Información relativa ao proceso de reserva de praza, admisión de alumnado e formalización de matrícula para o curso 2021-2022 e Anexos para descargar.
(Orde do 12 de marzo de 2013, Orde 18 de decembro de 2020)
| ALUMNADO ACTUALMENTE ESCOLARIZADO NESTE COLEXIO |
| Non precisa facer reserva de praza para o vindeiro curso, pois xa conta con ela ata finalizar a Educación Primaria. O alumnado de 6º que vaia para o IES de Oroso, centro ao que este colexio está adscrito, cumprimentará o modelo (Anexo I ED550A) que se lle facilitará no centro e entregarállelo ao seu titor/a (ou en administración) entre o 11 de xaneiro e o 8 de febreiro. As/os alumnos/as que queiran ir a outro Instituto deberán presentar alí a solicitude de admisión, do 1 ao 20 de marzo. Nos dous casos deberán formalizar a matrícula no Instituto ao que vaian entre o 25 de xuño e o 10 de xullo. |
| ALUMNADO QUE QUERE CAMBIAR DE CENTRO OU ESCOLARIZARSE POR PRIMEIRA VEZ NO VINDEIRO CURSO (xa poden facelo os nados en 2018) |
1. Do 1 ao 22 de marzo: Presentación na Secretaría do Centro da solicitude de admisión (Anexo II ) ou coa aplicación "admisionalumnado" https://www.edu.xunta.es/admisionalumnado/ Esta só se poderá presentar nun único centro (o indicado en primeiro lugar) relacionando, se así o desexan, ata seis centros por orde de preferencia. Terá que estar asinada por calquera das/os titulares da patria potestade ou representantes legais. No caso de separación ou divorcio, será necesaria a sinatura de ambas/os proxenitoras/es, agás que a patria potestade estea atribuída a un deles. En ambos casos, será necesario presentar a resolución xudicial correspondente. As solicitudes irán acompañadas da seguinte documentación:
As/os que queiran cambiar de Centro, deberán remitir ao colexio de orixe copia da solicitude de admisión presentada no novo Centro. |
| 2. Antes do 25 de abril: Publicación provisional das listaxes do alumnado admitido no taboleiro de anuncios do centro (disporán dun prazo de 5 días hábiles para posibles reclamacións). Resoltas as reclamacións, publicaranse as listaxes definitivas do alumnado admitido e non admitido, antes do 15 de maio. |
|
3. Do 20 ao 30 de xuño: Formalización da matrícula (E.Infantil e Primaria) con impreso (Anexo III). De non facela entenderase que o alumno/a renuncia á praza. Alumnado de 6º de primaria que pasa o IES formaliza matrícula: 25 de Xuño ao 10 Xullo |
*Os Anexos pódense recoller no despacho da administrativa do Centro, descargar dende esta web ou dende a páxina da Consellería (https://www.edu.xunta.es/admisionalumnado/). Tamén se poden cumprimentar as solicitudes e imprimilas na sede electrónica da Xunta de Galicia no enderezo https://sede.xunta.gal/portada
O noso Centro está adscrito ao IES de Oroso. Así mesmo o CRA de Oroso está adscrito ao noso Centro polo que o seu alumnado terá prioridade para obter praza no noso colexio. O Centro conta con servizo de comedor escolar regulado pola Orde do 21 de febreiro de 2007 (DOG do 5 de marzo de 2007) e o Decreto 132/2013.
HORARIO de atención da ADMINISTRATIVA: 9:00 a 14:30 de luns a venres e os martes pola tarde de 16:30 a 18:30 horas.
Sigüeiro, 11 de xaneiro de 2021
| Anexo | Tamaño |
|---|---|
| Orde 12 marzo.pdf | 1.15 MB |
| Orde do 18 de decembro de 2020.pdf | 441.77 KB |
| ANEXO I RESERVA DE PRAZA | 1.33 MB |
| ANEXO II SOLICITUDE ADMISIÓN ALUMNADO | 683.94 KB |
| PRAZAS VACANTES CURSO 21-22.pdf | 139.96 KB |
| anexoIII formalización matricula.pdf | 427.8 KB |
