Blogues

     1 de outubro de 2022

      Homenaxe a Isidoro Brocos

  A directora do centro, xunto coa alcaldesa, rende homenaxe a Isidoro Brocos, escultor e profesor da Escola de Belas Artes do Instituto da Garda, no día de Todos os Santos

 Para acceder ao artigo publicado pinchar aquí

30 de outubro de 2022

Xacobe Pato, exalumno do centro, saltou ao papel con "Seré feliz mañana"

Para acceder ao artigo publicado en prensa pinchar na imaxe

25 de outubro de 2022

Intercambio IES Eusebio da Guarda-Collège Irène Joliot-Curie

Os alumnos e alumnas do colexio Irène Joliot-Curie de Fontenilles, estiveron na nosa cidade este mes de outubro, do 15 ao 21, no primeiro encontro do intercambio que desde hai dez anos realizamos con este centro, só interrompido polos anos de pandemia. Trinta e tres alumnos e tres profesores gozaron da acollida das familias españolas e de numerosas actividades coordinadas polos membros do departamento de francés. Realizamos con eles dúas excursións : a última etapa do Camiño de Santiago e unha ruta marítimo fluvial entre Pontecesures e Vilanova de Arousa, onde foron recibidos polo seu alcalde e na que contamos coa colaboración do noso compañeiro Antonio Fondo, a quen agradecemos o seu labor de guía ao longo da xornada. Co alumnado do ciclo de Guía, información e asistencia turística pasearon pola a cidade, atentos ás súas explicacións. Tamén visitaron os museos científicos, o Aquarium Finisterrae, a Torre de Hércules, o Castelo de San Antón e a Casa Picasso. Por último, coñeceron a historia do noso centro da man da nosa directora, Isabel Ruso e como despedida, tivemos unha divertida e emotiva festa na sala Picasso, con actuacións dos alumnos e alumnas, á que acudiron convidadas as familias e que finalizou cun buffet ofrecido polas familias e servido polo alumnado do ciclo de Axencias de viaxe e xestión de eventos, na biblioteca do instituto.
As familias francesas agradecen a calorosa acollida e o bo trato que recibiron os seus fillos e fillas e xa nos esperan para o mes de marzo, cando terá lugar a segunda parte deste intercambio. Grazas a todas as persoas que fan posible esta enriquecedora experiencia!

Información xeral do departamento. Pinchar no enlace

Actividades do departamento para realizar durante as sesións de titoría no curso  23-24. Pinchar na imaxe.

12 de outubro de 2022

O periodismo é máis necesario que nuncha nunha clase da ESO

Sabela Prieto, profesora de Lingua Castelá do noso centro e gañadora do premio Periodismo na Escola da Voz de Galicia e Norvento, fala no seguinte artigo sobre a importancia do periodismo nunha clase da ESO.

Para acceder ao contido do artigo pincha na imaxe.

7 de  outubro de 2022

Santiago Vilas no XXV Cume Hispano Alemán celebrado na Coruña

Para acceder á toda a información do artigo da Opinión pinche no enlace

4 de outubro de 2022

Exposición: A lírica galego-portuguesa medieval: códices, facsímiles e libros antigos.

A poesía galego-portuguesa medieval, unha das grandes xoias das nosas letras, conservada fundamentalmente nos Cancioneiros da Biblioteca Nacional de Lisboa, da Biblioteca do Vaticano e no Cancioneiro de Ajuda, foi composta nun período especialmente rico para a historia e a cultura do occidente medieval. Os límites cronolóxicos da nosa lírica trobadoresca van dende finais do século XII ata mediados do XIV, acontecendo no 1354 o pasamento do conde de Barcelos, considerado o último trobador e mecenas da lírica galego-portuguesa.

A nosa lingua adquire un momento culminante nesta época, en que é cultivada por todas as capas sociais. A nivel literario, o prestixio do galego acada cotas excelsas e servirá de canle para compoñer un corpus de poesía medieval recoñecido alén e aquén das nosas fronteiras.

Así pois, o Departamento de Lingua Galega e Literatura, en colaboración co EDLG, organiza esta exposición que, baixo o título A lírica galego-portuguesa medieval: códices, facsímiles e libros antigos quérelle amosar a toda a comunidade educativa do centro (especialmente ao alumnado de 3º ESO e 1º BACH, por ser unha parte fundamental do currículo de ambos niveis) a importancia que tivo a tradición manuscrita recompilada nos códices. De entre toda a extensa tradición compilatoria que se pode ver nesta exposición, cómpre destacar os facsímiles dos tres grandes cancioneiros antes nomeados,o Códice do Escorial das Cantigas de Santa María, de Afonso X o Sabio ou o Breviariode Amor, cuxa primeira versión estaba en occitano e do que se expón o manuscrito valenciano do século XV. Á parte disto, ilustran a exposición unhas láminas que recrean diversos aspectos da época trobadoresca, reflectidos nas cantigas, como algunhas clases sociais vítimas das principais invectivas das cantigas satíricas (como as abadesas), xograres segundo manuscritos dos séculos XI e XII, a relación de vasalaxe establecida entre o trobador e a senhor (recollida no libro Feodorum Maior, do século XII) ou unha miniatura do Libro de los juegos (conservado no Mosteiro de El Escorial), onde aparece Afonso X ditándolle ó seu amanuense.

Sen ningunha dúbida, este viaxe ao pasado coa mellor compañía posible, os libros, supón un merecidísimo tributo a un período lingüístico- literario inesquecible da nosa identidade.

                                                                  Teresa Pastor Novo (Coordinadora do EDLG)

• Para acceder ás fotos da exposicición pinchar na imaxe.
• Para acceder a máis fotos sobre a exposición pinchar no enlace

3 de outubro de 2022

Traballos de francés sobre diversidade bisexual

Con motivo do día internacional da visibilidade bisexual, celebrado o 23 de setembro, o alumnado de francés primeria lingua do grupo 3 ESO C, coa súa profesora Sara Pajon, realizou uns pósters sobre mulleres francófonas bisexuais, que expuxemos nos taboleiros do grupo Iguais na diversidade. Deste xeito, dende a materia contribuímos a dar visibilidade ao colectivo bisexual ao mesmo tempo que fomentamos o coñecemento de distintas mulleres francófona célebres, como as escritoras Simone de Beauvoir ou Marguerite Yourcenar, entre outras.

Máis pósters no seguinte enlace.

Martes 27 de setembro de 2022

Roteiro pola Coruña modernista 

Este pasado luns 26 de setembro un grupo de profesores e profesoras participou no roteiro A Coruña modernista, organizado polo Departamento de Xeografía e Historia, en colaboración co EDLG. O profesor Abel Fernández Maroño foi o encargado de explicar a historia dos edificios máis emblemáticos deseñados nese estilo artístico, construídos na cidade herculina nos primeiros anos do século pasado. Resultou moi interesante porque, á parte da información histórica achegada, serviu tamén para recrear curiosas anécdotas relativas á flora dos Xardíns de Méndez Núñez, costumes cotiás das mulleres doutrora, modas provenientes de ultramar ...... Mesmo algún dos asistentes tamén comentou curiosidades de certos nomes das rúas que antes foran castelanizados, pero que recuperaron a toponimia orixinaria galega e que explican moitos detalles da historia da nosa cidade, como a rúa Alcabaleiros, que eran os que cobraban as alcabalas (os tributos que os vendedores lles pagaban ao fisco nos contratos de compravenda e os dous contratantes, no de permuta). Tamén a profesora de Lingua galega e literatura Beni Vidal comentou a malfadada Casa Viturro, ao redor dun episodio de violencia machista acontecido nela hai moito tempo, que xa recrea a escritora Antía Yañez en Senlleiras. Esta lenda negra presente nesta edificación queda patente ou rexistrarse outro infortunio hai poucos anos. En resume, un roteiro moi interesante, que mesmo puideron seguir os participantes con cadanseu folleto explicativo, na tradución e confección do cal colaborou o EDLG. Aquilo que dixera Viente Risco de que : “Ti dis: Galicia é ben pequena. Eu dígoche: Galicia é un mundo”, sen ningunha dúbida podería aplicárselle á nosa cidade, porque descubrimos nunha hora de roteiro un mundo de historia sobre a universalidade da nosa urbe. 

                                                         Teresa Pastor Novo (Coordinadora do EDLG)                                                                                                                                                                                                                    

15 de setembro de 2022

Presentación na sede do Parlamento Europeo en Madrid do Proxecto "Europa mira ao Mar"

Os días 4 e 5 de setembro unha representación de 9 alumn@s de 1º de Bach, que traballaron no Proxecto TADEUS,  acompañados polas profesoras Mª José Barreiro e Mª José Rivas, viaxaron a Madrid para presentar o seu Proxecto de investigación dos Fondos Estructurais da UE.

A presentación tivo lugar na sede do Parlamento Europeo en Madrid onde foron recibidos por Teresa Coutinho, Directora da Oficina do Parlamento Europeo en España, e Juan González Mellizo, Xefe de Comunicación e prensa da Comisión Europea, entre outros membros. Interveu tamén no acto Nino Versace, Director de Ingalicia.

Ao rematar a presentación os nosos alumnos recibiron os diplomas acreditativos do 2º Premio polo Proxecto na sede de INJUVE, onde foron recibidos por David Lafuente, subdirector de INJUVE España e pola directora adxunta, Cristina Naveira, que nos fixeron entrega dunha placa de recoñecemento polo proxecto "Europa mira ao mar"

PARABENS aos nosos alumn@s polo traballo realizado !!!

Para acceder a todas as fotos pincha na imaxe.