Outras actividades

PLAN DIRECTOR: OS RIESGOS DE INTERNET E O ACOSO

 

Hoxe veunos visitar un Policía Nacional, dentro do programa do PLAN DIRECTOR.

En 5º de primaria faloulles dos riscos que poden atopar en Internet e como tratar de coidarse e de facer un usos responsable e seguro.

En 6º a adicou a charla ao acoso escolar tanto presencial como a través das redes. Indicándolles os riscos que poden atopar, cales son os comportamentos que nos podemos atopar tanto no acosador como no acosado  e que deben denunciar calquera actitude acosadora da que son coñecederos tanto se o sofren como se saben de alguén que o sofre.

O ALUMNADO DE 4º, 5º E 6º DE PRIMARIA PARTICIPOU NUNHA CHARLA SOBRE O CAMIÑO DE SANTIAGO

O alumnado de 4º, 5º e 6º de primaria participou, o pasado 16 de xuño nunha charla organizada polo Concello de Ourense, sobre o CAMIÑO DE SANTIAGO guiados por Ramón Fernández Fernández.

Na charla faloulles dos preparativos que hai que facer para ser un bo peregrino. Levar mochila con pouco peso, non debe superar o 10% do peso corporal, calzado cómodo pero usado, calcetíns suficientes para cambiar cada pouco coa finalidade de evitar feridas nos pés.

Comentou tamén a diferenza entre os distintos albergues aos que podes ir para descansar e pasar a noite.

E fixo unha referencia á historia do camiño, da frecha amarela e a existencia de distintos camiños que poden comezar en Francia, en Portugal e en diversas partes de España.

Tamén houbo un concurso de preguntas no que os gañaderos recibiron un chaveiro do camiño.

Charla moi entretida na que nos quedamos con algunhas ideas básicas para pensar en facer nós mesmos o CAMIÑO DE SANTIAGO nun futuro.

PARQUE INFANTIL DE TRÁFICO

 

O alumnado de 6º curso de Educación Infantil participou o martes día 31 de maio nesta actividade que ten como finalidade proporcionar educación viaria, xa que o tráfico é unha realidade de gran importancia polas tráxicas repercusións tralos accidentes - como peóns, condutores ou viaxeiros-, que se producen diariamente.

Da man de Fina Lage e dos monitores Andrés e…., o alumnado recibiu unha clase teórica na que aprenderon o significado dos sinais de tráfico e a importancia de respectalos.

Primeiramente realizaron un recoñecemento a pé do circuito acompañados dos monitores, que lles facilitaron a aprendizaxe das normas necesarias para percorrelo despois cos distintos vehículos.

De seguido, circularon coas súas bicicletas, patinetes, motos…tratando de aplicar, esta vez como condutores, todo o aprendido nas explicacións previas.

E remataron a actividade coa presenza dos corpos de seguridade que interveñen nos sinistros de tráfico: policía local, bombeiros, ambulancia e protección civil.

Todos disfrutaron enormemente coas explicacións dos axentes que, con moita paciencia, fixeron aos nenos e nenas partícipes da situación deixándolles subir aos vehículos, accionar as sirenas, portar a súa indumentaria, accionar algunha das ferramentas…

Unha experiencia lúdica do máis divertida, á que posteriormente sumáronse os seus compañeiros e compañeiras de 4º e 5º de infantil.

Unha mañá chea de emocións!!!!!

 

 

OBRADOIRO DE PRIMEIROS AUXILIOS

O alumnado de 3º e 4º de primaria tivo a oportunidade de participar no OBRADOIRO DE PRIMEIROS AUXILOS - PUPAS, SUSTOS E OUTROS DESGUSTOS.

Neste obradoiro, que foi impartido por profesionais de enfermaría,  tiveron a ocasión de aprender unhas nocións básicas de primeiros auxilios. 

A actividade desenvolveuse en 3 sesións de dúas horas cada unha e constaban dunha parte teórica con contido audivisual e unha parte práctica. Os rapaces e rapazas trouxeron un peluche que converteron en paciente para practicar as técnicas que lles ensinaban.

Unha actividade que nos parece moi importante para que saiban actuar ante pequenos problemas como feridas ou queimaduras, pero tamén ante situacións máis compexas.

TEMOS PREMIADA E DIPLOMADOS NO COLEXIO!

 

O alumnado de 3ºA e 3ºB participou no concurso de debuxo relacionado co tema "Un feliz viaje por la vida"  promovido pola Asociación  POR ELES T.E.A. de Ourense, para dar visibilidade e sensibilizar poboación en xeral sobre o Trastorno do Espectro Autista.

O concurso consistía en realizar un debuxo ou un breve relato, onde o alumando podía plasmar o significado que ten para él ou ela, a felicidade.

Como premio podían conseguir unha tablet.

A gañadora da tablet foi: MARISA BOÁN polo seu debuxo,  e os e as demais participantes da clase recibiron un diploma.

 

 

 

 

  

 PODES VER AS IMAXES MÁIS GRANDES SE PREMES NELAS

O alumnado de 5º e 6º participa nunha charla sobre a seguridade en Internet

Hoxe veunos visitar un Policía Nacional para falarnos do importante que é que teñamos coidado cando andamos na Internet.

Falounos de que hai que ter moito coidado cos datos privados que compartimos consciente e inconscientemente na rede. Que debemos crear contrasinais seguras para todas as nosas contas. 

Tamén nos falou do Ciberacoso e da importancia de informar aos adultos de confianza do que está a pasar tanto se nolo fan  a nós mesmos, como se sabemos que llo están a facer a outros.

A charla de hoxe solicítamola a través do Plan Director. E se serviu para que repensen o que fan nas redes e vaian sendo un pouco conscientes do coidado que deben ter, cremos que logramos o noso propósito.

Intenet non é malo, pero ás veces facemos un mal uso del e iso pode derivar en preocupacións e agobios.

Tede coidadiño na rede!

 

 

XORNADA DE PRIMEIROS AUXILIOS PARA 6º DE PRIMARIA

Hoxe, 18 de marzo, os alumnos e alumnas de sexto tiveron, a que posiblemente fose, a "clase" máis transcendental de todo o curso. Grazas ao Concello de Ourense, tivemos a oportunidade de contar coa experiencia de Nieves que nos ensinou como afrontar un lume na casa, que facer ante unha queimadura, como actuar cando alguén entra en parada cardíaca...

Ogallá nunca teñamos que aplicar o aprendido, pero todos rematamos coa idea clara de como salvar unha vida.

Grazas Nieves!!

 

 

Preme sobre as imaxes para velas máis grandes

TEATRO EN INGLÉS NO COLEXIO

O alumnado de 4º, 5º e 6º presenciou no colexio a obra de teatro en inglés Three Eggs, Two Birds and a King representada por On Stage Company.

Esta actividade atópase dentro das actividades escolares promocionadas por Afundación.

Unha experiencia que cremos motivadora e divertida, ademais de ser totalmente en inglés e interpretada por actores nativos.

 

SINOPSE DA OBRA: O rei abdica! Demasiado traballo, non hai volta atrás, retírase..O reino é peculiar e o trono non se hereda nin se gana no campo de batalla. Todo aquel que queira ser o próximo rei ou raíña pode pasarse por palacio e participar na competición.

Poderán Samantha Frankenstein e o seu fiel lacaio Igor facerse co trono? Será Victoria Rochefeler e a sú lexión de followers a nova raíña? Os rapaces e rapazas descubrírono nunha aventura sobre a honestidade, a importancia do xogo limpo.

 

  

  

Premendo en cada imaxe podes vela en grande

 

 

ACTIVIDADE - CONTA COA NATUREZA: INCENDIOS FORESTAIS

Esta actividade, promocionada polo Concello de Ourense, na que participou o alumnado de 3º de primaria, é unha proposta educativa e lúdica para explicar a actual situación de crise sanitaria, ambiental e social ao alumnado. Nela emprégase o conto teatralizado para abordar a temática, pois é unha ferramenta educativa moi útil que permite simplificar temas de gran complexidade e facilitar a súa comprensión. A situación actual bríndanos a gran oportunidade de repensar a nosa relación coa natureza e trasladar ese novo modelo de vida á infancia.

A través do conto os nenos e nenas participan de maneira interactiva situando nun mural diferentes seres vivos e vendo a súa problemática se algún deles ou todos faltasen. Ademais de visualizar unha serie de alimentos da horta para conciencialos dunha alimentación saudable.

 

 

 Se premes nas imaxes podes velas en grande

ENCONTROS COA AUTORA

 

 

 

 Hoxe 14 de febreiro veunos visitar  ANDREA MACEIRAS, autora do libro A FOLLA AZUL.

 

Esta actividade de ENCONTROS CO/A AUTOR/A está dentro das actividades educativas do CONCELLO  que se ofertaban para 5º de primaria.Para participar nesta actividade recibimos para cada neno/a e as profe o libro e na hora de ler aproveitamos para unha lectura conxunta do libro e así gozar en grupo das aventuras da protagonista.

 

Andrea Maceiras convidounos coa súa visita a unha pequena viaxe pola Amazonia para coñecer un pouco mellor o mundo e a tribu na que se inspirou o seu libro.  Logo deu paso ás preguntas que lle fixeron os nenos e nenas sobre a súa faceta como escritora e sobre as inquedanzas que lles xurdiron coa lectura do libro. Finalmente asinou os libros de todos e todas e puidemos facer unhas fotos de grupo con ela.

 Todos os rapaces e rapazas coincidiron en que lles gustou moito e que lles encantaría que houbese unha segunda parte.

 MOITAS GRAZAS ANDREA.

 

Powered by Drupal - Design by artinet