2º trimestre

Famosa é esa frase que di, "hai que traballar ben, tamén hai que parecelo". O STEAM BACH Ollos Grandes leva seis anos rodando. Superándose ano tras ao. Cada cousa nova que aprendemos a incorporamos á seguinte xeneración. Así é como o ser humano constrúe o coñecemento.

Importante é comunicar a nosa existencia, o que facemos con tanto esforzo, todos, alumnas, alumnos e profesorado. Así que este ano tocaba falar de nós. Coincidindo co recoñecemento do seu traballo por parte das Universidades, nós poñemos sobre a mesa o esforzo e o cariño que pusxemos  na procura do coñecemento e o queremos dar a coñecer á sociedade en xeral. 

Alumnado do IES Nosa Sra dos Ollos Grandes participantes no Bacharelato de Excelencia en Ciencias e Tecnoloxía, STEMbach,  recibiron os correspondentes diplomas acreditativos.

O programa STEMbach ten por obxectivo fomentar o ensino das chamadas disciplinas  STEM (ciencias, tecnoloxía e matemáticas) entre os estudantes de bacharelato, involucrándoos para iso en proxectos de investigación tutelados por profesores universitarios

Excepcional tarde coa presentación dos Proxectos STEAM do IES Ollos Grandes. Os alumnos e alumnas defenderon as súas investigación con rigor, con datos e con unha boa documentación. Souberon aplicar os diagramas de pensamento que os axudan a relacionar os diversos conceptos que manexaban así como as novedosas (para eles como alumnado de bacharelato) técnicas de investigación realizadas.

“Estudo do efecto do fotoperíodo sobre a multiplicación in vitro do acivro híbrido Ilex x koehneana”. Galir Macía López

”Investigando a contorna física da man do patrimonio cultural construído”. Duarte Guerreiro Legaspi

 “A teoría da relatividade na vida media dos muóns”. Natalia Otero Caínzos; Gabriel Mouriz.

"Estimación do sexo, idade e talla en restos óseos humanos". Laura Irea Sanjurjo Penas

"Explorando a seguridade alimentaria: aplicación dos microsatélites na detección de fraude alimentario". Delia Fernández Leglise, Elena Amélie García Mouret, Mariam Lafsahi Lefsahi

 Parabéns!

Foi unha bonita tarde de coñecemento e paixon pola investigación

Alumnado do Club de lectura do IES Nosa Sra dos Ollos Grandes visitou o Pazo de Tor

O Pazo de Tor está situado nunha elevación que lle serve de miradoiro sobre o val de Lemos na parroquia de San Xoán de Tor. Acolle unha importante biblioteca, catro salóns corridos, escalinata barroca e unha colección de armaduras (séculos XIV- XV), así como mobles e pinturas do século XVI.