Skip to Content

Novas

SAME 2016 en Santiago de Compostela

Coa participación de 5 centros educativos da comarca (CEIP López Ferreiro, IES Arcebispo Xelmírez I, IES Eduardo Pondal, Colexio San Francisco Javier, e IES Campo de San Alberto), celebrouse a Semana Mundial pola Educación (SAME), en Santiago de Compostela. Na foto, o acto inaugural que tivo lugar na praza da Quintana, o día 29 de abril.

V Encontro Global da RED SOLIDARIA

Os días 12, 13 e 14 de febreiro tivo lugar en Guadarrama o V Encontro Global da REDE SOLIDARIA. Alí estivo representado o noso centro polas alumnas de 4º de ESO, María Creo e Carla Places, acompañadas da profesora María José Villaverde. 

 

Atende ás súas reflexións sobre a experiencia que viviron:

"Esta viaxe significou para nós unha experiencia inolvidable. Unha gran oportunidade para decatarnos de que non loitamos sós. De que hai moitas persoas coma nós, cun mesmo obxectivo e que xuntos podemos cambiar o mundo.

Deixamos Madrid atrás conscientes de que quizá non vaiamos a ver nunca máis a estas persoas, pero podemos asegurar que gardaremos no noso recordo toda esta gran experiencia e todo o que aprendimos."

Visita cultural a Santiago

O pasado xoves, 17 de decembro, o alumnado de 1º, 2º de ESO e o alumnado de relixión de 3º e 4º de ESO acompañado polas profesoras Amalia Pérez de Ciencias Sociais e María José Villaverde de Relixión, fomos de visita cultural a Santiago. Visitamos a Cociña Económica onde fixemos entrega dos alimentos recollidos entre alumnado e profesorado do IES, e despois fomos ao museo da catedral, interior e prazas que a rodean. Foi un moi interesante fin de trimestre.

Bo Nadal!

 

Vivir así... mola máis!!!!

O noso Centro participa un ano máis na campaña mundial pola educación

 Grupo de alumnos participantes

Orgullo de traballar polo Dereito á Educación de todas e todos.

 

Viaxe a Roma

Entre os días 23 e 27 de Febreiro estivemos en Roma un grupo de 12 alumnas e alumnos, acompañados polas profes Mª José Villaverde e Amalia Pérez.

Saída didáctica 1º e 2º ESO pola zona do Freixo

Saída didáctica de 1º e 2º de ESO: departamentos de CCSS e Relixión

Charla no muelle do FreixoTivemos un día fantástico, un sol espléndido para disfrutar dunha andaina que nos amosou unha paisaxe fabulosa. Partimos de Broña por un sendeiro que nos levou primeiro ata o Requeixo desde onde uns alumnos/as explicaron aos seus compañeiros unha breve descrición xeomorfolóxica da península do Barbanza e da nosa ría. A continuación retomamos un fermoso sendeiro á beira do mar que nos levou ata o Freixo. A ría era un fervedeiro de actividade, centos de barcos berberecheiros salpicaban a auga e ata nós chegaban as voces das mariscadoras a pé que nos saudaban con ledicia mentres tiraban do rastro coa auga ata a cintura. Pero aínda nos agardaba unha sorpresa maior, un espectáculo: a chegada ao porto do Freixo das embarcacións que rematan ás 12 do día a súa faena, e se aproximan ao peirao en manobras rápidas e calculadas, cotiás para eles, sorprendentes para nós.

Na lonxa, a bióloga da Confraría regalounos unha explicaciónRuta Broña O Freixo interesantísima sobre a riqueza marisqueira da nosa ría e o marisqueo da ameixa e o berberecho.

O departamento de Educación Físca colaborou na realización da marcha pola mañá e na toma de datos ca aplicación Oruxmaps para  que quedara constancia da ruta que será incluída na guía que se está a elaborar no proxecto europeo Comenius Regio.

Despois de xantar, xogar, compartir... ás 15:30 fomos a un Varadoiro e coñecemos o traballo que se realiza alí. Ás 16:30 fomos visitar a igrexa de San Xoán de Sabardes: interesantísimo, xa que no século XII era un mosteiro de monxes Bieitos que no século XV pasaron a depender do mosteiro compostelán de San Martiño Pinario.

A verdade, disfrutamos moitísimo e tivemos a oportunidade de coñecer e coñecernos mellor.

Freixo 2

Distribuir contido


by Dr. Radut