Premio extraordinario de grao superior para un alumno do IES Ricardo Mella
Enviado por admin o Lun, 25/10/2021 - 18:08A Xunta de Galicia vén de recoñecer a excelencia de 21 titulados da Formación Profesional cos premios extraordinarios de grao superio. O obxectivo destes galardóns é poñer en valor o traballo do alumnado que cursa estas ensinanzas con resultados excelentes. De feito, para optar a estes premios os estudantes debían contar cunha cualificación final do ciclo formativo igual ou superior a 8,5 puntos, entre outros requirimentos.
Entre todos eles, o alumno do IES Ricardo Mella da familia profesional de Electricidade e Electrónica, David Quiroga Blanco, tamén foi premiado. Moitos parabéns!!!
Premio de innovación na FP por "Telerrobot con realidade virtual"
Enviado por admin o Xov, 15/07/2021 - 16:49|
O proxecto “Telerrobot con realidade virtual” coordinado dende o noso departamento de Electrónica -xunto co IES Politécnico de Vigo e o IES Escolas Proval- vén de ser recoñecido nos Premios para o desenvolvemento de proxectos de innovación na Formación Profesional.
Con este fin, o alumnado de Electrónica recibirá unha ampla formación en tecnoloxía, robótica e programación para deseñar e construír un robot con capacidade de telecomando a base da incorporación dun sistema de realidade virtual. O robot levará unhas cámaras na posición dos ollos e terá un colo articulado que unha persoa poderá manexar a distancia. O manexo da cabeza do robot farase desde un móbil colocado dentro dunhas lentes de Realidade Virtual, de xeito que os movementos da cabeza da persoa serán replicados pola cabeza do robot. Ademais, a imaxe das cámaras do robot transmitirase ata o teléfono móbil, e así a persoa estará vendo o mesmo có robot. Así que, ánimo ao alumnado e aos profesores da familia de Electrónica, Carmen Currás, Jorge Domínguez e Javier Darriba, para afrontaren este novo reto!! |
 |
 |
 |
 |
 |
 |
||
Alumnos de FP de prácticas en empresas europeas co programa Erasmus+
Enviado por carmenc o Ven, 26/03/2021 - 19:35Dous alumnos de Formación Profesional de Grao Superior vanse de Erasmus para iniciar as prácticas de Formación en Centros de Traballo (FCT) en empresas europeas. Alejandro fará prácticas de Saúde Ambiental nunha empresa irlandesa e Jessica fará prácticas de Asistencia á Dirección nunha empresa de Malta.
Este tipo de experiencias de mobilidade son promovidas pola Unión Europea entre os estudantes de Formación Profesional nunha aposta polo desenvolvemento da cidadanía europea e a mellora das competencias persoais e sociais, ademáis das competencias técnicas.
Parabéns e sorte para os dous!
Premios extraordinarios de Bacharelato e FP Superior
Enviado por admin o Mér, 25/11/2020 - 21:22A Xunta publicou os premios extraordinarios de Bacharelato e FP superior aos que se lles recoñece os méritos excepcionais polo excelente resultado académico acadado.
Entre eles atópase Fernando José Criado Rodríguez, alumno do IES Ricardo Mella no Ciclo Superior de Mantemento Electrónico.
Moitos parabéns !!!
"NO IES RICARDO MELLA ENTENDEMOS QUE A EDUCACIÓN É A MELLOR FERRAMENTA PARA A PREVENCIÓN DA VIOLENCIA E XÉNERO"
Enviado por admin o Mér, 25/11/2020 - 00:56"NO IES RICARDO MELLA ENTENDEMOS QUE A EDUCACIÓN É A MELLOR FERRAMENTA PARA A PREVENCIÓN DA VIOLENCIA E XÉNERO"
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
