Blogues

2 de xuño de 2022

Charla “Feminismo e ética do coidado” a cargo da profesora Cristina Caruncho Michinel

O 2 de Xuño, o alumnado de 1º Bacharelato acompañado dos seu profesorado, asistiu á conferencia organizada polo Departamento de Filosofía sobre “Feminismo e ética do coidado”, que impartiu a profesora Cristina Caruncho Michinel da Universidade de Vigo.

Cristina Caruncho, Catedrática de Filosofía Moral na Universidade de Vigo, falou sobre a importancia de reflexionar acerca da vulnerabilidade humana e dos coidados nas sociedades contemporáneas.

1 de xuño de 2022

Certame de cómic en galego convocado polo EDLG

O pasado 26 de maio un xurado composto por profesorado de varias materias, colaborador do EDLG do centro, visitou a exposición de cómics presentados ao certame neste mes das Letras Galegas, e fallou os premios.

A directora do centro entregou os premios do EDLG, e un especial concedido polo Contrato-Programa "Iguais na diversidade", pola especial sensibilidade amosada en relación coa temática do programa.

O alumnado do centro disfrutou esta quincena pasada da exposición, con gran éxito.

 Parabéns a todos e todas, pola participación.

Especialmente, ao alumnado premiado en ambas categorías e o premio especial "Iguais na diversidade".

Para o vindeiro curso, a segunda edición!

1 de xuño de 2022

O Instituto Eusebio gañador do certame Xornalismo na Escola

Alumnado de 2º da ESO gaña o certame Xornalismo na Escola cunha reportaxe sobre as enfermidades mentais na mocidade, dando voz ás necesidades dos seus iguais e visibilizando unha dramática situación. Este traballo, dirixido pola profesora Sabela Prieto, foi realizado na materia Investigación e Tratamento da Información polo seguinte alumnado: Miguel Ángel Barrios Parra, Rodrigo Béjar Martínez, Matías Castro Pascual, Carla Fernández Amenedo, Jaime Iglesias Lamas, Clara Pato Souto, Pedro Pedreira Calviño, Eva Pérez Trigo, María Victoria Torrense Pérez e Jamie Maritza Zavala Urbina.

26 de maio de 2022

XUBILACIÓNS

Jesús Almuiña Loeda

María Fe Besteiro Martínez

Francisco Javier Chao Mata

Dulce María Fernández Martínez

María Rosa Fernández Salmonte

María de los Ángeles López Vázquez

27 de maio de 2022

Xosé González Prego pasa á fase nacional. PARABENS!

2 de maio de 2022

Pilar Alonso-Jaúdenes Paz e Xosé González Prego: pasaron a Fase Local. PARABENS!! A próxima proba será o 26 de Maio en Lugo.

21 abril 2022

XX OLIMPÍADA MATEMÁTICA GALEGA PARA 2º DE ESO

O Instituto Eusebio da Guarda tomou parte na Olimpíada Matemática que se celebrou na Facultade de Ciencias da Educación da UDC o 21 de abril de 2022. Participaron as seguintes alumnas e alumnos de 2º de ESO: Pilar Alonso-Jaúdenes Paz, Carmen Campos González, Anxo Fraga Vilariño, Xosé González Prego, Icía González Vizcaíno, Héctor Lorenzana Cruz. Foron acompañados polas profesoras de Matemáticas Aurora Labora Castro e Beatriz Sixto Rodríguez.

25 de maio de 2022

Entrevista en Radio Coruña Cadena SER como “Escuela Mentora del Parlamento Europeo” y “Proyecto TAEUS”

Os alumnos Santiago Vilas e Adriana Rey, en representación dos 18 Embaixadores Junior de 4º ESO, acompañados pola profesora Mª José Rivas e por unha representante de Ingalicia, explicaron no programa de Hoy por Hoy na Cadena SER Coruña o que significa ser “Escuela Mentora” (MEPA) e o Proxecto europeo no que están traballando. 

9 de maio de 2022

A pervivencia do Latín

Os alumnos de Latín de 4º ESO E expoñen o seu traballo sobre a perviviencia do Latín dentro do ámbito universitario como lingua de prestixio aínda nos nosos días . O traballo contén unha pequena mostra de escudos e lemas universitarios en lingua latina das universidades máis prestixiosas de Europa e América.

13 de maio de 2022 

Graduación da promoción 2º Bacharelato 2021

13 de maio de 2022

SAÍDA DO ALUMNADO DE 4º ESO: ROTEIRO POLA CORUÑA GALEGUISTA

O alumnado de 4º ESO realizou unha saída didáctica para coñecer os lugares emblemáticos da Coruña que tiveron importancia na historia do galeguismo. Repartidos en dous grupos, realizamos a visita os días 6 de abril e 11 de maio. Acompañados por profesorado dos departamentos de Lingua e Literatura Galegas (Benigna Vidal Tomé, Estefanía González e Dulce Fernández Graña) e de Lingua Castelá e Literatura (José Luis Gundín, Mª Luisa Prado e Jessica Regueiro), realizamos o percorrido a pé entre o instituto e a Cidade Vella, deténdonos nos lugares sinalados pola historia do galeguismo na cidade, nomeadamente o lugar de fundación da Editorial Nós na rúa Real, no local onde se fundou a primeira Irmandade da Fala en 1916, na rúa da Franxa, na Praza do Humor, onde se rende homenaxe aos nosos autores máis retranqueiros, e como non! Con Cunqueiro e o seu Gatipedro á cabeza. En cada parada o alumnado rendeu homenaxe á memoria dos escritores e escritoras homenaxeados/as lendo textos e recitando poemas, mentres os/as asistentes inmortalizabamos cada momento. A casa onde viviron Rosalía de Castro e Manuel Murguía e familia, a de Francisca Herrera Garrido, e o Xardín de San Carlos onde está soterrado Sir John Moore, foron outros lugares onde rendemos homenaxe aos nosos persoeiros. 

Así fomos chegando á RAG e Casa-Museo Emilia Pardo Bazán, na rúa Tabernas, onde puidemos percorrer o interior do edificio e coñecer a súa historia grazas ás explicacións de Julia Santiso. Xa no camiño de volta, recitamos os últimos poemas ao pé da lanza defensora da estatua de María Pita, e chegamos ao instituto cos pés cansos mais o espírito enriquecido por unha nova percepción da nosa cidade.

Departamento de Lingua e Literatura Galegas

9 de maio de 2022

O catedrático de Biotecnoloxía e exalumno do Eusebio, César de la Fuente, impartiu unha conferencia maxistral en Afundación

O título foi "A revolución das máquinas: desenvolvemento de novos antibióticos e tests de diagnóstico". Asistiron alumnos e profesores do Instituto.

César de la Fuente é ademáis profesor e director de investigación na Universidade de Pensilvania.