Complementarias

O xoves 23 de novembro, o alumnado de 1º e 3º ESO que participa no programa de Titoría entre Iguais (TEI) realizou unha saída pola parroquia de Santa Cristina de Campaña. Visitaron a Ponte do Souto, o embarcadoiro de Santa Cristina e a lagoa de Campaña. A actividade centrouse en coñecer a paisaxe e historia destes lugares, así como recoller a toponimia dos lugares que ían percorrendo. A saída completouse cunha actividade de xogos cooperativos programada polo departamento de Educación Física, no espazo da lagoa de Campaña. O alumnado foi acompañado polo profesorado Esther de Andrés, Lucía Iglesias, Mar Tejero, Lara García, Conchi Paz, Avel Turnes e Alberto Fernández. A actividade foi organizada polo departamento de Educación Física en colaboración cos responsables do programa Titoría entre Iguais (TEI). Por último agradecer a colaboración de Protección Civil do Concello que acompañou a alumnado e profesorado en todo o itinerario realizado.

O martes 14 de novembro e co título «O acoso escolar: ti es importante», o alumnado de 3º ESO asistiu á videoconferencia da profesora e cofundadora da Asociación “No al Acoso Escolar”, Carmen Cabestany. A charla tivo lugar dende a Sede Afundación da Coruña e dentro do ciclo Educación s. XXI Afundación, obra social Abanca. Carmen Cabestany, unha das maiores expertas na loita contra o acoso escolar, explicou nesta conferencia o concepto de acoso escolar, como detectalo e as claves para erradicar o bullying.

Esta actividade foi organizada polo departamento de Orientación e a Vicedirección dentro do programa de Titoría entre Iguais (TEI).

Os últimos días do pasado mes de outubro serviron para ambientar o noso centro cara á celebración do Samaín. Xunto a decoración de aulas e outros espazos, o martes 31 de outubro e co gallo desta celebración, a Biblioteca foi o escenario da entrega dos premios dos concursos convocados polo equipo da Biblioteca e polo Equipo de Dinamización da Lingua Galega.
O acto amenizouno o alumnado de Música de 4º ESO e 1º Bacharelato, dirixidos polo seu profesor Ismael Cabaleiro, interpretando diferentes pezas musicais.
A relación de premiados cun vale a canxear na cafetaría do centro foi a seguinte:
1º premio ao mellor Epitafio en prosa: Iker Catoira Castiñeiras do 2º GB de Fabricación e Montaxe
1º premio ao mellor Epitafio en verso: Clara Troncoso López de 1º Bacharelato
1º premio do concurso de cabazas: Sabela Campos Riveiro, Ximena Socastro Saborido de 3º ESO
Os premiados ao concurso do EDLG "As palabras do medo" foron: Paula Pérez Verde de 1º ESO,  Emilio Villar Carballeda e Rami Imad Hammoudeh de 2ºESO.
Noraboa ao alumnado participante e premiado!!!