Economía

O equipo do IES Nosa Señora dos Ollos Grandes formado por Pilar Wegmuller, Laura Iglesia e Alejandra García gana o Reto do Tour do Talento co proxecto: Lugo, ciudad milenariamente joven.

Parabéns!!!

O Reto do Tour do Talento: “Lugo, a cidade que imaxinas e na que queres vivir” consiste na presentación dun proxecto, que teña por obxecto, mellorar a vida das persoas na cidade de Lugo, crear unha sociedade máis participativa, deseñar o modelo de cidade no que se quere vivir e fomentar o emprendemento xuvenil.

O día 16 de marzo celebrouse na Facultade de Ciencias Económicas e Empresariais da Universidad de Vigo a XIII Olimpíada galega de Economía.

A alumna do IES Nosa Señora dos Ollos Grandes, Sabela Díaz Fernández, acadou o 2º posto e irá á fase nacional en xuño en Sevilla.

Parabens!

A Olimpíada Española de Economía é unha competición académica e educativa, cuxo principal obxectivo é estimular o estudo da Economía e da Empresa entre mozos e mozas con capacidade reflexiva e emprendedora, ofrecéndolles a posibilidade de participar con espírito deportivo nunha competición de ámbito autonómico e nacional. e premiándoos en recoñecemento á súa excelencia académica

Alumnado de 4º ESO do IES Nosa Señora dos Ollos Grandes visitou Labemprende.

LabEmprende é un bus interactivo que viaxa por toda España para despertar as actividades emprendedoras. Trátase dun laboratorio interactivo e multimedia onde o alumnado aprenderá o concepto de emprendemento, as súas características e valores.

Alumnado de 2º ESO de Educación Financeira visitou a Axencia Tributaria

Alí ensináronlles a facer unha consulta, cita previa, sacar número e os distintos departamentos.  Xa no Salón de Actos da AEAT faláronlles dos distintos impostos e da importancia de que todos os paguemos, Tamén respostaron as preguntas que o alumnado plantexou. Foi unha visita amena e moi interesante.

Alumnado de 4º ESO do IES Nosa Señora dos Ollos Grandes  asistiu á charla de Marta, emprendedora e copropietaria de Como en casa, unha empresa de comida para levar.

Marta contou a súa experiencia como muller emprendedora e falou das dificultades que atopou no camiño. Contounos tamén que ten a percepción de que está aumentando moito o número de mulleres emprendedoras a partir dos 40 anos.

Esta charla estivo organizada polo Departamento de Economía do IES Nosa Señora dos Ollos Grandes co motivo da celebración do Dia da Muller Emprendedora.