CEIP Ramón de Valenzuela

Data de incio das clases

Curso 2020/21

Desde o CEIP Ramón de Valenzuela estamos preparando o regreso ás aulas (seguindo o protocolo da Consellería de Educación) tomando as medidas de protección e adaptación axeitadas para a nova situación.

A través deste medio informarase das novas.

 

Esperamos comezar do mellor xeito posible coa axuda e colaboración de todos.

INSTRUCIÓNS PARA A SOLICITUDE DE COMEDOR CORRESPONDENTE AO CURSO 2020-2021

Nos arquivos adxuntos está toda a información relativa á solicitude do servizo complementario de comedor escolar para o vindeiro curso escolar 2020/21.

 

* As autodeclaracións entregaranse na secretaría do centro entre o 3 e o 9 de xullo en horario de 9:30 a 13:00h.

Despedida dos nenos e nenas de sexto

 Atopámonos ante un  fin de curso diferente, na casa, sen compañeir@s, sen mestres, sen comedor, sen festival, que raro! Bueno, alomenos non nos poñemos tristes coas despedidas, aínda que sentimos moita morriña porque os compañeir@s de 6º non voltarán en setembro. Mandámoslle todo o noso agarimo e esta pequena homenaxe. QUERÉMOSVOS!

 

 

AVISO IMPORTANTE ÁS FAMILAS. AVALIACIÓN ORDINARIA

  • Lembrámoslle ás familas que a publicación das notas da avaliación ordinaria, publicaranse o día 19 de xuño a través da aplicación ABALARMÓBIL.

 

Instalación AbalarMóbil

 A aplicación gratuíta AbalarMóbil é unha ferramenta da Xunta de Galicia que lles permite ás familias consultar a información das súas fillas e fillos a través do teléfono móbil dende calquera lugar (por exemplo: ter coñecemento das faltas rexistradas, acceder ás cualificacións, etc). Por tanto, é moi importante que todas as familias dispoñan desta ferramenta nestes momentos nos que a comunicación debe canalizarse a través de medios telemáticos. A instalación é moi sinxela:

  • Se o seu sistema é Android búsquea e descárguea desde o Play Store; e se é IOS, desde o Apple Store.
  • O primeiro paso que debe realizar é o rexistro. Para iso debe introducir o seu número de teléfono móbil e premer en “Enviar”. A continuación recibirá unha mensaxe cun código que terá que introducir na pantalla correspondente e premer en “Enviar código”.
  • Na seguinte pantalla solicítase un contrasinal (mínimo 8 caracteres con algunha maiúscula, algunha minúscula e algún número), que será o que utilizará para acceder á aplicación. Deberá escribilo nos dous recadros e premer en “Aceptar”.
  • A continuación, aparecerá unha pantalla na que se indica que o rexistro foi completado correctamente. Para finalizar, soamente é preciso premer en “Continuar” e acceder a abalarMóbil co contrasinal elixido para poder visualizar os datos e toda a información do alumno/a.
  • Se lle aparece unha mensaxe de que o seu teléfono non está asociado a un alumno/a, ou de que existe máis dun usuario con ese número, mándenos un correo a ceip.ramón.valenzuela@edu.xunta.gal. Tamén dispón de asesoramento na Unidade de Atención a Centros (Tel.: 881 99 77 01. Correo electrónico: uac@edu.xunta.es).

Máis información, cun vídeo explicativo, unha guía de uso e un apartado de “Preguntas e respostas” en https://www.edu.xunta.es/espazoAbalar/nova/abalarmobil.

AXUDAS PARA A ADQUISICIÓN DE LIBROS DE TEXTO E MATERIAL ESCOLAR PARA O CURSO ESCOLAR 2020/2021

Está aberto o prazo das axudas para a adquisición de libros de texto e material escolar destinadas ao alumnado matriculado en Educación Primaria para o curso escolar 2020/21. (DOG nº 96 do martes, 19 de maio de 2020). 

- Libros de texto e material escolar (1º e 2º Educación Primaria )

- Fondo Solidario de libros de texto e material escolar (3º, 4º, 5º e 6º Educación Primaria )

Prazo de presentación das solicitudes ( Anexo I, Anexo II, e orixinal e copia do libro de familia), do día 20 de maio ao 19 xuño inclusive.

Horario de atención ao público: De 9:30 a 13:00 horas na secretaría do centro.

 

REAPERTURA DOS PRAZOS DO PROCESO DE ADMISIÓN DE ALUMNADO PARA O CURSO 2020/2021

 

Restablecerase o prazo para a presentación das solicitudes de admisión de alumnado en centros  docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes (DOG 6 de maio).

NOVOS PRAZOS:

Presentación das solicitudes de admisión: do 11 ao 18 de maio, ambos incluídos.

 

  • Publicación das listaxes provisionais: antes do 9 de xuño.
  • Publicación das listaxes definitivas: antes do 26 de xuño.

 

Formalización da matrícula en Educación Infantil e Primaria: do 1 ao 10 de xullo.

 

O centro permanecerá aberto en horario de 9:30h a 13:00h a partir do 11 de maio.

 

Aloumiños en tempos de COVID-19

O curso está chegando á súa etapa final. E para elo, moitxs dos vosxs compañeirxs e familiares, quérenvos enviar varias mensaxes a través da música...

 

Bandeiravisión

Aquí vos presento aos artistas do Bandeiravisión. Arriba esa MÚSICA!!!

 

Powered by Drupal - Design by artinet