Skip to Content

3º trimestre

Concurso de títulos

A Biblioteca do IES Nosa Señora dos Ollos Grandes convoca o concurso "Ponlle Título a túa obra" 

Trátase de aportar o título do que podería ser unha obra creativa personal (unha composición musical, un poema, unha novela, unha autobiografía, un cómic, etc). Este título debe ser suxerente, sintético, evocador e a característica que cada un queira transmitir.

Prazo ata o 1 de xuño para paticipar. Presentación  en biblioteca.

Entrega de premios competicións deportivas.

Os alumnos do IES Nosa Señora dos Olllos Grandes que gañaron as distintas competicións deportivas levadas a cabo nos recreos, recibiron hoxe os trofeos e recoñecemento. Parabéns!!

 

Viaxe a Porto

O Campus de Lugo da USC e a Universidade de Porto promoveron un intercambio de estudantes de secundaria de Galicia e Portugal no mes de setembro.

 

A iniciativa é unha acción resultante do proxecto europeo Phereclos, no que participaron XuvenCiencia e a facultade de ADE luguesa. O alumnado mantivo conversas con responsables de empresas tecnolóxicas lusas

 Un grupo de 17 alumnos de BAC dos institutos Ollos Grandes viaxaron á cidade de Porto os días 2 e 3 de setembro, onde participaron en obradoiros formativos incluídos no proxecto europeo Phereclos baixo a supervisión de XuvenCiencia e a facultade de ADE do Campus de Lugo da USC e da Universidade de Porto. 

 

O Club de Lectura visita o Museo Provincial

Os alumnos do club de lectura de 1º de ESO realizaron unha visita ao museo provincial para coñecer as pezas da cultura castrexa e despois facer unha visita guiada por algunhas outras salas do museo. Esta actividade está relacionada coa lectura do libro O torques de Burela de Antía Yáñez.

   

Por outra banda o alumnado do club de lectura de 2º ESO visita o museo e outros emprazamantos do Lugo romano relacionados co libro  O veleno da risa de Antón Jaureguízar. A parte fundamental da visita consistía en coñecer a historia do carneiro alado e a continuación unha breve visita por outras salas do museo.

    

 

 

Exposición cadernos de campo

No vestíbulo do centro están expostos estes dìas os cadernos de campo de alumnos/as de 1ESO, nos que describen distintas especies da súa contorna.

Parabéns polo bo traballo feito.

Acto de graduación 2º BAC

O venres día 11 de xuño ás 17:00 o alumnado de 2º de bacharelato celebrou o acto de graduación no Auditorio Gustavo Freire.

 

Pola situación de pandemia e protocolo COVID este acto quedou restrinxido ao alumnado e profesorado. Lamentamos moito que non poideran asistir familia e amigos.

 

Houbo actuacións que levantaron a ovación dos presentes.

   

E discursos emotivos. De lembranzas e agradecementos.

  

Parabéns! Xa vos botamos de menos.

 

 

 

Iniciación á Petanca

Durante toda a pasada semana tivemos a oportunidade de coñecer o deporte da Petanca grazas a colaboración do profesor ARCO do centro (David Fernández Pérez) e os profesores implicados do departamento de Educación Física (Bruno, Eduardo, J. Antonio Gayoso e Roberto). Nesta actividade participaron máis de 250 alumnos entre todos os grupos de 1º de ESO (A, B, C, D e E), 4º de ESO (A, B, C, D, E e F) e os dous cursos do Ciclo. 

  


Asemesmo, na iniciación ao deporte tivemos unhas breves nocións teóricas, un circuito de arrime e de saque como tamén un partido oficial e reglamentario a 13 puntos. Nesta última actividade gañaron con máis diferenza de puntos as alumnas: 

- Na modalidade de 1º de ESO: Emma, Sara e Irene (1ºC)
- Na modalidade de 4º de ESO: Paula, Sofía e Niobe (4ºA)

¡Noraboa a todas elas! e recordade que o vindeiro venres no recreo recibiredes un agasallo na Biblioteca por parte do coordinador da actividade. Tamén o Centro quería agradecer a presenza de Juan e de Ben, dous xogadores federados de Petanca afincados en Negreira de procedencia francesa que falaron cos rapaces nunha charla íntegramente en francés o pasado 24 de maio. Do mesmo xeito, David quere agradecer a participación e o interese de todo o persoal implicado (equipo directivo, profesorado, alumnado e persoal non docente) pola boa acollida da actividade e que se repita en anos vindeiros ¡Oxalá que así sexa!. 

Por último, podedes ver unha reportaxe que nos fixo a Fundación TIC da actividade: www.youtube.com/watch?v=GYD4klAKzfs

 

 

Visita á Escola Politécnica no Campus de Lugo

O alumnado de TIC de 4º de ESO asistiu a unha demostración, por parte de profesores e alumnado do Grao de Robótica, do funcionamento dos robots cos que contan para os estudos do grao. Visitaron, ademais, o laboratorio de física, onde contan cun equipamento de brazos robóticos.

 

Acto de entrega das matrículas de honra

O IES Nosa Señora dos Ollos Grandes celebrou un acto de recoñecemento no que se premiou con Matrícula de Honra os mellores expedientes de Bacharelato de toda a promoción, poñendo en valor o esforzo académico do alumnado premiado que se mostra na foto.

 

Parabéns!!!

Visita á exposición Do Camiño ao papel

Alumnos de 4º da ESO visitaron a exposición Do Camiño ao papel.

  

A continuación fixeron un recorrido polo Camiño de Santiago na cidade.

 
 
Distribuir contido


by Dr. Radut