CHARLA PARA AS FAMILIAS

O Centro de Formación e Recursos de Pontevedra en colaboración coa dirección do CEIP Ramón de Valenzuela, co obxectivo de mellorar o acompañento no proceso de ensino-aprendizaxe do alumnado, ofrécelles a posibilidade ás familias de participar nunha videoconferencia, cunha duración aproximada de hora e media, para o coñecemento das ferramentas tecnolóxicas educativas a súa disposición, na que se tratarán as seguintes temáticas:comunicación a través de abalarMóbil, emprego das plataformas de videoconferencia (Webex e Falemos) e acceso aos contidos educativos a través da aula virtual do centro.

A data e o horario están aínda por determinar. Para unha mellor organización desta iniciativa necesitamos coñecer a demanda da mesma, polo que rogamos nos comuniquen se estarían interesados en asistir á videoconferencia  poñéndose en contacto no E-mail do centro:

ceip.ramon.valenzuela@edu.xunta.gal

 "DigiCraft no teu Cole" é un proxecto enmarcado dentro do Programa DigiCraft de Fundación Vodafone, que ten como obxectivo formar a nenos e nenas de entre 6 e 12 anos nas competencias dixitais que lles permitirán afrontar mellor o seu futuro.

DigiCraft no teu Cole nace para axudar aos nenos e nenas a adaptarse a esa evolución, para mostrarlles as posibilidades que o mundo dixital ofrece, para sorprenderlles e ilusionarlles, e por suposto para facerlles saber que poden ser os creadores dun mañá diferente.

 

Esta fin de semana  dabanse a coñecer os premios Voz Natura 2019-20, sendo o noso centro o CEIP RAMÓN DE VALENZUELA o que acadaba o  PREMIO PROVINCIA DE PONTEVEDRA.

O equipo Voz Natura do CEIP Ramón de Valenzuela de Bandeira (Silleda) asina o que o comité científico define como «un dos proxectos máis bonitos» do programa. O Proxecto co título "Coidar o noso e cousa de todos" consistíu na  recuperación do espazo natural do Coto dá Gaiteira para goce de toda a comunidade. O espazo natural, cheo de especies invasoras, foi transformado polos escolares que tamén localizaron vertedoiros e puntos negros da zona. Ademáis,  realizáronse actividades no centro como: reciclaxe, crear un compost para o noso horto ecolóxico e difundir a sensibilidade ambiental a través das súas  ecopatrullas.

Este ano o alumnado de Educación Infantil  realizou unha pequena manualidade para conmemorar a festividade do Samaín. Preme no video e non te perdas o bo traballo que fixeron!!!.

O pasado sábado 24 de outubro celebramos o Día das Bibliotecas baixo o lema "Bibliotecas sempre ao teu carón", porque como ben sabemos a Biblioteca é unha porta á cultura, ao coñecemento e ao entretenemento en calquera circunstancia... polo que:

Despois de tanto tempo de corentena..., vacacións... e portas pechadas...

A BIBLIOTECA ABRIU AS SÚAS PORTAS!!

Polo momento temos moitas normas e grupos reducidos, pero iremos buscando o xeito de abrila pouco a pouco a toda a comunidade. Mentres dende a páxina do cole e o Blog iremos poñéndovos ao tanto de todas as novas.

Ollade o vídeo que fixeron os axudantes da Biblioteca de 6º para ensinar as normas ao seus compañeiros.

Lembrámosvos que o vindeiro luns, día 2 de novembro, é o día non lectivo solicitado polo centro, polo que non haberá clases. Desexámosvos un bo descanso!!!

Rojo Blanco Sencillo Foto Médico Medicina Presentación de CEIP de Bandeira Bandeira

Dende o centro queremos comunicar que se prohíbe o uso de xel hidroalcohólico individualizado, xa que todos os espazos contan con xel hidróalcohólico suministrado e supervisado polo persoal do noso centro. Polo tanto, pregamos que non lle manden aos nenos/as botes individuais de solución hidroalcohólica xa que se atoparían fóra do noso control.

Moitas grazas!!!

Dende o luns día 19 ata o 31 de outubro, teremos no noso centro  o Mini eco punto limpo do programa #ESTRAAE que puxo en marcha a Deputación de Pontevedra, con tres depósitos para dispositivos móbiles (teléfonos e tablets), cargadores e pilas. Todas as familas que queirán colaborar en materia medioambiental poderán mandar polos seus fillos todos aqueles útiles que queiran reciclar! A vosa colaboración e imprescindible para coidar o noso entorno. Animádevos!!!

(Foto do Mini eco punto limpo situado no hall do noso centro)