LEMBRAMOS QUE O PRAZO PARA FORMALIZAR A MATRÍCULA É DO 23 AO 20 DE XUÑO
Información relativa ao proceso de reserva de praza, admisión de alumnado e formalización de matrícula para o curso 2024-2025 e Anexos para descargar.
Normativa de aplicación: Orde do 21 de outubro de 2022 e Decreto 13/2022 do 3 de febreiro
ALUMNADO ACTUALMENTE ESCOLARIZADO NESTE COLEXIO |
Non precisa facer reserva de praza para o vindeiro curso, pois xa conta con ela ata finalizar a Educación Primaria. O alumnado de 6º que vaia para o IES de Oroso, centro ao que este colexio está adscrito, cumprimentará o modelo (Anexo I ED550A) que se lle facilitará no centro e entregarállelo ao seu titor/a (ou en administración) entre o 16 de xaneiro e o 6 de febreiro. As/os alumnos/as que queiran ir a outro Instituto deberán presentar alí a solicitude de admisión, do 1 ao 20 de marzo. Nos dous casos deberán formalizar a matrícula no Instituto ao que vaian entre o 23 de xuño e o 7 de xullo. |
ALUMNADO QUE QUERE CAMBIAR DE CENTRO OU ESCOLARIZARSE POR PRIMEIRA VEZ NO VINDEIRO CURSO (xa poden facelo os nados en 2021) |
1. Do 1 ao 20 de marzo: Presentación da solicitude de admisión (Anexo II ED550B) na Secretaría do Centro ou por vía electrónica mediante o formulario dispoñible na aplicación informática admisionalumnado (https://www.edu.xunta.es/admisionalumnado/), a través da sede electrónica da Xunta de Galicia, https://sede.xunta.gal. Esta só se poderá presentar nun único centro (o indicado en primeiro lugar) relacionando, se así o desexan, ata seis centros por orde de preferencia. Terá que estar asinada por calquera das/os titulares da patria potestade ou representantes legais. No caso de separación ou divorcio, será necesaria a sinatura de ambas/os proxenitoras/es, agás que a patria potestade estea atribuída a un deles. En ambos casos, será necesario presentar a resolución xudicial correspondente. As solicitudes irán acompañadas da seguinte documentación:
*Se desexan cambiar de centro, deberán remitir ao colexio de orixe copia da solicitude de admisión presentada no novo Centro. |
2. O 25 de abril: Publicación provisional das listaxes do alumnado admitido no taboleiro de anuncios do centro (disporán dun prazo de 5 días hábiles para posibles reclamacións). Resoltas as reclamacións, publicaranse as listaxes definitivas do alumnado admitido e non admitido, antes do 15 de maio. |
3. Do 20 ao 30 de xuño: Formalización da matrícula (E. Infantil e Primaria) con impreso (Anexo III). De non facela, entenderase que o alumno/a renuncia á praza. * Do 24 de xuño ao 8 de xullo: Formalización da matrícula do alumnado de 6º de primaria que pasa ao IES. |
*Os Anexos pódense recoller no despacho da administrativa do Centro, descargar dende esta web ou dende a páxina da Consellería (https://www.edu.xunta.es/admisionalumnado/). Tamén se poden cumprimentar as solicitudes e imprimilas na sede electrónica da Xunta de Galicia no enderezo https://sede.xunta.gal/portada
O noso Centro está adscrito ao IES de Oroso. Así mesmo o CRA de Oroso está adscrito ao noso Centro polo que o seu alumnado terá prioridade para obter praza no noso colexio. O Centro conta con servizo de comedor escolar regulado pola Orde do 21 de febreiro de 2007 (DOG do 5 de marzo de 2007) e o Decreto 132/2013.
HORARIO de atención da ADMINISTRATIVA: 9:00 a 15:00 de luns a venres e os martes pola tarde de 16:30 a 18:30 horas.