|
  Hoxe, mércores 28 de novembro, estivo na Biblioteca do IES de Valga o investigador, profesor da UDC e divulgador científico Xurxo Mariño, impartindo unha conferencia baixo o título "Ciencia, aventuras e sorpresas dunha viaxe arredor do mundo" na que se reflectiron as experiencias derivadas da súa viaxe polo mundo durante case un ano. Na súa intervención, seguida con moito interese polo alumnado e profesorado presente, mesturou anécdotas con descricións científicas que foron xurdindo ao longo das etapas que viviron os viaxeiros deste sorprendente periplo. O relatorio foi organizado polo Departamento de Filosofía e nel estivo presente alumnado de 1º e 2º de Bacharelato e 1º de FP Básica. Máis información desta nova picando aquí.
|
|
| |
|
  Filósofos todos. Quedades convocados na Biblioteca do IES de Valga para festexar o DÍA MUNDIAL DA FILOSOFÍA que celebraremos o 16 de novembro. Descartes, Aristóteles, Sócrates, Kant e outros xa pasean por alí esperando a vosa visita. Non vos sintades acobardados, son xente normal, de carne e óso; en calquera caso, se se poñen a falar entre eles, prestade atención. Sempre se aprende algo desta xente; se che preguntan: cala... escoita... mellor, síguelles o conto, dialoga con eles, sen medo porque, ben pensado, quen non é tamén un pouco filósofo?. A exposición foi realizada polo responsable do Departamento de Filosofía, Víctor González con alumnado de 1º Bacharelato A. |
|
| |
|
|
 As alumnas de 1º Bacharelato, Silvia Pérez e Vicky Luna na modalidade de Disertación Filosófica e Carla García, na modalidade de Certame fotográfico, participaron, o venres 16 de febreiro, na V Olimpíada Filosófica de Galicia. A proba presencial tivo lugar na Facultade de Filosofía da USC e foron acompañadas polo profesor de Filosofía, Roberto Barral.
|
|
| |
|
|
 Hoxe, mércores 22 de novembro, estivo na Biblioteca do IES de Valga o especialista en neurobioloxía Xurxo Mariño, impartindo un relatorio organizado polo Departamento de Filosofía, titulado “ Viaxe á máquina da mente” destinada ao alumnado 1º e 2 º de Bacharelato. En dito relatorio houbo unha participación moi activa do alumnado e profesorado asistente, donde na parte de debate realizáronse preguntas sobre o "déjà vu", a posible relación de causalidade entre a utilización dos teléfonos móbiles e determinadas enfermidades, o sentimento de vergoña ou o estímulo das emocións para condicionar o comportamento humano.
|
 |
Os alumnos de 1º BAC Silvia Del Río, Carla Vicente Carlota Abuín e Javier Carballo obtiveron o 1º Premio da I Olimpíada Galega de Filosofía na modalidade de Composición Fotográfica ca sua obra ¡Eu son filósofo un gourmet da vida! Para ver pincha a imaxe de abaixo. Noraboa!
|
