mais si un tratamento coadxuvante para aliviar os síntomas.

Para máis información, accede a esta información do SERGAS.