Skip to Content

Aulas Verdes

Mostra do traballo feito este curso no proxecto Escola Verde

No seguinte enlace pódese ver o traballo feito no proxecto Escola Verde.

https://padlet.com/cristinarey_tec/x2fx1u91fiuby7tj

Aulas Verdes: enquisa diagnose

Enlace á enquisa de diagnose do centro:

ENQUISA

A nosa natureza, o mellor negocio

O proceso de abandono do rural e crecemento das cidades, mesmo no interior de Galicia, está facendo que, pese a enorme riqueza natural da nosa rexión e ao importante peso que non fai moito tempo tivo na nosa economía o mundo rural e do mar, as novas xeracións están crecendo de costas ao medio ambiente. Cada vez mais, as referencias que os nosos xoves teñen sobre a natureza son as informacións que lles chegan a través dos medios de comunicación, Internet ou as redes socias. Estase a perder a experiencia de primeira man coa natureza próxima, coa aldea, coas charcas, cos regatos, cas fragas, cos montes,...

Esta desconexión explica moitos dos comportamentos dos nosos mozos e mozas, que crecen alleos ao ritmo que a natureza nos marca coa súa sucesión de estacións, ciclos biolóxicos, cadeas alimenticias, ecosistemas, biotopos e demais aspectos medioambientais con incidencia no noso día a día. E crecen, mesmo alleos, tamén, á incidencia e os impactos do noso estilo de vida e da sociedade actual sobre o medio ambiente.

Algúns autores mesmo vinculan algúns dos transtornos do comportamentos que se experimentan na vida moderna, como o estrés, a ansiedade, a hiperactividade,... cun déficit de natureza. A inmediatez propia da nosa vida cotiá, na que a tecnoloxía permite que todo transcurra moito mais rápido, está nas antípodas dos procesos naturais que conforman o noso contorno e a nosa paisaxe.

Consideramos que como docentes temos a responsabilidade de facer conscientes aos nosos alumnos do papel central que a natureza xoga en todas as ordes da vida. E mesmo dar a coñecer a riqueza do noso patrimonio ambiental facilitando e fomentando o acceso ao mesmo a través deses espacios cercanos obxecto de protección e conservación.

Distribuir contido


by Dr. Radut