Taboleiro

Os alumnos do IES Nosa Señora dos Ollos Grandes Manuel Alonso Cousido de 2º B e Claudia Fernández Campo de 2º H (esta última á espera de saber o resultado do desempate) están no listado provisional de estudantes que obtiveron o premio extraordinario de Bacharelato, unha proba a que este ano se presentaron 765 estudantes e que premia aos 20 mellores de Galicia.

Parabéns a Manuel e Claudia polo bo traballo feito.

Relación de libros de texto para o curso 2021/2022

 Calendario de entrega de notas 

Xornada de Portas Abertas o vindeiro venres 25 de xuño no Campus de Lugo, onde se concentran varias das novas ofertas de grao da USC como o novo grao en Xestión Cultural, que comeza no curso académico 2021-2022, ou os Graos en Bioquímica e Empresa e Tecnoloxía, que se iniciaron no presente curso. Todos eles son graos únicos no Sistema Universitario Galego e súmanse a outros de implantación recente, os Graos en Robótica e en Paisaxe.

Esta Xornada de Portas Abertas vai dirixida especialmente ao alumnado que acaba de rematar as probas ABAU e aos seus pais e nais.

Xunto coa presentación das titulacións, darase información sobre os servizos para o alumnado como son as residencias universitarias. Este é un resumo das quendas e percorridos ofertados.

Para inscribirse na Xornada, as persoas interesadas deben cubrir o seguinte formulario:

https://forms.office.com/r/qEzbsCMxtq

Para calquera dúbida poden dirixirse ao correo: aponte.lugo@usc.es

Alfonso Blanco Torrado, crego, animador sociocultural, escritor, fundador e coordinador de XERMOLOS, presentou no IES Nosa Señora dos Ollos Grandes ao alumnado de 4º ESO  o Paseo dos Soños.

O alumnado de 4º ESO, na materia de plástica fixo este traballo sobre o Hectómetro literario. Outros compañeiros traballaron en Lingua Galega sobre a vida e obra destes persoeiros chairegos.