Celebración de San Valentín

Dende a Biblioteca do IES Nosa Sra dos Ollos Grandes celebráronse varias actividades polo San Valentín.

1. Recomendacións para a lectura no corredor da planta baixa. 

2. Exposición de cuestións tradicionais sobre o concepto do amor.

3. Entrega de rosas de papel e poemas de Manuel María e Darío Xohán Cabana con temática amorosa durante o lecer do luns 14 de febreiro no centro.

4. Entrega de rosas de papel por parte das mensaxeiras do amor. O venres 11 de febreiro durante o lecer as colaboradoras recolleron os encargos (remitente- destinatario) e o luns 14 de febreiro durante a quinta e sexta sesións entregaron estes encargos polas aulas. 

5. Mesa da cita a cegas cun libro. O 14 de febreiro poderedes atrevervos a quedar a cegas cun libro...

6. Concurso da mellor mensaxe de amor. Ata o día 18 de febreiro deixar as mensaxes de amor, cariño, admiración,  agradecemento,  tenrura, estima, etc, a quen vós queirades na urna do amor. Entre o 21 e 25 de febreiro expoñeremos no corredor estes textos e montaremos unha "mesa electoral " para que poidades votar. O gañador obterá un premio moi amoroso. Todo o colectivo pode participar (con nome ou alcume).