Skip to Content

Equipo Directivo

EQUIPO DIRECTIVO

 

DIRECTORA:

 Mª ISABEL RUSO DE LAGO.

VICEDIRECTORA:

Mª TERESA FRAGA CISNEROS.

SECRETARIA:

Mª ISABEL QUIROGA FERNÁNDEZ.

XEFE ESTUDOS DIÚRNO:

 PEDRO LUIS RODRÍGUEZ PORCA.

XEFE ESTUDOS NOCTURNO:

Mª CARMEN AQUINO ACUÑA.

Visita na alcaldía

(Foto:Concello de A Coruña)

 

Nun contexto espléndido, nunha estancia cun cadro de Laxeiro, a Directora e mais a Vicedirectora do Instituto foron recibidas este pasado mércores 26 polo señor alcalde da Coruña, D. Xulio Ferreiro, quen estivo acompañado polo xefe de gabinete, o señor Iago Martínez. A visita era para comunicarlles os actos de celebración do 125 aniversario do funcionamento do Instituto ‘Eusebio da Guarda’, así como para sumar esforzos na potenciación do noso Salón de Actos, auténtico paraninfo cultural para a vida coruñesa. Igualmente, solicitamos da nova corporación municipal a súa presenza, seguindo na mesma liña cás corporacións anteriores, á hora de celebrarmos entre todos o certame literario ‘Rita Suárez Amado’. O recibimento foi cordial, como debe ser entre Institucións que desexen traballar a prol do futuro da nosa cidade.


 

 

IX Xornadas da Asociación Nacional para a Defensa do Patrimonio dos Institutos Históricos

Dos días 1 ao 3 de maio celebráronse en Mahón as IX Xornadas de Institutos Históricos Españois. O "Eusebio" participou a través da directora, Mª Isabel Ruso de Lago, e a secretaria, Maribel Quiroga Fernández. Presentaron a comunicación "Espacios de formación de Pablo Ruiz Picasso: El Instituto da Guarda 1891-1895", cuxa lectura sorprendeu gratamente aos asistentes, pois poucos coñecían a etapa coruñesa do pintor.

 


(Poden verse as ponencias facendo clic sobre a fotografía.)


Visita ao Eusebio da asistente personal de Claude Picasso

O pasado venres recibimos a visita de Christine Pinault, asistente personalde Claude Picasso en Picasso Administration.

Na foto aparece Christine no centro, acompañada pola directora do IES, Dña. Isabel Ruso de Lago.

 


 

Conferencia Espazos de formación: o Instituto Eusebio da Guarda

Este próximo xoves, día 12 de marzo, ás 18:00, a nosa Directora, Dª Isabel Ruso de Lago, impartirá unha conferencia titulada "Espazos de formación: o Instituto Eusebio da Guarda", dentro do ciclo 'Diálogos arredor de Picasso' que, co gallo dos 120 anos desde a primeira exposición do pintor malagueño, organiza a Casa Museo Emilia Pardo Bazán.

Estades todos convidados.

 


 

 

 

Entrega dos premios da X edición Rita Suárez Amado

 

 

Velaiquí o programa para a entrega dos premios de mañá venres. Chegamos á décima edición cheos de ledicia e por iso a celebración será aínda máis especial. 

 


 

Axenda da dirección do instituto nas últimas datas

O día 6 de febreiro asistiu a un almorzo de traballo co Sr. Alcalde de A Coruña na Fundación EMALCSA. Foi invitada xunto ao director do CIFP de Someso e directores de colexios públicos e concertados, asemade as escolas infantís. O inspector xefe, don Fermín Álvarez, e o inspector don Elisardo López Varela, tamén participaron na reunión. Os presentes deron a súa visión da situación da intervención do Concello nos centros educativos da cidade e presentaron as súas reclamacións/peticións.

 

 

O día 19 asistiu á inauguración da Exposición de Picasso na Coruña no Museo de Belas Artes xunto aos Reis de España.

 

Foto 1: Isabel Ruso xunto a Manuel Soto, director da Escola Picasso (herdeira da Escola de Artes e Oficios onde estudou Picasso), e María Gromaz, directora do Salvador de Madariaga (centro depositario do expediente de Picasso).

O día 24 tivo reunión da Xunta Provincial de Directores, da que forma parte.

O día 25 asistiu ás Xornadas de formación q organiza ADDIGA (Asociación de Directores e Directivos de Galicia) da q foi escollida vicepresidenta o curso pasado.

Foto 2: Na inauguración co Sr. Director Xeral de Educación e OU, don Manuel Corredoira.

Foto 3: Presentando á inspectora de educación, dona Isabel Serna no seu relatorio "Novidades na LOMCE "

O venres 27 de febreiro participou no debate-coloquio "A ESCOLA. Que outras cousas acontecen nos centros e non se debaten?" organizado polo Forum Europeo de Administradores da Educación (FEAE Galicia).

O día 12 de marzo, ás 18:00, impartirá unha charla no noso salón de actos dentro das "Diálogos arredor de Picasso" organizadas pola Casa Museo Emilia Pardo Bazán.

 


 

 

 

 

 

 

Preparando o 125 aniversario do Eusebio

 

O pasado 8 de Febreiro publicouse no diario La Voz de Galicia un artigo no que se pide a toda a cidadanía, e aínda máis, a todo aquel que tivera directa ou indirectamente unha relación co noso instituto, a súa colaboración, achegando documentos, fotos ou calquera obxecto interesante que puidera ter, co gallo de facer unha celebración do 125 aniversario cunha morea de lembranzas de tempos nos que a mar mollaba os pés do noso templo os días de temporal no lonxano branco e negro.

Podes ler o artigo facendo clic na imaxe. Non esquezas a dirección para facernos chegar eses anacos da historia do Eusebio que teñas, que son retrincos da historia desta cidade:

eusebio125aniversario@gmail.com

 


 

Distribuir contido


by Dr. Radut