HAI QUE REGULAR E PARAR CERTAS PRÁCTICAS NAS REDES SOCIAIS CON NENOS E NENAS
Gravar e publicar bromas ou burlas nas que se asustan, se entristecen ou se enfadan… NON É GRACIOSO, É UNHA HUMILLACIÓN PÚBLICA.
Gravar e expoñer a diario a súa intimidade, publicando cando están na casa, na rúa e todo tipo de situacións da súa vida de forma constante non respecta o seu dereito á privacidade, coa dificultade emocional que supón vivir esa ausencia de adultos enganchados a un móbil vivindo para “gravar constantemente”.
Gravar e publicar momentos nos que son vulnerables: enfadados, en perrenchas, frustrados… Non damos exemplo de como o xestionamos con iso, gravar esa situación é ter en conta NADA as súas emocións nese momento. Reflexionemos se a nós nos gustaría que nos gravasen perdendo os papeis e se fixése público…
Crear perfís públicos de menores, xestionados polos proxenitores (para que sexa legal), converténdoos en personaxes públicos. Un neno ou nena non está preparado emocionalmente para ser público, e convivir coa idealización e o sistema de aprobación continua das redes sociais.
Compartir en contas públicas (dedicadas ao humor, á difusión de contido ou á educación) calquera dos vídeos anteriores para facer broma ou para xerar unha denuncia pública só contribúe a expoñer aínda máis a imaxe do menor nunha situación vulnerable á conta de xerar morbo. A forma de denunciar un abuso é ante o centro escolar ou ante a xustiza. Aí si. Expoñendo ao menor aínda máis ante miles de persoas nunha situación de violencia, de burla, de pelexa, só agrava o problema emocional que xera o feito en si. Algúns destes vídeos fanse víralles e circulan durante anos, millóns de persoas venos, por favor NON OS COMPARTAS, NON é a forma de axudar á infancia.
Nota: todos estamos a aprender a convivir en redes. Non se trata de ocultar ás crianzas delas, senón de usar o sentido común.
desde fóra da rede corporativa dos centros educativos. Nesta situación, é importante lembrar unha serie de recomendacións de ciberseguridade, orientadas a protexer a información e os servizos dos riscos que esta situación pode xerar.
Recomendacións sobre o equipo informático persoal que se utilice para o acceso remoto aos sistemas de información da Xunta de Galicia:
O equipo informático que se utilice para a conexión debe ter as actualizacións de seguridade do sistema operativo instaladas, e a poder ser tamén as do software ofimático, lectores de PDF e outro software de uso habitual. Debe contar tamén con algún tipo de software de seguridade, como por exemplo un antivirus actualizado e que reciba actualizacións frecuentemente.
O acceso aos sistemas de información corporativos debe facerse desde unha conexión a Internet de confianza, non se deben empregar redes WiFi compartidas con persoas descoñecidas.
No equipo persoal que se utilice para conectarse aos sistemas de información da Xunta de Galicia, deberanse seguir unhas pautas de navegación web segura pola rede Internet que eviten a infección do equipo.
O equipo debe estar protexido por un contrasinal/PIN.
Non debe realizar simultaneamente co mesmo equipo actividades alleas á actividade de traballo, como por exemplo:
acceder a páxinas web non relacionadas coa actividade
executar aplicacións non corporativas
abrir documentos non corporativos ou recibidos desde fontes que non son de confianza
permitir a execución de macros de documentos ofimáticos
É importante lembrar as recomendacións habituais sobre o uso do correo electrónico, en particular estar alerta ante calquera correo electrónico sospeitoso, e no caso de recibilo seguir as seguintes pautas:
Non facer clic en ningunha ligazón.
Non abrir os ficheiros adxuntos.
Non introducir as credenciais (usuario ou contrasinal) en páxinas web nas que se dubide sobre a lexitimidade das mesmas. Ao abrir unha páxina web, é importante verificar que é unha páxina lexítima, fixándose ben na dirección que se mostra na barra de direccións do navegador web e tamén, de usarse protocolo seguro (HTTPS), verificar o certificado asociado á páxina web.
Hai que sospeitar de correos con faltas de ortografía ou outros erros de redacción, así como calquera outro elemento sospeitoso. Ante calquera dúbida é importante verificar o campo "de" do correo electrónico e comprobar cal é a dirección de correo do remitente, máis alá do alias que empregue.
Hai que sospeitar de ligazóns curtas ou daquelas nas que, ao pasar o punteiro do rato por riba delas, apunten a unha dirección que non sexa unha dirección web coñecida ou de sitios web da Xunta de Galicia.
Hai que ter en conta que, en ocasións, os atacantes poden utilizar unha dirección de correo lexítima da Xunta de Galicia previamente comprometida nun ataque anterior, incluso como reenvío dun fío de correos lexítimo intercambiado entre persoas pertencentes á Xunta de Galicia. Nestes casos hai que extremar a atención, xa que é máis complicado darse conta do engano, polo que, en caso de dúbida, recoméndase chamar ou contactar co remitente para confirmar a lexitimade do correo.
No caso de ser vítima dun destes correos fraudulentos ou ante calquera dúbida, prégase contactar o antes posible coa Unidade de Atención a Centros (UAC), para que se poida minimizar calquera impacto.
Existen na actualidade páxinas web e envíos de correo electrónicos fraudulentos, que aproveitando a crise do COVID-19, intentan enganar aos usuarios, redirixíndoos a páxinas web con contidos maliciosos, coa intención de conseguir as credenciais (usuario/contrasinal) da persoa usuaria para logo levar a cabo ataques informáticos ou simplemente co obxectivo de difundir información falsa. É importante polo tanto estar moi alerta. Se recibe chamadas, correos, mensaxes etc., que aparentemente teñen orixe en persoal da organización, centros de atención a usuarios etc., lembre que:
Nunca debe facilitar información de medios de acceso (usuario e contrasinal, tokens, códigos recibidos por SMS etc.). Nin sequera tratándose realmente do persoal de atención a usuarios debe realizarse esta práctica, xa que o persoal de atención a usuarios debe ter mecanismos para corrixir incidencias, restablecer contrasinais etc., sen requirir que a persoa usuaria llo facilite.
O persoal da UAC conta con medios de acceso ás aplicacións que lles deben permitir solucionar os problemas sen requirir datos do acceso das persoas usuarias.
Se está detectando problemas no seu acceso aos sistemas corporativos, contacte directamente coa UAC.
Recoméndase utilizar as ferramentas corporativas postas a disposición pola Xunta de Galicia para o acceso aos servizos dixitais educativos, evitando utilizar plataformas alleas á Xunta de Galicia, que poderían implicar riscos de seguridade (técnicos e normativos). Pode consultalas no espazo de Servizos Dixitais Educativos do portal espazoAbalar: https://www.edu.xunta.gal/espazoAbalar/espazo/servizos-dixitais
Ante calquera dúbida ou problema, se cre que puido ser vítima dun correo fraudulento ou no caso de querer comunicar un incidente de seguridade informática, pódese poñer en contacto coa UAC:
Unidade de Atención a Centros uac@edu.xunta.gal Teléfono: 881 99 77 01
Vivimos nunha época na que as crianzas viven envoltas en tecnoloxía, xa que é raro o fogar que non dispón de máis dun móbil na casa, unha tablet, un ordenador ou mesmo unha TV intelixente. Todos eles dispositivos conectados a Internet que os/as máis pequenos/as da casa son quen de manexar cada vez a unha idade máis temperá e cos que comparten moitas horas de pantalla.
Desta forma, as/os pequenas/os están a afacerse a unha contorna dixital na que atoparán multitude de recursos ao alcance da súa man. Pero a preocupación das familias é que naveguen por contidos apropiados á súa idade, algo que de momento implica que para que as crianzas fagan uso destas tecnoloxías de forma segura, as familias teñen que estar a lles vixiar en cada momento.
Ata agora, foron varios os intentos por ofrecer plataformas de contido infantil que ofrecían un uso totalmente seguro por parte dos/as máis pequenos/as como YouTube Kids ou Designed for families, pero ningún deles están aínda dispoñibles en España e non se sabe se chegarán.
Agora chega Bunis, o Google para nenos que filtra calquera contido non apto para menores. Segundo conta o propio creador, un enxeñeiro informático español chamado Emilio López, “É un buscador seguro que evita amosar resultados non aptos para menores, como contido pornográfico, violento ou con palabras malsonantes”.
Se se accede á súa web oficial bunis.org, pódese ver como dous simpáticos monstruiños dan a benvida aos/ás máis pequenos/as e ofrecen unha caixa de procura para que as crianzas introduzan aquilo que queren ver ou co que se queren entreter.
Debaixo dese buscador, o informático español, creou un completo sistema de filtros baseado no motor de procura de Google, pero que se encargan de realizar unha serie extra de filtros en función de miles de palabras prohibidas que poidan levar a obter resultados non desexados.
Catro filtros especiais
Concretamente, o buscador Bunis realiza catro filtros sobre os resultados obtidos de Google onde o primeiro deles compara os termos de procura cunha base de datos con miles de palabras prohibidas, que no caso de coincidir non seguirá realizando a procura e por tanto non mostrará resultados.
Se a procura supera o primeiro filtro, é cando entra en xogo o segundo filtro, o de Google (Google Safe Search), que ten a función de excluír dos resultados obtidos despois de aplicar o primeiro filtro aqueles sitios que conduzan a imaxes, vídeos ou calquera outro tipo contido sexual explícito para que as crianzas non atopen contido indebido.
A continuación, Bunis aplicará outros dous filtros máis, un terceiro que comprobará se os resultados obtidos non se atopan dentro dunha base de datos que contén páxinas webs con contidos non aptos para as crianzas e un último filtro que non fai outra cousa que volver pasar o primeiro filtro sobre os resultados finais para asegurarse de que o que se vai a mostrar ao menor non conteña palabras malsonantes nin contidos inapropiados.
Con todo, se aínda así nalgún momento as familias descobren algún contido que estimen non sexa o máis apropiado, o desenvolvedor do buscador habilitou un formulario para que se lle informe diso e poder proceder a engadilo nas súas bases de datos para que Bunis sexa cada vez máis efectivo.
Aínda así, a vixiancia por parte das familias segue sendo importante e por iso é polo que Bunis ten pensado ofrecer proximamente un panel de control para as familias, que lles permita rexistrar as procuras realizadas polas crianzas con todo detalle.
