Reunión ANPA do IES Nosa Señora dos Ollos Grandes: xoves 17 de outubro, as 18:00 horas

A Asociación de Nais e Pais, coa colaboración da Dirección do Centro, invítavos a unha
reunión coa actual Equipa directiva para falar deste novo curso escolar que xa comezou.
Poderedes preguntar e plantexar todas aquelas cuestións, necesidades e ideas para desenrolar
que sexan do voso interese e informarvos dos proxectos para este novo curso escolar.
A reunión terá lugar no Salón de Actos do Centro (este salón esta no segundo andar), o vindeiro
día 17 de outubro, xoves, ás seis da tarde.

Lembra: xoves 17 de outubro, as 18:00 horas no Salón de Actos do instituto do teu fillo/a.

Acto seguido, as 18:30 h. en primeira convocatoria, e ás 19:00 h. e en segunda convocatoria, a Xunta directiva da ANPA, convoca unha ASAMBLEA ORDINARIA coa seguinte orde do día:
 Lectura e aprobación, se procede da acta da reunión anterior
 Actividades realizadas no curso anterior
 Estado de contas e aprobación das mesmas.
 Acto de Graduación de 2º de Bac.
 Continuidade de Obradoiros para as familias.
 Plan xeral de actuación da Asociación
 Rogos e preguntas.

Despois, acorde cos Estatutos da Asociación, celebrarase a ASAMBLEA EXTRAORDINARIA para renovar a Xunta Directiva da ANPA.

Esta reunión ten lugar só unha vez ao ano, e polo tanto, cumpre tamén a importante función de establecer contacto entre o centro, a ANPA e as nais e pais do alumnado do IES.
Prégase puntualidade e a maior asistencia posible

En Lugo a 8 de Outubro do 2019

A Presidenta da A.N.P.A.

(Se aínda non es socio/a, podes facelo ingresando 12 euros por familia na conta do Banco Santander, Nº ES86ES86ES86 -0049 -6717 -63226322 -9006 -6185 6185, ou na secretaria do centro, facendo constar o nome do alumno ou alumna e o curso.)
É moi importante aumentar o nº de socios da ANPA para que desde esta asociación se poda continuar e ampliar as actividades para as familias e coas que colaboramos habitualmente co Centro.

Achégase formulario de inscripción para entregar nas oficinas do centro

Grazas pola vosa colaboración