Séguenos nas redes sociais: Facebook Teis

Formación e orientación laboral

Maqueta de proxecto de perruquería feita polo alumnado de Ciclo Medio de Peiteado e Cosmética Capilar

Esta é a maqueta dun futuro proxecto de perruquería que con moita ilusión e traballo presentaron no seu Plan de Empresa Vanesa Ferreira Lago, Andrea Lorenzo Mariñas y Sergio Rodriguez Rodriguez, alumnado do 2º curso do Ciclo Medio de Peiteado e Cosmética Capilar de réxime ordinario de Formación Profesional.

Felicidades polo seu esforzo.

Fotos da maqueta do plan de empresa Fotos da maqueta do plan de empresa

Esta páxina usa Lightbox2 por Lokesh Dhakar dispoñible en http://lokeshdhakar.com/projects/lightbox2/ baixo The MIT License

Resumo das XIX XORNADAS DE ORIENTACIÓN AO EMPREGO

Cartel das xornadas XVIII de orientación ao emprego

Xa quedaron atrás as XIX XORNADAS DE ORIENTACIÓN AO EMPREGO. Este ano tivemos tres días e moitas persoas invitadas!!!

UN BREVE RESUMO DO ACONTECIDO…

Empezamos o luns 29 de xaneiro con Álvaro Gómez nunha conferencia sobre protección de datos de carácter persoal. O alumnado de Asesoría de Imaxe Persoal, que colaborou na organización do evento, estivo preparando os últimos detalles, e algúns alumnos de informática, que tamén axudaron, preguntándose como se meteron en semellante berenxenal!

O martes 30 de xaneiro tras a inauguración por parte da Vicedirectora do IES de Teis Ana Rúa, comezaba o primeiro día grande das xornadas cunha mesa de Mulleres que nos representan: Elvira Landín, Loida Zamuz e Yolanda García contáronnos como foi a súa vida laboral, os seus proxectos, atrancos por ser mulleres nun mundo conservador que durante décadas reforzou os roles de xénero. A mañá continuou con Abel Barredo falando da Lei de autónomos, e despois do descanso tiveron lugar os obradoiros sobre entrevistas de traballo, redes sociais e estilismo en TV a cargo de Emilia Alonso, Alberte Cea e Amaya Fernández.

Presentación das XIX Xornadas de Orientación ao Emprego

Cartel das xornadas XVIII de orientación ao emprego

Xa sabes que vas facer despois do teu ciclo ou da túa FP Básica? Poderás encontrar ideas para o teu futuro laboral nas Xornadas de orientación ao emprego do IES de Teis, que todos os anos se organizan co esforzo de profesores e alumnos.

Nesta edición poderás coñecer a emprendedores que, coma ti, formáronse no instituto; tamén recibirás información útil sobre como enfrentarte con éxito a unha entrevista de traballo ou sobre os recursos de que dispós para montar a túa propia empresa, o xeito de desenvolver as túas ideas, de publicitalas… mesmo podes coñecer formas de traballo ou profesións vencelladas ao teu campo nas que aínda nos pensaras, e todo desenvolvido en obradoiros prácticos e amenas charlas. Aproveita esta oportunidade de completar a túa formación, anímate a participar.

Consulta o programa pinchando neste enlace.

 

Concurso de carteis das XIX Xornadas de orientación ao emprego

 

Díptico das XVIII Xornadas de Orientación ao Emprego

Aquí tedes o díptico das XVIII Xornadas de Orientación ao Emprego no IES de Teis

Distribuir contido