IES Xoán Montes

O noso centro está a participar neste curso no programa de innovación educativa Plan Proxecta+, na modalidade “Patrimonio cultural a través da plataforma eTwinning”, que promove a Consellería de Educación. O noso socio europeo é a Scuola Media Pellico di Voltana en Lugo (Emilia Romagna, Italia), de aí que o proxecto se chame "Lugo connection, much more than a name".

Este proxecto ten como obxectivo potenciar o coñecemento e valoración do patrimonio cultural europeo material e inmaterial, propiciando o diálogo intercultural e a cohesión social. Dun xeito máis concreto, pretendemos, partindo do coñecemento e posta en valor do patrimonio cultural local, achegar ao noso alumnado a outras realidades europeas próximas ao tempo que contribuímos ao desenvolvemento das súas competencias.

No presente curso participará no proxecto o alumnado e as materias de: 2º ESO: Inglés, Galego, Xeografía e Historia 4º ESO: Inglés, Matemáticas 1º BAC: Inglés, Historia do Mundo Contemporáneo

Hoxe venres 1 de abril, grazas a ser selccionado o proxecto emprendedor que desde o departamento de Economía se presentou ao programa EduTecEmprende. o alumnado da materia de economía de 4º da ESO puido desfrutar dunha experiencia novidosa e única.

O CIS Tecnoloxía e Deseño é un organismo público pertencente á Axencia Galega de Innovación e o seu obxectivo é ser impulsores de innovación para xerar valor económico, social e sostible. Unha das múltoples actividades que organizan son a formación e difusión, así como o fomento de vocacións científico-tecnolóxicas

O programa e a viaxe desenvolveuse satisfactoriamente gazas á colaboración e acompañamiento de Lara Oliveros e Mercedes Sutil.

Algunhas fotos do evento

Estamos de noraboa, un dos equipos que participan no Young Business Talents, formado por alumnado de economía de 1º de bacharelato. quedou de finalista. Pilar e Inmaculada... gran traballo!

A alumna Génesis Dashira García Cruz de 4ºESO recibiu o 15 de marzo un premio polo proxecto "A factura da luz" realizado na materia de Economía. O traballo foi premiado dentro do concurso autonómico sobre a tarifa eléctrica organizado polo Instituto Galego de Consumo e a Competencia (IGCC) 

O premio consiste nun cheque cun vale de 100 euros para comprar nunha librería. 

Esta é unha boa mostra do concienciados que están os mozos e mozas coa importancia de aforrar, especialmente nun marco enerxético tan complexo como o actual.

Parabéns Génesis!

O alumnado de 2ºB adicou palabras de amor e agradecemento ás MULLERES da súa vida: avoas, nais, irmáns, amigas...

Muro do 8M Mulleres da miña vida. Marta Coria. CC BY-SA

Todo o alumnado dos centros adscritos que reservou praza neste instituto, está admitido para o vindeiro curso.

Información do proceso de admisión.

Hoxe foi publicada no DOGA a  ORDE do 25 de xaneiro de 2022 pola que se actualiza a normativa de avaliación  no sistema educativo de Galicia.

Foi actualizada no MANUAL DAS FAMILIAS  a información no apartado correspondente (22).

Cantas emocións poden ir condensadas en anacos de papel!

O alumnado do IES Xoán Montes intercambia mensaxes de amor, aprecio e amizade por San Valentín.

Anacos de papel. Inés Iglesias. CC BY-SA

Desculpade as molestias, vémonos na obriga por motivos organizativos de retrasar unha semana o comezo do obradoiro dirixido ás familias: Comunicación eficaz cos nosos adolescentes.

As datas serán:

- mércores 16 de febreiro de 17-19h

- 9 de marzo de 17-19h

- 16 de marzo de 17-19h

Prégase inscribirse antes do 9 de febreiro no correo: ines.iglesias@iesxoanmontes.gal

ACTIVIDADES EDLG 21-22

ESCOLMA*

+CERTAME DE GRAFITIS, DO 7 AO 21 DE FEBREIRO

+CERTAME DE HAIKUS, DO 7 AO 21 DE FEBREIRO

+CERTAME DE SKETCHS, DO 7 AO 21 DE MARZO

+CERTAME DE CONTOS, DO 28 DE MARZO AO 8 DE ABRIL

+CERTAME XACOBEO DO 19 AO 30 DE ABRIL

+SEMANA DAS LETRAS GALEGAS, DO 2 A0 20 DE MAIO (CERTAMES DE NARRATIVA, POÉTICA, ENSAIO, TEATRO...)

*a totalidade das actividades… no blog, AS TRASNADAS DO XOÁN