Skip to Content
Lugar de Pedrouzos s/n Brión , A Coruña, Tfno 881866078 ceip.pedrouzos@edu.xunta.gal

Visita de María Menéndez-Ponte

Pupi é un extraterrestre moi aventureiro. Un día saiu do seu planeta Azulón e atopouse coa Terra, onde está tan ben que decidiu quedarse e aprender todo o que saben os nenos e nenas.

María Menéndez é a creadora desta personaxe, que tanto gusta ao noso alumnado do primeiro ciclo de primaria. Falounos de Pupi e os nenos e nenas puideron facerlle moitas preguntas sobre el e os seus amigos. Ao rematar, María ,moi amablemente. asinou os libros que trouxeron os nenos da colección, publicada por SM e protagonizada por Pupi.

 

Aproveitamos para que María fixera entrega a dúas alumnas de segundo dos premios ganados no concurso de banda deseñada: Xiana Bragraña e Sofía Sagüillo.

VIAXEIROS NAMORADOS

O día de San Valentín, declarámonos namorados das viaxes, namorados de coñecer outros países e outras culturas.

Na entrada do cole construímos entre todos un gran corazón con tarxetas de distintos lugares: Xapón, Sudáfrica, México, Exipto, Australia, EEUU ... e moitísimos outros países están representados, prácticamente temos imaxes de todo o planeta.

O noso corazón é ben grande e nel colle todo o mundo!

 

 

CONCURSO COMIC "Valores"

Xa coñecemos aos gañadores do concurso de Comic. Os traballos presentados acadaron moita calidade, valorouse tanto o deseño, os debuxos, o guión e sobre todo o axuste ao tema do certame "Os valores".

No primeiro ciclo os mellores traballos foron: "En Nadal Papá Noel" de Xiana Bragaña e "El coche" de Sofía Sagüillo.

"O cupcake vivente" de Matías Rodríguez Sánchez e "Mariola para compartir" de Eirena Souto Pazó foron os seleccionadoa como os mellores traballos de banda deseñada.

No terceiro ciclo foron catro os  premiados Daniel Souto Pazó con "Unha Banda (musical) en Banda", Angela Pérez Vieito con "Pepe busca casa", Laura Ardións con "Amigas" e Nerea Aniceto con "A amizade".

En breve todos os premiados recibiran o seu agasallo.

Parabens a todos eles!

30 DE XANEIRO, DÍA DA PAZ

paz

Este ano 2014, os alumnos de Relixión de 6º de primaria fixemos unhas grullas de papel como símbolo da paz, recordando a Sadako.

Sadako era unha nena xaponesa que sobreviviu a bomba nuclear que foi lanzada en Hirosima (Xapón) na Segunda Guerra Mundial. Aparentemente estaba ben ata que nove anos despois lle detectaron unha grave enfermidade debido a radiación da bomba. No hospital, unha amiga contoulle a historia das mil grullas, unha lenda xaponesa na que narraba que a quen fixera mil grullas de papel os deuses concederíanlle un desexo. Sadako, ilusionada, comezou a facer grullas de papel pero desgraciadamente morreu cando levaba feitas 644 grullas. Os seus amigos remataron as grullas que faltaban para as mil,

Agora tódolos anos, o día da paz no Xapón fan grullas que colocan aos pes da estatua que fixeron no seu honor na Praza da Paz de Hirosima.

Alex Ariza y Miguel Gil

                                                                                                                                                                                                                                                                            6º A

                                                                                                

 Os alumnos de Relixion de primaria elaboraron un mural da paz colaborando co proxecto da biblioteca: Pedrouzos polo mundo.

CANDO PECHAS OS OLLOS E PENSAS NA PAZ E , QUE VES?

 

Dende a biblioteca propusimos unha actividade para realizar o día da Paz, este xoves, 30 de xaneiro.

 

No taboleiro da entrada do colexio colocamos esta lenda para que os nenos e nenas escribiran nun post-it o que lles suxire a idea da PAZ. Nas aulas falouse deste concepto e reflexionamos sobre o significado  desta conmemoración.

Como podedes ver na foto, quedouse pequeno o taboleiro para colocar todas as ideas dos nosos rapaces e rapazas!

Reunión Informativa Ed. Infantil

Familias Educación Infantil:

Informamos que o vindeiro luns, 3 de febreiro, ás 16:30h. faremos unha reunión en E. Infantil.

Cada titor/a reunirase cos pais/nais da súa titoría e na aula correspondente para tratar de:

  • Cuestións puntuais de cada titoría.
  • Avisos xerais.
  • Celebración do antroido e elaboración de disfraces.

Agardamos a súa presenza.

Un saúdo

Equipa de Infantil

Pedrouzos Polo Mundo

Este curso estamos a desenvolver un proxecto de investigación titulado "Pedrouzos polo mundo". Queremos aprender e coñecer outras culturas e outros pobos. Cada nivel está traballando sobre un país diferente, investigando  as características e rasgos máis significativos dese país. No pasillo da biblioteca colocamos un Mapamundi xigantesco e nel imos sinalando o país que está a traballar cada curso.

 

 

Somos centro ABALAR

Se o curso pasado o noso proxecto TIC foi seleccionado e subvencionado pola REDETIC da Consellería de Educación, neste curso 2010/11 implantarase o proxecto Abalar nas dúas aulas de 5º curso de Primaria.

Este proxecto implicará unha formación específica para o coordinador e o profesorado implicado.

Suporá a dotación de dúas aulas Abalar con Pizarras táctiles e proxectores, portátiles para os titores/as, miniportátiles para cada un dos alumnos de 5º curso (os portátiles serán propiedade do centro)  e un novo servidor de contidos.

Distribuir contido


by Dr. Radut