Outras datas sinaladas

DÍA DO DEPORTE NA RÚA

 

 

Para celebrar o DÍA DO DEPORTE NA RÚA que mellor idea que sair ao patio e recordar OS XOGOS POPULARES.

Pasamos un rato moi divertido xogando aos distintos xogos!

 

 

CHARLA SOBRE TEA DA FUNDACIÓN POR ELES TEA DE OURENSE

Para conmemorar o DÍA DO  AUTISMO contamos hoxe coa visita  de dúas representantes da ASOCIACIÓN POR ELES TEA para falarnos das persoas que teñen TEA (Trastorno do Espectro Autista).

Axudáronnos a coñecer as súas características, o que lles gusta ou molesta, pero sobre todo trataron de concienciarnos de que todos e todas somos diferentes, pero que temos as mesmas necesidades de socializar.

Pero nós tamén tivemos que aportar un pouco coas nosas dúbidas e preguntas e finalmente os máis pequenos pintaron unha imaxe de ELMER para crear cadaquen o seu Elmer propio e os maiores reflexionaron sobre aquilo no que son bos e aquilo no que precisan axuda. Escribírono nuns post-it e crearon un pequeno mural con eles.

GRAZAS POLA VOSA VISITA!!

 

DÍA DA ÁRBORE - VISITA DE AXENTES MEDIOAMBIENTAIS

 

Os axentes medioambientais vieñeron ao colexio para visitar ao alumnado de 2º.

Explicáronnos en que consiste o seu traballo, proxectáronnos vídeos reais de incendios, animais....e concienciáronnos de como coidar o nos entorno.

Despois vimos o coche coa súa equipación e fixeron simulacros coa emisora.

Para rematar plantamos  unha cerdeira no patio para celebrar o día da árbore.

   

 

 

PREME NA IMAXE PARA VELA MÁIS GRANDE

CONMEMORAMOS O DÍA DE ROSALÍA

 

 

Deixámosvos aquí as actividades que se realizaron polo DÍA DE ROSALÍA en 6º de Educación Infantil

 

Polo día de Rosalía temos CALDO DE GLORIA

 

Hoxe celebrouse o DÍA DE ROSALÍA e no comedor tamén quixeron homenaxear o seu día cun menu especial: O CALDO DE GLORIA. Que rico estaba!

 E para que os nenos coñezan os ingredientes tiñan na mesa o manteliño coa receita!

QUEDA AQUÍ TAMÉN UNHA MONTAXE COAS FOTOS DO DÍA

Seguimos conmemorando o día da muller e a nena na ciencia

 

Seguindo coa conmemoración do Día internacional da muller e a nena na ciencia, o alumnado de 5 anos tivo o pracer de contar coa visita de Tania ( nai de Olivia), enxeñeira Informática, que traballa de técnica de marcapasos e desfibriladores.

A súa charla foi moi interesante e entretida.

Moitas grazas  Tania!

 

11 E FEBREIRO DÍA DA MULLER E DA NENA NA CIENCIA

Co gallo da conmemoración do Día internacional da muller e da nena na ciencia, o alumnado de 5 anos contou coa visita de Xuliana, nai de Brais Otero.

Xuliana é cirurxá e explicoulles en qué consiste o seu traballo e fíxolle fincapé na importancia de que as nenas participarán de xeito igualitario na ciencia 

  

 

  

CONMEMORACIÓN DO DÍA UNIVERSAL DOS DEREITOS DOS NENOS

 

PARA CONMEMORAR O DÍA UNIVERSAL DOS DEREITOS DA INFANCIA, REALIZÁRONSE VARIAS ACTIVIDADES NAS DISTINTAS AULAS E COMO ACTIVIDADE DE CENTRO  PREPARAMOS CO ALUMNADO DE CADA NIVEL UN CARTEL QUE REPRESENTA UN DOS DEREITOS DO NENO. TODOS OS CARTEIS QUEDAN EXPOSTOS NA ENTRADA DO CENTRO ANTES DE FORMAR PARTE DA DECORACIÓN DAS PAREDES DOS DISTINTOS CORREDORES.

DEIXÁMOLOS TAMÉN AQUÍ PARA QUE POIDADES VELOS E VER O GRAN TRABALLO QUE SE FIXO.

 

Conmemoración do Día Mundial contra o Acoso Escolar

 

O 2 de maio conmemórase o Día Mundial contra o Acoso Escolar.

E no colexio queremos aportar o noso gran de area para concienciar ao alumnado da importancia que ten que eviten estas condutas.

Para iso non só temos en conta o Día da conmemoración, senón que en 5º e 6º de primaria establecemos neste trimestre a lectura de dous libros que lles axudarán a reflexionar sobre o tema, ver como se senten as dúas partes e converterse en persoas con CERO TOLERANCIA CO ACOSO ESCOLAR.

 En 5º de primaria visionaron a película WONDER coa finalidade educativa de ver como se sente un neno/nena que sofre o Acoso Escolar por parte dalgúns dos seus compañeiros/as e a posteriori están lendo o libro titulado WONDER - La historia de Julian de R. J. Palacios. Neste caso acércanse aos pensamentos do rapaz acosador.

 En 6º de primaria están lendo o libro INVISIBLE de Eloy Moreno. Este libro acércaos ao Acoso Escolar dende varios puntos de vista, para provocar neles a reflexión sobre a repercusión que ten o acoso en todas as  persoas implicadas, pero sobre todo na persoa que o sofre constantemente.

 

Agardamos que con estas lecturas, as reflexións e os debates, consigan ver o terrible que é para un rapaz ou rapaza sufrir ese acoso constante e en consecuencia evitar as condutas de acoso ao mesmo que tempo que se conciencian da importancia de denuncialo se son coñecedores dun acoso a calquera compañeiro/a.  

 

 

DÍA DO LIBRO 2022

 

 O luns celebramos o DÍA DO LIBRO.

Os nenos e nenas de 3º a 6º de primaria convertéronse para a ocasión  en padriños e madriñas lectores/as para lerlles contos aos máis pequenos.

A actividade levouse a cabo en distintos lugares do patio e no salón de actos, polo que moitas zonas se converteron en fermosos espazos para a lectura.

A actividade gustoulles moito a grandes e pequenos e foi moi emotivo ver como todos e todas gozaban dese rato de lectura na que a maioría leron e escoitaron máis dun conto.

Rematado o rato da lectura tiñan en dúas zonas do colexio  libros que se expurgaron da biblioteca para que escolleran algúns e darlles unha segunda vida nos seus fogares.

Había para todos os gustos lectores polo que todos e todas atoparon algún que fose do seu interese.

Deixámosvos aquí un vídeo coas imaxes que deixou o día.

    

Powered by Drupal - Design by artinet