O IES A Pontepedriña, para axustarse a Lei de protección de datos, publica as listaxes de alumnado por grupos da seguinte maneira: tan só figura o NIF, NIE ou Pasaporte do alumno/a. O procedemento para a determinación aleatoria do catro cifras numéricas que se publican do código de identificación dun interesado foi realizado a través do proceso de selección aleatoria celebrado o 27 de febreiro de 2019 na Axencia de Protección de Datos. Como medida adicional, a orde dos códigos de identificación son aleatorios (a listaxe non está por orde alfabética do alumnado).

• Listas de alumnado de 1º e 2º de Educación Secundaria
• Listas de alumnado de 3º e 4º de Educación Secundaria
• Listas de alumnado de 1º de Bacharelato
• Listas de alumnado de 2º de Bacharelato

O IES A Pontepedriña informa do calendario do mes de setembro.

• As listaxes dos grupos publicaranse o luns, día 06 de setembro. As familias que teñan descargado Abalar móbil poderán ver o grupo a través dos seus terminais. Pola lei de protección de datos non serán publicados os nomes do alumnado. Seguindo as orientacións da Axencia de Protección de datos o procedemento será o seguinte: ocultar aleatoriamente tres díxitos do DNI /NIE ou Pasaporte.

• As listaxes de libros en préstamo do Fondo do IES e Fondo da AMPA para 2º e 4º de ESO publicaranse o día 8 de setembro.

•  O día 08 de setembro comeza o curso 2022-23 coa PRESENTACIÓN DO ALUMNADO. Para ver os horarios de presentación do alumnado de Educación Secundaria e Bacharelato prema aquí. Para ver os horarios de presentación do alumnado de Formación Profesional prema aquí.

• O día 08 de setembro o transporte escolar non funcionará a primeira hora pero recollerá o alumnado ás 14:25 horas. Desde o día 09 de setembro funcionará con normalidade.

• O reparto dos libros de préstamo do Fondo Solidario da Xunta, Fondo IES e Fondo AMPA do alumnado de 2º e 4º de ESO realizarase entre os días 09 e 16 de setembro.

• O reparto dos libros de préstamo do Fondo Solidario da Xunta do alumnado de 1º e 3º de ESO intentaremos realizalo entre os días 09 e 16 de setembro se ben pode demorarse (son libros novos e dependemos das entregadas das editoriais).

• AVALIACIÓNS INICIAIS: Probas entre o 19 e 23 de setembro. As avaliacións: días 26 e 27 de setembro.

• REUNIÓNS INFORMATIVAS COAS FAMILIAS PARA INFORMAR DAS AVALIACIÓNS INICIAIS: Entre 28 e 30 de setembro.

A relación de libros de texto para a ESO e bacharelato no curso 2022-2023 pode descargarse premendo nas ligazóns de cada curso.

Os libros de texto para 1º e 3º de ESO e 1º de Bacharelato son libros adaptados aos currículo LOMLOE. Isto implica que o centro xa non dispón de libros en préstamo do seu fondo para estos cursos.

Para os cursos de 2º e 4º de ESO e 2º de Bacharelato mantense os libros de cursos anteriores.

• 1º de ESO 
• 2º de ESO 
• 3º de ESO 
• 4º de ESO 
• 1º de Bacharelato 
• 2º de Bacharelato
  

DESCARGA PDF

O IES A Pontepedriña informa o seu alumnado de Formación provisional do Ciclo Superior de Comercio Internacional dos días e horas nos que debe presentarse para presentar e defender o seu Proxecto de fin de ciclo.

Para ver calendario e horarios prema aquí.

O IES A Pontepedriña comunica o calendario de probas libres para obtención de títulos de FP (LOE).

• XORNADA DE ACOLLEMENTO (de asistencia obrigatoria para as persoas matriculadas): 03 de xuño de 2022, ás 16:00 horas. Lugar: Aula 12.

• CALENDARIO DE EXAMES: 

• Ciclo Superior de Transporte e Loxística.
  • 1ª parte da proba: Día 08 de xuño de 2022.
    
    • 16:30 horas: Transporte internacional de mercadorías
    • 18:30 horas: Xestión administrativa do comercio internacional
  • 2ª parte da proba: Día 13 de xuño de 2022.
    
    • 16:30 horas: Transporte internacional de mercadorías.
    • 18:30 horas: Xestión administrativa do comercio internacional.

• Ciclo Superior de Xestión de vendas e espazos comerciais.
  • Primeira parte da proba: Día 08 de xuño de 2022.
    
    • 16:30 horas: Escaparatismo e deseño de espazos comerciais.
    • 18:30 horas: Xestión de produtos e promoción no punto de venda.
  • Segunda parte da proba: Día 13 de xuño de 2022.
    
    • 16:30 horas: Escaparatismo e deseño de espazos comerciais.
    • 18:30 horas: Xestión de produtos e promocións no punto de venda.

O IES A Pontepedriña informa dos calendarios para 1º de Bacharelato e Educación Secundaria Obrigatoria durante o mes de xuño.

• CALENDARIO DO MES DE XUÑO EN 1º BACHARELATO
• CALENDARIO DO MES DE XUÑO EN ESO

A Orde do 29 de maio de 2022 (DOG do 18 de maio de 2022) regula o procedemento para solicitar os LIBROS DO FONDO SOLIDARIO E AS AXUDAS PARA MATERIAL ESCOLAR para o alumnado de Educación Secundaria Obrigatoria.

1. O prazo de presentación de solicitudes abranguerá desde o 19/05/2022 ata o 22/06/2022, ambos os dous inclusive.

2. O alumnado que repita 4º de ESO e aquel que non teña praza en FPB no curso 2022/23 e formalice a matrícula no curso da ESO que lle corresponda  poderán presentala no prazo dun (1) mes desde a formalización da matrícula.

3. As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal

4. Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 ( https://sede.xunta.gal/chave365).

5. Opcionalmente poderanse presentar no IES ou en calquera dos lugares e rexistros establecidos na normativa reguladora do procedemento administrativo común.

6. O alumnado que ven para 1º de ESO debe presentar a solicitude polo procedemento electrónico ou na Secretaría do IES A Pontepedriña.

7. A solicitude será única para todos os fillos e, de ser o caso, tutelados que estean admitidos no mesmo centro docente para o curso 2022/23; nela especificarase o nivel de estudos que espera realizar cada un deles no citado curso. Se estivesen admitidos en centros docentes distintos, presentarase unha solicitude en cada un dos centros.

8. O anexo I que debe presentarse está dispoñible: no portal educativo (http://www.edu.xunta.gal), na sede electrónica da Xunta de Galicia (https://sede.xunta.gal ), ou na Secretaría do IES.

9. Para a tramitación deste procedemento consultaranse automaticamente os datos, agás que alguén se opoña a esta consulta. Neste caso deberán indicalo no recadro correspondente e presentar os seguintes documentos: DNI ou NIE da persoa solicitante e do resto dos membros computables da unidade familiar, Declaración do IRPF ou na súa falta Certificado tributario de imputacións no exercicio 2020. Se notifica discapacidade, Certificado de grao de discapacidade recoñecido pola Xunta de Galicia, referenciado a 31 de decembro de 2020.

10. Documentación complementaria que debe presentarse xunto co Anexo I:

1. Anexo II (comprobación de datos dos membros computables da unidade familiar) .
2. Copia do libro de familia onde figuren todos os membros computables a 31 de decembro de 2020.
3. Certificado de Convivencia, no caso de que o pai e a nai ou titor /es carezan de DNI e NIE.
4. Informe dos servizos sociais ou do órgano equivalente do Concello onde resida (se non pode ser polos medios anteriores).
5. Certificado ou volante de convivencia (se non pode ser polos medios anteriores).
6. Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.
7.  Certificado do grao de discapacidade do alumno/a ou calquera membro da familia.
8. Documentación xustificativa da situación de violencia de xénero no ámbito familiar. 
9. Resolución xudicial de incapacitación con patria potestade prorrogada ou rehabilitada. 
10. Alumnado en situación de garda ou tutela da Xunta de Galicia: copia da resolución administrativa ou xudicial. 
11. En todo caso, os documentos deberán ser válidos e eficaces no momento da súa presentación, e reflectir a situación persoal, familiar e económica en 31 de decembro de 2020, agás no caso de violencia de xénero, en que se aplicará o disposto na lexislación específica.
12. O centro publicará as listaxes provisionais o 11 de xullo de 2022. Contra esta resolución poderán presentar reclamación nos 2 días seguintes a esta publicación. As listaxes definitivas publicaranse o 22 de xullo de 2022.

Para mais información prema aquí.
 
AXUDA MATERIAL ESCOLAR

Tramitaranse na mesma instancia que a solicitude de libros. Ten os mesmos prazos e serve a mesma documentación.

O ENDL do IES A Pontepedriña convoca o V Concurso de Booktrailers, un certame de videos que ten como obxectivo promover a lectura de libros en galego e a creatividade audiovisual do alumnado.

Poderán concursar mozos e mozas de entre 12 e 18 anos de centros educativos sostidos con fondos públicos de toda Galicia.

Podes ler as bases deste IV Concurso no seguinte enlace.

Os traballos en soporte dixital (en calquera formato) enviaranse por correo electrónico ao enderezo de normalización lingüística do centro: endlpontepedrina@gmail.com

O prazo para concursar ata o 20 de maio. Animádevos a participar As dúbidas pódense consultar enviando un correo a endlpontepedrina@gmail.com

O IES A Pontepedriña informa que o abeiro da Orde do 25 de xaneiro de 2022 ( DOG do 11 de febreiro de 2022) publicaronse os novos criterios para a promoción e titulación do alumnado de Educación Secundaria e Bacharelato.

A aplicación desta orde tamén supón modificacións nas programacións didácticas dos departamentos. No apartado "Departamentos" poden consultar esas modificacións.

• Novidades do calendario de final do curso 2021-22
• Novos criterios de Promoción e Titulación na Educación Secundaria
• Novos criterios de Promoción e Titulación no Bacharelato