IES Xoán Montes

O alumnado de 3° e 4° de ESO de Oratoria trasladouse os días 12 e 15 deste mes de decembro ata os CEIPs de Quiroga Ballesteros, Anexa e Rosalia de Castro, para participar nunha actividade de contacontos nas aulas de Infantil.

A valoración dos resultados foi moi positiva, xa que puideron poñer en práctica todas as cuestións estudadas en clase referidas  á actio cun público tan amable e receptivo. Desta volta, léronse textos como A que sabe a lúa, Corre, Corre cabaciña ou Cocorico, todos eles moi apreciados nesas idades. Por outra banda, o profesorado implicado quere aproveitar para darlle os parabéns ao alumnado de Oratoria polo seu bo facer na actividade, así como aos centros que lles permitiron levar a cabo a experiencia, xa que en todo momento facilitaron a súa óptima consecución.

Oratoria nos colexios. Fotografías de Silvia Carballido

O pasado 1 de decembro, os alumnos de 1° de Bacharelato de Anatomía Aplicada e Bioloxía realizaron unha saída conxunta a facultade de Veterinaria e ao hospital Rof Codina. 

Na visita, acompañounos Nuria, profesora e investigadora da universidade, que nos ensinou o impresionante museo que hai na facultade sobre esqueletes de diferentes especies e os principais laboratorios de prácticas de anatomía. Por outra banda Luis, o vicedecano da facultade, ensinounos as diferentes aulas, estancias e permitiu que o alumnado fixera prácticas con suturas en texidos animais artificiais. Por último, vimos o Rof Codina por dentro, onde nos explicaron o seu funcionamento, ademais de ver todas as súas instalacións.

Explicación na Facultade de Veterinaria. Foto de Marcos Rodríguez Varela

Ao longo desta 1ª avaliación desputouse unha liga de fútbol na actividade Recreos Activos do Departamento de Educación Física. A organización do torneo correu a cargo do propio alumnado.

Tras un emocionante torneo o equpo vencedor da Liga de fútbol do 1º ciclo da ESO foi o equipo Porcineta. Ben xogado!

No documento adxunto pódese consultar o calendario e resultados dos partidos.

Alumnado e profesorado do IES Xoán Montes expresamos o noso malestar pola tala das árbores diante do noso centro. As mensaxes escritas polos rapaces amosan a conciencia que teñen sobre estes seres vivos e a indignación fronte accións tan contrarias á vida como estas.

Na noticia relacionada na prensa indícase que serán substituídas por árbores do paraíso. Non atopamos sentido a ter que plantar especies exóticas coa riqueza paisaxística coa que contamos en Galicia. 

Manifestación contra a tala de árbore. Foto de Amparo Veiga

O pasado martes, 28/11/23, os alumnos de 4º ESO e 1º de bacharelato do noso centro desfrutaron dunha charla temática sobre linguaxes de programación e robótica impartida polo profesor da Escola Politécnica Superior de Enxeñaría de Lugo D. Efrén Arias Jordán. 

Esta charla está enmarcada dentro do Programa A Ponte da USC, no cal o profesorado da USC imparte charlas sobre contidos do seu ámbito docente e/ou investigador, dirixidas a alumnado de Bacharelato e Ciclos formativos. 

Linguaxes de programación e robótica. Fotografía de Julián Rodríguez