Samaín

ENTREGA PREMIOS AOS GAÑADORES DOS CONCURSOS DE SAMAÍN

 

CHEGOU O DÍA DE COÑECER AOS PREMIADOS DOS CONCURSOS CONVOCADOS POLO SAMAÍN

A decisión foi moi difícil.

Grazas a todos e todas por participar e por poñérnolo tan complicado.

 

Un agradecemento especial a vós, FAMILIAS por acoller esta actividade con tanta creatividade.

GRAZAS!!

 

 

Todos os  nenos e nenas que participaron nos distintos concursos recibiron un diploma de recoñecemento e os premiados recibiron  a maiores do diploma un pequeno detalle.

 

CELEBRAMOS O SAMAÍN 2022

 

NESTE SAMÁIN CONVOCAMOS DENDE O EQUIPO DE BIBLIOTECA E DO EQUIPO DE DINAMIZACIÓN DA LINGUA GALEGA UN CONCURSO DE CASAS MONSTRUOSAS E MENUDO ÉXITO TIVO A PROPOSTA.

NO SEGUINTE VÍDEO PODEDES VER AS ESPECTACULARES CASAS QUE ENCHERON O CORREDOR DA ENTRADA DO COLEXIO.

NON PODEMOS MÁIS QUE AGRADECERVOS AS FAMILIAS O GRAN TRABALLO QUE LEVASTES PARA MANDAR UNHAS CASAS TAN FANTÁSTICAS.

MOITÍSIMAS GRAZAS POR COLABORAR!!!

 

TAMPOUCO FALTARON OS DISFRACES RELACIONADOS COA TEMÁTICA DO DÍA.

PASADE E VEDE.

 

O Samaín no cole tamén sae na prensa

 

Deixámosvos aquí o recorte do periódico LA REGIÓN que se fai eco da nosa celebración do Samáin.

Preme na imaxe para vela máis grande

 

SAÍMOS NO XORNAL: SAMAÍN 2020

O mércores, 4 de novembro, saímos na edición impresa do suplemento Xornal Escolar que se publica conxuntamente co xornal LA REGIÓN todos os mércores. Neste suplemento, recóllese unha mostra de como foi a celebración da festa de Samaín-Halloween nos colexios. Mirade que guapos e guapas saíron os nosos pequenos e non tan pequenos!!:

SAMAÍN- HALLOWEEN 2020

Estas son algunhas das actividades que realizamos con motivo da celebración do SAMAÍN- HALLOWEEN, sempre cargado de sorpresas e misterios...

1- Un cento de libros podedes ler na nosa biblio que falan de misterios, de pantasmas, de bruxas, de monstros... 

2- O tradicional concurso de Contos de Medo xa está en marcha, esperamos historias cargadas de misterio no Camiño de Santiago.

3- Nas distintas aulas non faltou a decoración e a realización de diferentes actividades plásticas.

4-Coa colaboración dende as casas fixemos unha arrepiante exposición de cadaleitos.

5-Non faltaron as lecturas a media luz.

6- E para rematar... os esperados e terroríficos disfraces!!

 

(Se premedes en cada número da imaxe superior poderedes ver unha presentación de imaxes de cada actividade realizada). 

SAMAÍN - HALLOWEEN 2019

Así celebramos o SAMAÍN-HALLOWEEN no colexio:

1. Adornamos aulas e corredores.

2. Decoramos portas.

3. Fixemos o tradicional obradoiro de cabazas na biblioteca.

4. Expuxemos as cabazas decoradas na entrada do cole.

5. Realizamos distintos tipos de manualidades.

6. Creamos "monstros" divertidos.

7. Lemos libros de "moito medo".

8. Tivemos merendas "terroríficas".

9. ... e viñemos ao cole disfrazados de bruxas, esqueletos, monstros, demos, vampiros e pantasmas!!!. 

 

(Se premedes en cada número da imaxe superior poderedes ver unha presentación de imaxes de cada actividade realizada). 

SAMAÍN- HALLOWEEN 2018

Un ano máis chegou a esperada celebración do SAMAÍN-HALLOWEEN ao colexio e, coma en cursos anteriores, realizamos diversas actividades:  o xa tradicional obradoiro de cabazas que organiza o Equipo da Biblioteca Escolar, cabazas que unha vez rematadas se expuseron na entrada do centro. A decoración de portas e corredores con murais e cos diversos traballos que se realizaron nas aulas; bruxas, cabazas, morcegos, arañas, pantasmas  e  monstros foron os motivos principais. Os materiais empregados foron tamén variados: con materias reciclados fixéronse pantasmas con vasos de plástico que se utilizaron nas merendas, arañas con oveiras de cartón, mouchos con pratos tamén de cartón, árbores con papel enrugado.. Tamén houbo a tradicional exposición de libros sobre a temática desta celebración e o concurso de contos de medo, que este ano os nenos e nenas tiveron que ambientar no bosque do Falán (que visitaron recientemente os rapaces e rapazas de 5º e 6º como xa publicamos nunha anterior nova).    

 

 

SAMAÍN- HALLOWEEN 2017

 

 

 

Un ano máis celebramos no cole a "terrorífica" festividade de SAMAÍN - HALLOWEEN con diversas actividades. Ademais de traballar en cada aula sobre o significado e os costumes típicos destas datas, destacamos a realización das seguintes actividades:  o xa tradicional obradoiro de cabazas na biblioteca do centro e a posterior exposición na entrada do colexio, a decoración de portas e corredores; unha nova edición do Concurso de Contos de Medo (este ano coa variante de recopilación de lendas propias da zona e/ou a escritura de contos tendo como protagonistas personaxes e lugares da nosa contorna).  Exposición de libros de medo (tamén na biblioteca), manualidades con materiais de refugallo: pantasmas con rolos de papel hixiénico, arañas con cartóns de ovos, pantasmas pintados sobre pedras... diademas con caveiras e arañas, bruxas voadoras con caras "sorprendetes" e cabazas moi "sorrintes", móbiles...  foron outras das manualidades realizadas. Destacar tamén o mural de HALLOWEEN realizado a partir de mans "monstruosas" e os disfraces dos nenos e nenas de 5 anos que compaxinaron o traballo que están realizando sobre a artista Frida Kahlo coa festa do Samaín. 

Na seguinte presentación tedes unha pequena mostra de todo: 

 

Powered by Drupal - Design by artinet