CEIP DE PEDROUZOS - Brión

O pasado luns, 10 de novembro, o alumnado de 3º de Primaria asistiu a un concerto didáctico no Auditorio de Santiago.

Os compoñentes do grupo Ultreia presentáronlles unha serie de instrumentos de música antigos coma o rabel(o antecesor do violín), distintos tipos de gaitas(de palla, de cana, de ronquillo, de barquín, ...), o birimbau, as ferreñas e outros. Tamén puideron escoitar o son que conseguían cunha folla de hedra ou cunha caixa metálica na que se gardaba o pementón e moitas outras. Algunhas destas melodías estiveron acompañadas de bailes típicos coma a muiñeira e outros.

Resultou unha actividade moi entretida e, sobre todo, interesante.       

Hoxe como todos os anos en Educación Infantil celebramos o Samaín entre outras actividades cunha desgustación de froitos de outono. Constitúe un intre de encontro e de compartir aprendizaxe sobre distintas froitas e a súa clasificación en FROITOS CARNOSOS, SECOS E DESECADOS.

SE PREMEDES NAS FOTOS PODEDES VER COMO NOS DIVERTIMOS ESE DÍA

Posteriormente cada un de nós realizou un debuxo da froita que máis lles gustou.

Durante esta última semana de outubro,  celebramos O Samaín, festa de orixe celta, na que participou toda a comunidade educativa aportando manualidades como cabazas decoradas e diversas composicións terroríficas, que estiveron expostas na entrada do colexio.

Durante o recreo, o alumnado que participou na creación de microrrelatos de medo, tivo a oportunidade de lelos na biblioteca.

Tamén se proxectaron películas relacionadas con esta festa, no recreo da tarde

Moitas grazas a todos e todas pola vosa colaboración.

Prema na imaxe para acceder á galería do Samaín.

Coa profe Ariana estamos a traballar a obra de LUIS SEOANE, o pintor galego, coas súas grandes vidrieras proporcionanos a oportunidade de estudar a teoría da cor e o PROXECTO DA LUZ que estamos a traballar na escola. Queremos mostrarvos o resultado.

Hoxe 29 de setembro reuniuse o Consello Escolar do centro para, entre outros puntos, actualizar os listados de espera do servizo de comedor escolar.

Debido a algunhas renuncias puidéronse incorporar ao servizo catorce novos usuarios.

De producirse novas vacantes, iremos incorporando alumnado.

Xuntamo un ficheiro coa listaxe de espera actualizado.

A dirección