Física e química

No club de ciencias do IES Nosa Sra dos Ollos Grandes seguimos traballando con cores.

O alumnado separou a proteina do leite e con axuda do colorante obtivo estas bonitas figuras

Esta semana o alumnado do club de ciencias, comprobou como se moven as correntes mariñas. Para o cal so necesitou colorante, xeo e auga quente.

Foi un experimento moi sinxelo pero divertido e cheo de colorido

Alumnado de 1º de Bacharelato do IES Nosa Señora dos Ollos Grandes asistiu a charla: Química, alimentos e cociña, impartida por Ricardo Riguera, profesor do Departamento de Química Orgánica da Facultade de Química da USC.

Utilizando os principios da química, móstrase a natureza dos alimentos (que son e de que están feitos) e das especies (orixe, color e sabor), as súas transformacións ao cociñalos e a ciencia que explica os métodos de conservación. Todo iso ilústrase con exemplos dos nosos alimentos mais comúns (infusións, café soluble, caldos, guisos, fritir, ferver, escabechar etc.). 

Alumnado de 4º ESO do IES Nosa Señora dos Ollos Grandes visitaron os laboratorios da Facultade de Ciencias.

Alí, en pequenos grupos, recorreron as instalacións, os distintos laboratorios e fixeron varios experimentos, unha cromatografía, unha reacción ácido base.

Tamén recibiron información sobre os grados que se poden cursar na Facultade de Ciencias.