Día da Muller

O RATIÑO PRESUMIDO

 

Con motivo do Dia Internacional das Mulleres 8M, o grupo Trinketrinke teatro representou no salón de actos do colexio unha versión do conto tradicional "A ratiña presumida", no que se fomentan os estereotipos de xénero e as ideas sexistas, dun xeito diferente.

Nesta actividade, á que asistiron os alumnos e alumnas de educación infantil, dáselle a volta ao conto clásico para amosar a un ratiño -o rato Fuco- que disfruta cantando e limpando a súa casa, e para visibilizar a unhas mulleres empoderadas -neste caso animais- que non teñen ningún problema en tomar a iniciativa e propoñer elas o matrimonio ao ratiño.

O contacontos foi moi aplaudido polo alumnado e profesorado asistente, e serviunos para traballar a idea de que "todos somos iguais e podemos facer as mesmas cousas"

 

   

DÍA INTERNACIONAL DA MULLER: A MULLER NO DEPORTE

Este curso quixemos adicar o DÍA INTERNACIONAL DA MULLER, que se celebra cada 8 de marzo, a destacar a figura da MULLER NO DEPORTE .

Para iso, despois de realizar nas diferentes aulas carteis sobre deportistas famosas e de expoñelos nun gran panel conxunto, e  para concienciar aos nenos e ás nenas das dificultades con que se atopan tamén as mulleres no deporte, recibimos no colexio (o propio día 8) a visita de deportistas da nosa localidade, algunhas incluso antigas alumnas do noso centro. 

Para coñecer máis datos desta actividade e visualizar as imaxes da mesma, premede nos seguintes enlaces:

- Blog VIDA ACTIVA E SAUDABLE NO ALBINO NÚÑEZ 

- Blog  A BIBLIOTECA DE LIBRÍN 

DÍA INTERNACIONAL DA MULLER

Como xa todos sabedes o pasado 8 de marzo celebrouse o DÍA INTERNACIONAL DA MULLER. Tamén coma sempre no colexio realizamos diversas actividades: contamos coa colaboración de varias nais que viñeron  a contarnos a súa experiencia como mulleres traballadoras. Fatiropina, a nai dun neno de infantil realizou un obradoiro sobre a pintora MARUJA MALLO con alumnos e alumnas de 5º de primaria. Traballouse nas aulas o tema da igualdade e realizáronse murais para destacar a figura da muller, tanto de mulleres que foron abrindo camiño, coma de mulleres actuais, mulleres que temos arredor e que loitan por defender a igualdade e liberdade de todas as mulleres. 

Premede na seguinte imaxe para acceder ao blog da biblioteca escolar para ler toda a información e visualizar as imaxes das actividades realizadas:

Destacar tamén que o obradoiro sobre MARUJA MALLO saiu no suplemento XORNAL ESCOLAR do xornal LA REGIÓN do día 11 de marzo:

 

ENCONTROS 4X: DÍA INTERNACIONAL DA MULLER

Para celebrar o DÍA INTERNACIONAL DA MULLER, entre outras actividades, propuxemos dentro dos Encontros 4X (4 XERACIÓNS) a nais e avoas da nosa comunidade educativa que viñeran ao noso centro a contar aos alumnos e ás alumnas a súa experiencia no mundo laboral, o traballo que desempeñaron, as súas dificultades, a desigualdade no trato recibido fronte ao traballo dos homes... Queremos dar as grazas a todas as nais que se acercaron ao centro ao longo do mes de marzo a compartir as súas experiencias cos cativos: Ana, Bárbara, Carolina, Esther, Flor, Isabel, Noelia, Paula, Sandra Lucía e Uxía e tamén a todas aquelas que, quixeron estar con nós pero que por falta de dispoñibilidade horaria a causa dos seus traballos ou cargas familiares non puideron facelo. 

No seguinte enlace ao blog do proxecto de Voz Natura do noso centro, podedes ver como resultou a experiencia e as conclusións extraídas da mesma:

- A VOZ DAS MULLERES

E na seguinte presentación podedes ver, como resumo do traballo realizado nas aulas, unha pequena mostra da exposición realizada sobre mulleres pioneiras que destacaron ao longo da historia:

 

ENCONTROS 4 X

Como xa sabedes neste curso estamos desenvolvendo o proxecto: AUGA, PEDRA, SABEDORÍA E TERRA, a través dos encontros 4X,  entre 4 Xeracións, entre nenos/as, pais/nais, avós/avoas e bisavós/bisavoas. 

Para conmemorar o DÍA INTERNACIONAL DA MULLER (o vindeiro 8 de marzo), gustaríanos contar coa vosa axuda. Necesitamos que as mulleres da nosa comunidade educativa veñan ao centro para falarnos do seu traballo. Para iso só tedes que cubrir a ficha que os nenos e nenas levaron para as súas casas e enviala de volta ao cole antes do próximo martes.

Animádevos a participar nesta actividade e grazas de antemán a todas pola vosa colaboración.

Powered by Drupal - Design by artinet