Despois dunhas sesións experimentando e aprendendo sobre gravitación universal, inercia, forza... Estamos preparados para comezar a construír o noso propio foguete! Así que MANS Á OBRA! Poderemos lanzalo?

Seguimos aprendendo e descubrindo cousas moi interesantes, antes de construír o noso propio foguete espacial. Falamos de como se ven afectadas as mareas pola lúa e cada canto tempo hai marea alta e marea baixa. Coñecemos algúns vehículos espaciais como o SRBS e o SOYUZ. Soubemos a que velocidade deben ir para escapar da forza da gravidade da terra; 11,2 Km/s. Coñecemos a I.S.S. (Internacional Space Station) e o que nela fan os astronautas. Descubrimos algunhas das viaxes que se fixeron ao espacio, á Lúa e a Marte. Falamos da ESA (European Spatial Agency) e o seu vehículo Ariane.

Este luns, os nenos e nenas de 3º de Primaria recibimos unha visita moi especial na biblioteca de Nica. Nada máis e nada menos que Chinto, xornalista e escritor. Xunto co seu compañeiro Pinto, escribiu os libros Novas Minimaladas e Cámbiache o Conto que estivemos lendo este trimestre na clase.

Despois de dúas xornadas aprendendo co xogo do Pachamama, toca comezar co obradoiro de foguetes. Nel imos elaborar nós mesmos un foguete e ata o imos lanzar!

Pero hai que ir por orde, antes que nada, algúns coñecementos que nos serán moi útiles. Hoxe imos falar de física e das catro leis imprescindibles para a construcción dun foguete: gravitación universal, inercia, forza e acción - reacción. Experimentando chegamos ao coñecemento! 

Hoxe de novo na sesión do club de ciencia, aprendemos mentres xogamos. O Pachamama é un xogo novo para nós, que nos axuda a coñecer como funciona un ecosistema á vez que traballamos a conciencia ambiental. Trátase dun xogo cooperativo de memoria colectiva, audacia, toma de decisións, estratexia ecolóxica, supervivencia e azar. Como nos divertimos!

Hoxe cambio de tema, empezamos coa biodiversidade; pero antes.... UN CONTO! contado dunha maneira moi especial, co método Kamishibai. Unha forma de contar historias iniciada nos templos budistas de Xapón no S. XII. O conto non podia ser outro que "Vinte mil leguas debaixo dos mares" de Julio Verne.

Que interesante todo o que aprendemos sobre a diversidade! A biodiversidade é o conxunto dos seres vivos da terra. Hai moitas especies! Pero desapareceron e seguen a desaparecer un gran número delas e iso provoca un gran problema. A biodiversidade é fundamental para a estabilidade dos ecosistemas e para o benestar das persoas. Que importante é conservar os ecosistemas e que dano facemos os humanos!   

Este venres, os alumnos e alumnas de 2ºB, 3º e 4º achegáronse ata o Conservatorio Histórico de Santiago para asistir á II edición do programa "Unha viaxe a tempo". Alí bailaron danzas tradicionais de diferentes países, tocaron instrumentos... Pasárono de maravilla! Mirade...

Máis imaxes do día no seguinte álbum:

Álbum: Curso 2018 - 2019 -> Saída ao Conservatorio Hco: Unha viaxe a tempo

Despois do traballo levado a cabo nas últimas sesións no club de ciencia, hoxe tocou COMPROBAR. Así que SUBMARINO á AUGA e a ver como se comporta. Tomamos notas sobre o seu funcionamento, miramos se todo está correcto e sacamos conclusións para chegar á HIPÓTESE. Fixemos uns submarinos moi aceptables. Que boa experiencia!

Seguimos a divertirnos ao mesmo tempo que aprendemos. Hoxe rematando o noso submarino.  Despois de pensar, investigar, aplicar, experimentar... Achégase o momento. Estamos impacientes, o vindeiro día descubriremos se o fixemos ben. Xa tan só nos queda COMPROBAR SE FUNCIONA!

Máis fotos no álbum: Club de Ciencia

Hoxe, terceira sesión do club de ciencia. Empezamos coa construción de..., nada máis e nada menos que un SUBMARINO! E como non, falamos do autor de "VINTE MIL LEGUAS DEBAIXO DOS MARES", JULIO VERNE. Tamén do submarino e da caracola NAUTILUS... e no medio de todo iso xurdiunos unha pregunta, como é que respiran os peixes debaixo da auga? E aí saiu a composición da auga. Aprendemos e divertímonos!