Skip to Content

Taboleiro

Axudas para a realización polo alumnado de actividades de formación en lingua estranxeira 2017

A Consellería de Cultura, Educación e Ordenación Universitaria convoca 682 prazas para realizar actividades de formación en linguas estranxeiras no ano 2017

Poderá solicitar estas axudas o alumnado de centros sostidos con fondos públicos da Comunidade Autónoma de Galicia dos cursos que aparecen na seguinte táboa.

Ver mais información na páxina web correspondente da Consellería.

Calendario exames setembro 2018

Adxúntase ficheiro co calendario de exames da convocatoria extraordinaria de setembro do curso 2017-2018.

Cadernos de campo 1º ESO 2017-2018

Pequeno percorrido polos cadernos de campo elaborados por alumnado de 1º da ESO do IES Nosa Señora dos Ollos Grandes.

Axudas STEMweek

Vense de publicar no DOG (12.06.2018) a Orde do 23 de maio de 2018 pola que se convocan axudas para a realización de actividades formativas STEM en lingua inglesa, STEMweek.

Trátase dunha axuda para realizar as actividades de formación, dirixidas á mellora das competencias en lingua inglesa e da competencia científico-tecnolóxica ou STEM (Ciencia, Tecnoloxía, Enxeñaría e Matemáticas) do alumnado de 3º e 4º de educación secundaria obrigatoria matriculado en centros docentes sostidos con fondos públicos en Galicia, durante o curso 2017/18.

 

O lugar onde se realizará esta actividade será o CRD da Coruña (Centro Residencial Docente, Burgo-Acea de Ama, s/n, Culleredo 15670), en réxime de internado de domingo ao sábado seguinte.

Mais información na web da Consellería.

Prazo de presentación de solicitudes ata o 12 de xullo.

Convocatoria de axudas para libros de texto e material escolar para o curso 2018/19

Publicada Orde do 9 de maio de 2018 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2018/2019

Convocatoria dos premios extraordinarios de bacharelato 2017/18

O día 15 de marzo, publicouse no DOG a Orde do 27 de febreiro de 2018 pola que se convocan os premios extraordinarios de bacharelato correspondentes ao curso 2017/18.

Na mesma establécese que o prazo de presentación de solicitudes será dun mes contado a partir do día 2 de maio de 2018 (Prazo de presentación de solicitudes: 02/05/2018 - 01/06/2018)

O prazo de presentación de solicitudes remata o vindeiro venres, 1 de xuño de 2018.

Convocatoria dos premios extraordinarios de bacharelato 2017/18

O día 15 de marzo, publicouse no DOG a Orde do 27 de febreiro de 2018 pola que se convocan os premios extraordinarios de bacharelato correspondentes ao curso 2017/18.

 

Nos seguintes artigos de dita orde establécese que:

 

Artigo 4. 

O prazo de presentación de solicitudes será dun mes contado a partir do día 2 de maio de 2018 (Prazo de presentación de solicitudes: 02/05/2018 - 01/06/2018)

As solicitudes subscribiranas directamente as persoas interesadas con plena capacidade de obrar ou, se é o caso, os/as representantes legais dos/as solicitantes.

As solicitudes (anexo I) presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal

Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

Artigo 10.

[...]

3. A celebración da proba terá lugar o día 22 de xuño de 2018 e realizarase nos lugares e no horario que se darán a coñecer mediante resolución publicada no Diario Oficial de Galicia, e no portal educativo da Consellería de Cultura, Educación e Ordenación Universitaria https://www.edu.xunta.gal

[...]

(A citada resolución publicouse no DOG do 30 de abril de 2018)

 

Teatro dentro do Proxecta Aulas I + I: Aulas Inclusivas e Igualitarias

 

 

Aulas I + I é un programa do Plan Proxecta para traballar a Inclusividade e a Igualdade no ámbito do ensino. No presente ano académico 2017/18 o IES Nosa Señora dos Ollos Grandes xunto ao IES Lucus Augusti estamos a desenvolver actividades conxuntas no eido da inclusión entre as que se atopa o taller de teatro "Respectarte", no que participan alumnas e alumnos dos dous centros. coa finalidade de crear un producto que permeta sensibilizar á comunidade educativa respecto á promoción da atención ás persoas con diversidade funcional. 

Colabora: Maisqueteatro e Fundación Tadega

Visita de profesores italianos no IES Nosa Señora dos Ollos Grandes

Duas profesoras e un profesor italianos, do centro Istituto Comprensivo Luigi Vanvitelli, de Caserta, están estos días de visita no IES Nosa Señora dos Ollos Grandes.

O obxectivo da visita e coñecer de primeira man o sistema educativo galego. Para iso visitarán as clases como observadores e entrevistaranse con profesores e membros do equipo directivo do centro. Tamén está prevista a visita a lugares de interés cultural e educativo na localidade e arredores.

Entrega premios extraordinarios bacharelato curso 2016-2017

O ex-alumno do IES Nosa Señora dos Ollos Grandes, Carlos Rodríguez, recibe o galardon de premio extraordinario de bacharelato correspondente ao curso académico 2016-2017.

Parabéns Carlos!!

Distribuir contido


by Dr. Radut