3º trimestre

Acto de entrega das matrículas de honra

Xov, 27/05/2021 - 13:02

O IES Nosa Señora dos Ollos Grandes celebrou un acto de recoñecemento no que se premiou con Matrícula de Honra os mellores expedientes de Bacharelato de toda a promoción, poñendo en valor o esforzo académico do alumnado premiado que se mostra na foto.

Parabéns!!!

Visita á exposición Do Camiño ao papel

Xov, 27/05/2021 - 08:49

Alumnos de 4º da ESO visitaron a exposición Do Camiño ao papel.

A continuación fixeron un recorrido polo Camiño de Santiago na cidade.

Paseo literario. Por Lugo en Galego.

Mér, 26/05/2021 - 18:35

Alumnado de 3º de ESO do IES Nosa Señora dos Ollos Grandes fixo unha andaina polos rincóns literarios de Lugo visitando a Castelao, Xela Arias, a casa na que viviiu Rosalía de Castro, Anxel Fole e Luís Pimentel.

Acompañaron aos alumnos as profesoras de galego Mª Jesús Mourín e Cristina Soto

Foi unha actividade organizada polo departamento de galego.

Saída ao Parque Rosalía de Castro

Mar, 25/05/2021 - 18:26

Alumnado de 1º de Bacharelato saíu de andaina ao Parque Rosalía de Castro.

O obxectivo era coñecer a capacidade aerobia de cada un empregando só un teléfono móbil e facendo un percorrido de 1600m.

Esta actividade estivo organizada dentro da materia Anatomía aplicada.

Ciclo de conferencias Pantallas amigas

Ven, 21/05/2021 - 11:17

O alumnado da ESO participou no ciclo de conferencias Pantallas amigas

Trátase de sensibilizar ao alumnado para un uso seguro e saudable de internet.

Conmemoración do Día das Letras Galegas 2021

Mar, 18/05/2021 - 09:33

O IES Nosa Señora dos Ollos Grandes sumouse a conmemoración do Día das Letras Galegas dedicado esta ano a Xela Arias.

Alumnos de ESO fixeron lectura e musicaron varios poemas de Xela.

Participación no programa Dígocho eu da TVG na plataforma Twitch

Xov, 13/05/2021 - 09:17

Alumnado de 2º ESO participou online na presentación da canle Twitch, plataforma de vídeos en directo, cunha primeira sesión de #DígochoEu en streaming.

A sesión, na que participaron o seu director Carlos Amado, a xornalista Esther Estévez e a lingüista Rocío Pérez estivo protagonizada pola intervención en directo dos nosos alumnos, que fixeron unha morea de preguntas.

Podedes ver a emisión en: https://www.crtvg.es/informativos/asi-foi-a-estrea-do-digochoeu-en-twitch

Formación en emprendemento STEM

Mar, 13/04/2021 - 08:52

Primeira sesión da formación programada sobre emprendemento e STEM, dentro do proxecto europeo TEMP-PHERECLOS, no que participa o IES Nosa Señora dos Ollos Grandes xunto cas universidades de Santiago de Compostela e Oporto, ademais doutros centros de Galicia.